قناة الشاعر خادم فاطمه العليله ع

بسمة تعالى
_____

القصيدة :- ياراكبين النوك ريضولي
الرادود :- سيد فاقد الموسوي
الشاعر :-
*********************

يحسين يل ماتنطفي نارك
ليش العليلة تعوفها بدارك

ياراكبين النوك ريضولي
عن المحامل بالله نزلولي
بس هل طفل يحسين خلولي

سلوه دليلي بشحت اخبارك
يحسين يل ماتنطفي نارك...............
ليش العليلة تعوفها بدارك................

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

يهل الضعن يل عدكم عيوني
جني حميدة وياكم اخذوني
شمسوية ابوي حسين عفتوني

وياي بلهم ياهو يتشارك
يحسين يل ماتنطفي نارك...............
ليش العليلة تعوفها بدارك................

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

تسبيني دارك يانظر عيني
اخذوني خلو الشمر يسبيني
دارك خليه يحسين تاذيني

متعودة اشوفن بيها خطارك
يحسين يل ماتنطفي نارك..................
ليش العليلة تعوفها بدارك...................

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

يحسين وجهك مااحمل افراكه
امشي مشي مااريدن الناكه
شديت كلبي ليوم الملاكه

واشبك عليك لمني بأكتارك
يحسين يل ماتنطفي نارك................
ليش العليلة تعوفها بدارك.................

____________

گطعو رگبتك والسوالف خدرن
والمايگومن بس لخوهن ركضن
دخانهم باگ الضوه وصار الليل
والشارده ماتدري تلبد عدمن

وجسمك يزحف لو يدنه
يوصل والخيل إيردنه
ــــــــــــــــــــــــــــــــــــــــــــــــــــ
سولف بجسمك لاتسولف عني
مدني مدري بخيلهم مدني
حته الحوافر سولفن بيك هواي
مذبوح اخوچ وماتعاجز مني

تعبان وگوه يشيل ايده
وتعبره وتعثر بوليده
ــــــــــــــــــــــــــــــــــــــــــــــــــــ
حسين كض گلبي وبروحك حلفه
عباس گمت من التعب ما عرفه
والتَمَن عليه الفواطم والصوت
وگواچن الله تموت فوگ الشفه

تعبانه اخت الماينسونه
ميت ويعارك بعيونه
ــــــــــــــــــــــــــــــــــــــــــــــــــــ
خلصت گتله وخلصت مو حلوه
اوگف اگبال اليسوه والمايسوه
وشوايت الله السوط من عين الناس
ماريد اعذبك وانته ميت گوه

بس ردت بهاي انته تگلي
شو ميت وانته تباوعلي
ــــــــــــــــــــــــــــــــــــــــــــــــــــــــــــــ
أداء : سيد فاقد الموسوي
الشاعر :
الكاتبه :عٌـِـِِـِـآشُـُـُُـُقٌـ,ـﮩ آبـٌـٌٌـٌٌٌـٌٌـٌآ آلُـِـِِـِِِـِِـِـفُـ,ـضلُـِـِِـِِِـِِـِـ

خادم انه .. خادم انه .. خادم انه
عله بابك حسين .. عله بابك حسين
ــــــــــــــــــــــــــــــــــــــــــــــــــــــــــــ
انه اول ما خدمتك
اكنس ابابك بديت
شفت بيك شگد محنه
وگلب ماكو بوسعه بيت
الناس ليل نهار تغرف
ماگلت مره گضيت
گلت ماعوفك يَغاتي
وبعتبتك چلبيت

عبدك انه .. عبدك انه .. عبدك انه
عله بابك حسين .. عله بابك حسين
ــــــــــــــــــــــــــــــــــــــــــــــــــــــــــــ
الناس تحسدني وتگلّي
خادم حسين اشعليك
حاسبتني اشتغل عدك
سيدي وما ادري بيك
راضي ما راضي عليه
انه البايع كلشي لِيك
لو اعرفك تطرد احّد
حته لو تطردني اجيك

سائل انه .. سائل انه .. سائل انه
عله بابك حسين .. عله بابك حسين
ــــــــــــــــــــــــــــــــــــــــــــــــــــــــــــ
يا سفينه انت الوسيعه
احتار من شافاهه نوح
شايله الكونين كلهه
ودوم للتايه تلوح
حاشه بس لو فرض تطرد
التطرده المن يروح
يا امل عمري و يَگلبي
انت تدري الجسمي روح

