#الرادود_سيد_علي_الجابري
الْمشتِرِك بالقَتـِلْ والقـاتِل يِجون
وَقِفُـوهُمْ ۖ إِنَّـهُـم مَّسْــــــــئُـولُونَ
[ أللَّه يِنصُبْ مَحكمه والْـتـحاكِـم فاطمه ]
وَقِفُوهُمْ ۖ إِنَّهُم مَّسْــئُولُونَ
____________________فاطمه بيـوم القـيــامه تظـهر بمـوقف حزين
اتنادي يارب الخــلائق أَرِنِي إبنـي الحســين
ويجي حسين ودمه يجري اتشوفه من الودجين
اتنادي يبني الله واكبر وين راسك گلي وين
يا إلاهِي تحكـــم بْعَـدْلك أريد
تنتقم من حرمله وشِمْر ويزيد
[ الأمر من رب السِمَه والتحاكم فاطمه ]
وَقِفُوهُمْ ۖ إِنَّهُم مَّسْئُولُونَ
_____________________ذوله گِطعـــوا راس إبنـي وسَلِّبَـــوا مِـنَّه الثياب
بخيـلهم هَـشّـــموا صدره واختـــلـط وي التراب
حيـــــدر بخـاتَـم تِصــدَّق يِدفَـع الشَّــر والعـذاب
والِحسين انطـه بممــــاته خُنـصــر وخاتَـم ثواب
تِسْع ٱصابع يعني مِنْ صُلْبَه تِصير
تِسِع معـصومين والمهدي الأخـير
[ ملحمه بصف ملحمه والتحاكم فاطمه ]
وَقِفُوهُمْ ۖ إِنَّهُم مَّسْئُولُونَ
_____________________شايله اجفوف ابو فاضل بيـدها والكل تِشــــوف
يا إلاهي اتگـلـــــه أُنظــر ماذَنِب هــاي الجـفوف
اجفوف كافــل بِنتي ذني گطِّعـوهن بالســــيوف
ذَنِي حِمـلَن رايــــة الحگ يـوم عاشـــر بالطفوف
اليوم اريدك تنتقـــــم شَّـر انتقـــام
ٱمن الگِطَعْهِن والحرگ بيده الخيام
[ اليوم يحچي امخيّمه والتحاكم فاطمه ]
وَقِفُوهُمْ ۖ إِنَّهُم مَّسْئُولُونَ
_____________________بيا ذنب عـبد الله بالطـف ينــذبح بحضان أبوه
ذنبه چي ضامي وطلــبله گطره وحده ماسگوه
اتنازع الجيش اعله حـاله وتالي بالنبــــله رموه
بيش مطلــــــــوبه الرباب لچـفها مَيّت رجّعـوه
عمره شـمعه وتنطفي بعينه الحياة
وجهه أحلـه اهواي من ماي الفرات
[ كل گلب يشكي الضِمَه والتحاكم فاطمه ]
وَقِفُوهُمْ ۖ إِنَّهُم مَّسْئُولُونَ
_____________________علي الأكـــــبر شـنهو ذنبه تِنسـفِك بالطف دِمَـاه
يـا نوايــح گلــب ليــــــلى للعـرش واصل صَداه
ورمله چن اتشوف جاسم واگـف المـوت ابگفاه
طَلَـع ، شتذب مـاي ماكــو شُمـرت الدنيـــا وراه
آنـه أم واشـــــــعر بگلـب الأمهـات
الأم تِموت اويه الولَد لو بِـنها مات
[ بالمصاب امحَزّمه والتحاكم فاطمه ]
وَقِفُوهُمْ ۖ إِنَّهُم مَّسْئُولُونَ
_____________________بيا شرع زينب سِــــبوها وچَـتِّــــفوها بيا سـبب
هاي لَبـْــــــوَتْ آل هاشم زينب أم حَچي الذهب
تِحلف الناس بخـــــدرها تـالـي يِتوَلُّـــوها سَـب
بِت علي واخت ابوفاضل تنظــرب بيـن العـــرب
بگد عدد دمعاتها بطف كربلاء
تطلب امجازاتها بيوم الجـزاء
[ تِطلُب ابحـگ الدِمه والتحاكم فاطمه ]
وَقِفُوهُمْ ۖ إِنَّهُم مَّسْئُولُونَ
_______________خادم الحسين ع
#مرتجى الحسَّاني
قناتي خادم الزهراء مرتجى الحسَّاني
https://t.me/y2_7y
