الدورة الشهرية او ما يسموها بالدورة الطمثية 😁♥️
ماراح احجي اعراض وعلم واتعمق كلش هواية هو مجرد وجهة نظر قابل للنقد وكل شيء 😁♥️
اولا بس تعريف صغير
الدورة الشهرية :- هي دورة من التغيرات الطبيعية الي تصير في الرحم والمبيض بهدف تمكين عملية التكاثر ففيها يتم إنتاج البويضات وتجهيز الرحم للحمل، وتحدث الدورة في إناث الإنسان وإناث الارانب ايضا في فترة خصوبتهن، ووقتها يُتحكم به حسب الساعة الحيوية، وتتكرر فيهن بين بدء الإحاضة السن الذي تحدث فيه أول دورة وسن اليأس السن الذي تحدث فيه آخر دورة.🌚♥️
نجي هسة العالم ليش تستحي منها؟
صراحة دورت هواية وسئلت ناس كلش هواية ليش تستحون منها ؟ ملكيت جواب مقنع اكثريتهم كلولي عيب 😐😐 شنو العيب بالموضوع اريد افتهم ؟ 😅
من صدك مابيها شي عيب هي دتفيد جسمج اكثر مما تضره اعرف واجي وياج بيها اعراض واتاذي بس مابيها شي عيب
اووف لو اني بنية كل ما تجيني الدورة ويكلي شخص شبيك ضايج اكله جايتني الدورة شنو بيها يعني ؟ 😅
على الاقل من انتي تكولين جايتني الدورة او الشهرية الشخص المقابيلج يعرف يتعامل وياج يعرف يأجل موضوع او يطرح موضوع حتى يتغير مزاجج يعني بيها فائدة بطرح هيج موضوع ☺️
وباوعي خل اكلج شي 😂
اني وانتي وصديقتج وصديقج وامج وابوج واخوج وابن عمج وكل ولد بهاي الدنية وكل ابنية ندري كلش زين تجيج دورة كل شهر 😅 يعني خاف عبالج اذا متكولين ماراح ندري لا راح ندري وندري كلش زين تجيج 😅
ثانيا اتباهي بنفسج انو انتي انثى ! من صدك اتباهي بنفسج شنو العيب والمخزي بشي بايولوجي طبيعي يفيد جسمج ميضرج ! اترجاج لتضلمين نفسج او تحتقرين نفسج !!!!
وانتة عيني اللي عود صايرلي مدري شنو اتكلي الابنية لازم متحجي من تجيها الدورة 😂 ليش يمة شنو بيها قابل اذا انت هيج عقلك محصور بدائرة هي مالها دخل ++++
ادري كلش زين اهلج فرضوا هالشي عليج بس مو اذكر كايليلي انو انتو تحاربون العادات والتقاليد ؟ اشو تمشون وراهن ؟ الشي العيب مموجود بهل سالفة هو مجرد طمر للاناث لا غير 😊
دمتم سالمين♥️