تايه انه .. تايه انه .. تايه انه
عله بابك حسين .. عله بابك حسين
ــــــــــــــــــــــــــــــــــــــــــــــــــــــــــــ
بيتك الما گطع ضيفه
بوجه ماينسدله باب
عليك محسوب انه والله
وياك مادور ثواب
الناس شنهو المهم انته
البابك احسبني تراب
لاتعاتبني اعله جهلي
فدوه ما احمل عتاب

جاهل انه .. جاهل انه .. جاهل انه
عله بابك حسين .. عله بابك حسين
ــــــــــــــــــــــــــــــــــــــــــــــــــــــــــــ
الرواية اتگول عنك
ما تفرق بالخدم
و المقصر ترضى عنه
عليك بـ امك لو قسَم
سيدي وانه المقصر
جيتك وكلي ندم
ما يصح ينشاف دمعي
بس اصل دمعاتي دم

نادم انه .. نادم انه .. نادم انه
عله بابك حسين .. عله بابك حسين
ــــــــــــــــــــــــــــــــــــــــــــــــــــــــــــ
❀ اداء : سيد فاقد الموسوي
❀ الشاعر : علي محسن الزيادي
❀ الكاتبة : عٌـِـِِـِـآشُـُـُُـُقٌـ,ـﮩ آبـٌـٌٌـٌٌٌـٌٌـٌآ آلُـِـِِـِِِـِِـِـفُـ,ـضلُـِـِِـِِِـِِـِـ

بسمة تعالى
____
القصيدة :- شلونك يلغفيت
الرادود :- سيد فاقد الموسوي
الشاعر :- أحمد المشرفاوي

***************

شلونك يلغفيت وعيني سهرآنه
دخلنه لدار بس محد تلكانه

خلصت الطريق آمكالب وتفكير
عسه يطلع حلم وحسين بعده بخير
ليش المامحسبه تصير اله تصير
يتارس كل مكان عيوني وين دير

مدري بيا كتر روحي
بكبرك مدري بجروحي

شلونك يلغفيت وعين سهرانه..........
دخلنه الدار بس محد تلكانه............

•••••••••••••••••••••••••••••••••••••••••••••
وحك ضيمك الكدرته وطلع زايد
يواحد وبمكانك مايجي وآحد
يشهكاتي ويه نفسي النازل وصاعد
متت ميت شعندك بلجبد كاعد

ها شتكول يمدلل
آنه اندفن وانته آعدل

شلونك يلغفيت وعيني سهرانه............
دخلت الدار بس محد تلكانه............

•••••••••••••••••••••••••••••••••••••••••••••
أسولف ويه روحي شلون وشبيه
أكول اليوم أموتن كلت يوميه
موهيجي الكرم لو تبخل أشويه
جريم وحتى حزنك زايد آعليه

يضيمي ويلمضحكني
يحزني ويكلشي يوجعني

شلونك يلغفيت وعيني سهرآنه.........
دخلنه الدار بس محد تلكانه............

•••••••••••••••••••••••••••••••••••••••••••••
عرفنه بموتتك كل لغز مامعروف
عرفنه العين بس للدمع موللشوف
ثاري اليفكد أهله لو هوه مجتوف

كلشي يجيسني بهجرك
يشلع كلبي البكبرك

آذا ماتكعد وتحجي ويه خياتك
دلينه أبدوه آينسينه ضحكاتك

_____________

ماگلتن ابوچن مات
ياهي الضمته عني
چا غير انه اليحبني
وحد عن البنيات...
ــــــــــــــــــــــــــــــــــــــــــــــــــــــــــــ
اگولن صار مدة الروح مبهوته
وانه اعله الناگه حسيت بخبر موته
بطر حيلي يثاري الرمح تابوته

الهوه يتلاعب ابجرحه
ومن الدم ذبل صبحه

وحـد عـن البنيات...
ــــــــــــــــــــــــــــــــــــــــــــــــــــــــــــ
يلتعرفين كلشي وبالفهم مقياس
كون المات ابوهه ابمأتمه ادگ ساس
صدگ نص الخرابه يطب علينه الراس

شسويله عمت عيني
بس الموت يشفيني

وحـد عـن البنيات...
ــــــــــــــــــــــــــــــــــــــــــــــــــــــــــــ
گبل لاموت زينب يمي ادني
غمضي عين راسه لايشوف اذني
وينشدچ عل تراچي الي نخذن مني

خاف يطگ عرج بي
بعباتچ عمه غطي

وحـد عـن البنيات...
ــــــــــــــــــــــــــــــــــــــــــــــــــــــــــــ
گليله يزينب ماتت الورده
بعد يطلبني بوسه بگصته وخده
وبعد بيه عله مصلايتك مَدّه

الك افرشهه واتلگاك
واجيبنك واصلي وياك

وحـد عـن البنيات...
ــــــــــــــــــــــــــــــــــــــــــــــــــــــــــــ
گليله عل مصلايه واحچيهه
من حرگو الخيمه وهدو عليهه
ذبيت اللعابه وچلبت بيهه

خذوهه ومني شمروهه
يبوبه گبالي داسوهه

وحـد عـن البنيات...
ــــــــــــــــــــــــــــــــــــــــــــــــــــــــــــ
✿اداء : سيد فاقد الموسوي
✿الشاعر :
✿الكاتبه : عٌـِـِِـِـآشُـُـُُـُقٌـ,ـﮩ آبـٌـٌٌـٌٌٌـٌٌـٌآ آلُـِـِِـِِِـِِـِـفُـ,ـضلُـِـِِـِِِـِِـِـ

عبد يمه .. عبد يمه

فرحانه ولد عندي
واباهي الخلفن بسمك
ابوك احسين شيبني
جدام النسه يشمك
شلك بالرمل يچوي
حضن الوالدة احسلك

ماتلگه مثل حضني
شلك باللحد يبني
عبد يمه .. عبد يمه
------------------------------------
ادور گمت بالكاروك
عن فزتك راحت وين
بواچيك رسايل شوگ
يحچَلي اعله عشگ حسين
عشرتي وياك ست اشهور
مرت مثل رمش العين

مامليت من عندك
حتى ايامنه ابگدك
عبد يمه .. عبد يمه
--------------------------------
يعبد الله انفطر گلبي
عساها ابذمة الذبحوك
من كثر النعاوي اعليك
يوليدي بچه الكاروك
يالفوگ المتن تنشال
فوگ ارماحهم شالوك

شالوك ونزل حيلي
التعب ضاع وسهر ليلي
عبد يمه .. عبد يمه
-------------------------------------
يواحد روحي شحچيلك
امناغه اهدومك اتعبني
اشماله اوياي كاروكك
اجليه ابشوگ يطردني
امحسبة ابموتته احچيها
هذني امتونه شالني

رِد إِبچي أرْد أرِد لصباي
يصبري وضحكتي وبلواي
عبد يمه .. عبد يمه
---------------------------------
كلشي ايلوم ضل بمك
اسمع روحي تشكيلي
ألمن خلفت مذبوح
وعلي لو عاجر احسلي
اخذني اوياك عبد الله
ألمن ضاله وشلي

اغمها ابلا مهد دنياك
الگبر يحلالي انه اوياك
عبد يمه .. عبد يمه
---------------------------------
انساهن عبد كلهن
لچن بس وحده بيه اتعيل
يغالي امن اذكر اگامطك
مشدود اعله رچب الخيل
اضن سحگنك وعبرن
صدرك مثل چف شيشيل

صحت كون السحگ بيه
اباوع وانغمه اعليه
عبد يمه .. عبد يمه
---------------------------------
تسحگ حيل هاي الخيل
وصلن ليك ماردن
صحت ياهو اليميل ابني
الحوافر كلش ايعورن
مدري اشسون ابصدرك
حليبي ودمك اختلطن

يخيل الله وكبر مات
وخرن المن امچلبات
عبد يمه .. عبد يمه
---------------------------------

سيد فاقد الموسوي
للشاعر حيدر الحمداني

زينب صوت صاحت يالنساوين
گومن ضيف اجاچن راس الحسين
خن نفرش عبيچن
ابوچن جاي ليچن
گومن ضيف اجاچن راس الحسين
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
ابوچن ضيف اجاچن يل حنينات
تعب من الحوافر جاينه يبات
صيحن من يطب يل هاشميات
هله باليضحك و متروس طعنات

صدگ شيّال الاثگال
راسه بطشت ينشال

گومن ضيف اجاچن راس الحسين ..

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
أخوي السَير من بعيد شفته
رغم بس راس بس باقي ابكشخته
الليله ايبات يمنه الضيّع اخته
افرشن بين مرته و بين بته

انتن لاگن الراس
وآنه اتريه عباس

گومن ضيف اجاچن راس الحسين ..

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
راح اتريه اخوي الكله نوماس
استحي و مالي گلب ادنه للراس
فشل لو شافني مايمي عباس
خوفي ابهدمي يشتم ريحت الناس

اخوتي وشرد اگلهم
طلع صوتي ابقصرهم

گومن ضيف اجاچن راس الحسين ..

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
رقيه اخذنهه هل اهلال اهلهه
خل اتشوف ابوهه الما ندهه
العتب چلماته تكتل مو محلهه
بنات البيهه طگه اضم وجهه

ضمنها النياشين
موش اتبچن حسين

گومن ضيف اجاچن راس الحسين ..

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
يَعلويات يل كلچن محنّه
ابوچن ضيف موش اتعاتبنه
صيحن محد لخدرك تدنه
و لا باگو تراچينه من اذنه

امسحن دم رقيه
و أنه امسح دم اديه

گومن ضيف اجاچن راس الحسين ..

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
طاسة ماي جيبن شربن الراس
حساس ابن ابوي ايحس بالحساس
خاف ايضن طلبتن ماي من ناس
گولن جاب گبلك ماي عباس

مثل يبست گلبچن
يابس ريج ابوچن

گومن ضيف اجاچن راس الحسين ..

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
اداء : سيد فاقد الموسوي
الشاعر : احمد المشرفاوي
الكاتبه : عٌـِـِِـِـآشُـُـُُـُقٌـ,ـﮩ آبـٌـٌٌـٌٌٌـٌٌـٌآ آلُـِـِِـِِِـِِـِـفُـ,ـضلُـِـِِـِِِـِِـِـ

بسمة تعالى
_
ألقصيدة :- ألبارحة
ألرادود :- سيد فاقد ألموسوي
ألشاعر :- حمزة ألحسناوي
************

البارحة يم الحسين وكل أخوتي ألبارحة
مارايحه ريحتهم بلخيمة بقت مارأيحة
يم خيمتي ألدنيا بكبرها صغيره
كلساع وحده من ألبنات أمسيره

ألبارحة ألبارحة ألبارحة

•▪︎•▪︎•▪︎•▪︎•▪︎•▪︎•▪︎•▪︎•▪︎•▪︎•▪︎•

لمة أحباب ألبارحة ألتمينه
مامش غريب وكلها منا وبينه
وتبده جاسم مستحه أكبال حسين
من رمله كامت طلبت أيد سكينه

وتبسم حسين بصدر ديوانه
وجسام ماكمل ألكعدة ويانه
ألفاتحه كام أبوفاضل عمه يقره ألفاتحه

ألبارحة يم الحسين وكل أخوتي ألبارحة..........
مارايحة ريحتهم بلخيمة بقت مارايحة...........

ألبارحة ألبارحة ألبارحة

•▪︎•▪︎•▪︎•▪︎•▪︎•▪︎•▪︎•▪︎•▪︎•▪︎•▪︎•

البارحة ألواهس خذانه بغفلة
من تم فرحنه كام جاسم صلة

كامت رباب تهني سكنه وجسام
وتكلهه يوم أن شاءالله لعبدالله
وين العزيز ألبارحه أمكابلني
ومانزل عيونه أبوفاضل عني
انسامحه طيبين حتى ألمايحبنه انسامحه

البارحة يم ألحسين وكل أخوتي ألبارحة.........
مارايحة بلخيمة ريحتهم بقت مارايحة............

•▪︎•▪︎•▪︎•▪︎•▪︎•▪︎•▪︎•▪︎•▪︎•▪︎•▪︎•

مرسال أجاني وبيه هيج علتي
من ألعليه ألضلة أبطايفتي

وتكول من ماجيتكم عذري وياي
عمه المرض حارمني من عرس أختي
وتكلي زينب عمه جنج يمي
كل ساعه أدورنج بفرفة عمي
وألنايحة من مااشوفج تبدي عندي ألنايحة

ألبارحة يم ألحسين وكل أخوتي ألبارحة.........
مارايحة بلخيمه ريحتهم بقت مارايحة...........

ألبارحة ألبارحة ألبارحة

•▪︎•▪︎•▪︎•▪︎•▪︎•▪︎•▪︎•▪︎•▪︎•▪︎•▪︎•

كلساع يم خيمة ياخذني
وعبدالله يتراوالي بعده بحضني

مدري شنزل بمتوني منها وفزيت
من الحلم ثاري الشمر فززني
ويكلي هسه ألثار بيني وبينج
توها الحوافر ركضت أعله حسينج
ماضل مكان وحرمه مالايحه

ألبارحة يم ألحسين وكل اخوني ألبارحة......
مارايحة بلخيمة ريحتهم بقت مارايحة.........

ألبارحة ألبارحة ألبارحة

•▪︎•▪︎•▪︎•▪︎•▪︎•▪︎•▪︎•▪︎•▪︎•▪︎•▪︎•

طشت أيامك وألعطش كاتلهم
مالحكت يحسين ألمهم كلهم

شافوكم تموتون بس هما زغار
ليهسه مقتنعين يرجع عمهم
ميت بعيد وكون ميت يمنه
بلكي الله ويكولون نايم عمنه
ماصايحه ليهسه عباس أنذبح ماصايحه

ألبارحة يم ألحسين وكل أخوتي ألبارحة...........
مارايحة بلخيمة ريحتهم بقت مارايحة............

ألبارحة ألبارحة ألبارحة

•▪︎•▪︎•▪︎•▪︎•▪︎•▪︎•▪︎•▪︎•▪︎•▪︎•▪︎•

صار ألصبح وألنوك جابوهه أولام
وماندري يادرب ألنشد بيه أحزام

كالولي للشام وكلت خد حسين
انه أدري بس بخدودك يصير الشام
ماطول اعليك أختصرلك كلشي
وألهزل اذب الزلم من تمشي
للطايحه شيله اصيرن للبنات الطايحه

ألبارحة يم الحسين وكل أخوتي البارحة............
مارايحة بلخيمة بقت ريحتهم مارأيحة.............

ألبارحة ألبارحة ألبارحة

______________

بسمة تعالى
_
القصيدة :- الرباب
الرادود :- سيد فاقد الموسوي
الشاعر :- حيدر ألخزاعي

~

أختاض أعليها التوخرني من يمه
بعد لاصايحه ولا شابعه من اسمه
الما شارب حليب وشارك أبدمه
امحسبتك تكود حسين من يعمه

من عمرك شيريد اذكر
ياتعب التسعة أشهر

أه يعبدالله أه يعبدالله أه يعبدالله

•°•°•°•°•°•°•°•°•°•°•°•°•°•°•°•°•°•°•°•°•°•°•°•
ياحلمي وصفنتي وشيلتي وكلشي
ياكسرأن ضهري وياعطش هرشي
جنت أحسبلك شما ينطبك رمشي
بعدلك جم شهر وتسولف وتمشي

تبدي تسولف أمتانيك
ونعلمك تكول حسين

أه يعبدالله أه يعبدالله أه يعبدالله

•°•°•°•°•°•°•°•°•°•°•°•°•°•°•°•°•°•°•°•°•°•°•°•
هو انه أشفت بسنينك وخلصن
يبعدك مامبين حتى تشبهمن
من شافاك أبوك أشفايفك يبسن
شالك ودمعته ودمعتك سبن

سكتني ورضيت أروح
هو أنه أدري ترد مذبوح

عزيزه انه لجن من يوم لصرت يبني
حسين بجيتك كام أكثر يحبني
الحرم مالحكن بسمك يصيحني
المن خلفت لوضال أبطني

ست أشهور وموتك مر
انته أبطني عشت أكثر

أه يعبدالله أه يعبدالله أه يعبدالله

°•°•°•°•°•°•°•°•°•°•°•°•°•°•°•°•°•°•°•°•°•°•°•°
ياضحكاتنه ومربط سوالفنه
شكد تاناك أبوك تصير ثالثنه
أبطني ومن نسولف بيك تسمعنه
ولو سولف حسين لكترة تدنه

سوت حسين من تسمع
كبل شهرك ردت تطلع

أه يعبدالله أه يعبدالله أه يعبدالله