YAXSHILAR

Бир киши оқшом машинасини ўғирлатди. Эртаси куни уни ўз жойида ювилган, озода ҳолда топди. Эшикни очган эди машина салонида қуйидаги мактубга кўзи тушди:

“Минг бор узр, машинангизни олиб турдим. Чунки аёлимни тўлғоқ тутаётган эди. Уни машинангизда туғруқхонага олиб бордим. Алҳамдулиллаҳ, биз фарзандли бўлдик. Сиз ва аҳлингизга ҳадия сифатида кинотеатр учун чипта ва баъзи ширинликлар, чақилган ёнғоқ ва писта қолдирдим. Уларни орқа ўриндиқдан топасиз. Мени маъзур тутасиз деган умиддаман.“

Киши табассум қилди ва кўзёшларини артиб:
“Аллоҳга ҳамд бўлсин. Биз ўйламаган томондан бизга ризқ ва ажр-савоб тақдим қилди“, деди. Шундан сўнг оиласи билан кинотеатрга йўл олди.

Уйга қайтгач уйини ўғри урган шип-шийдон ҳолда топди. Унда бир мактуб ҳам қолдириб кетилган эди:
“Қалай, сизга кино ёқдими?“.

Кейинида қандай мақсад яширинганини билмай туриб бошқаларнинг хатти-ҳаракатларига алданиб қолманг. Бугунги кун жамиятидаги кишилар билан муомалада ўта огоҳ бўлинг!

#таржима

🗣️tarjumaan

✅ @yaxshiilar

ФЕМИНИЗМ ҲАҚИДА

Яқинда Акром Маликнинг "ЭРКАКЛИГИНГНИ УНУТМА, ЭРКАК", деган мақоласини ўқиб, хаёлимдан ошириб юборибди, аёллар ҳуқуқини талаб қилса, қилибди-да, деган ўй ўтганди. Кейин болаларимдан феминизм ўзи нималигини сўраб суриштирдим, гууглдан ҳам маълумот қидирдим.

Ўқиб ўрганиб, шу хулосага келдимки, феминизм аёл ҳуқуқини ҳимоя қилиш ниқоби остида муслималаримизни ўз ҳуқуқларидан маҳрум қилар экан.

Гапимни бир қанча ҳаётий мисоллар билан асослашга ҳаракат қиламан.

1. Аёл киши фарзанд кўради. Туғиш - бир ўлиб тирилишдек оғир иш, дейишади. Кейин уни катта қилиш қанчалар оғир. Уй-рўзғор ишлари қанчалар оғир. Шулардан ошиниб, бироз пул топиш имконига эга бўлса, бу пул ёлғиз унинг пули бўлади.

Рўзғор ғами, яъни, ейиш, ичиш, кийиш, уй-жой харажати, табиб харажати, мактаб харажати - ҳаммаси эркакнинг гарданида бўлади.

Оиламизда мен ҳам, Бону ҳам ишлаймиз, пул топамиз. Мазкур тушунчадан келиб чиқиб, Бону ўзининг яқинларига мендан кўра ўн баробар кўп (аслида ундан ҳам кўпроқ) инфоқ-эҳсон қилади.

Энди бир тасаввур қилиб кўринг. Мен бу ишга рози бўлмасам ва иккимиз ҳам яқинларимизга бир хил миқдорда пул юборамиз, десам, Бонуга зулм қилган бўлмайманми? Ахир у аёллик ва оналик бурчини етарлича адо этишдан ошиниб, пул топяпти-ку.

Феминизм Бонуни шу ҳуқуқидан маҳрум қилади.

2. Бону истаган пайтида: "Бўлди, чарчадим, энди ишламайман, пул топмайман", дейишга ҳаққи бор. Мен унинг бу қарорига эътироз билдиришга ҳаққим йўқ.

Феминизм Бонуни шу ҳуқуқидан маҳрум қилади.

3. Бир швед аёл туққан. Эри билан икки ойдан кейин ишга чиқиб кетишга, болани эса эри боқишига келишган. (Бу ерларда болани эмизмасдан ҳам катта қилаверишади). Икки ойдан кейин ишга чиққан. Бир ҳафтага ҳам бормасдан, ишлай олмаслигини билиб, эридан келишувни ўзгартиришни сўраган. Эри эса кўнмаган. Бу бўлган воқеа.

Феминизм бу аёлни аёллик ҳуқуқидан маҳрум қилган.

4. Бону бир муддат ишламади. Шу пайтларда бир катта лавозимдаги швед аёл ундан:

- Эринг қанча муддат ишламаслигингга рози бўлади? - деб сўраган.

- Истасам, умуман ишламаслигим ҳам мумкин. Эрим мени боқаверади.

- Наҳотки! Сенга маза экан. Бахтли экансан. Шундай эрим бўлганида ҳамма нарсамни фидо қилардим. Менинг эрим эса бирон ой мендан кўра 500 крона кўпроқ ишлатиб юборса, кейинги ойда, албатта, қайтариб олади.

Феминизм бу аёлни бахтдан маҳрум қилган.

5. Оилада отанинг ҳайбати, салобати бўлмаса, болалар онани етарлича ҳурмат қилмайдилар. Айниқса, ўспирин ёшида ўтиш даври бўлади. Шундай пайтларда онани беҳурмат қилиб юбориш ҳоллари кўп учрайди. Уларни фақат ота ҳайбатигина тия олади.

Феминизм онани ана шундай эъзозда бўлиш неъматидан маҳрум қилади.

6. Ўзбек-қирғиз уруши бўлган пайтда бир швед аёли мендан Ўшдаги ҳолат ҳақида сўраган эди:

- Қариялар, аёллар ва болаларни қўшни давлатга ўтказиб юбориб, уй-жойларни эркаклар ҳимоя қилиб турибди, - дедим.

- Йўғ-е, шундай қилишдими?! Нақадар олийжаноб халқ!

Феминизм халқнинг мана шундай олийжаноб бўлишига имкон бермайди. Тенг ҳуқуқлимиз, шундай экан, сен ҳам қурол кўтариб ёнимда турасан, дейди ожиза аёлга.

7. Одам зоти борки, бир тиргакка муҳтож. Ота-она, устоз каби мўътабар, салобати бор одамларгина чин тиргак бўла оладилар. Аёл учун ҳам эри ўша ота-она ёки устоздек мўътабар, салобатли бўлмаса, у тиргакни қаердан олади?

Феминизм аёлни ана шу тиргакдан маҳрум қилади. Шуни унутмайликки, кўп ҳолларда ана шу тиргаксиз ҳаётнинг ҳеч қандай мазмуни қолмайди.

Мисоллар силсиласини истаганча давом эттириш мумкин.

Оиламизда кичик қизим Аниса ўзининг ҳақ-ҳуқуқини роса танийди. Андаккина ҳаққи бошқага ўтиб кетадиган бўлса, ўша заҳоти қайтариб олади. Мажбурияти ҳақида эса ўйлаб ҳам ўтирмайди. Шу қизимдан сўрадим:

- Аниса, сен феминистмисан?

- Асло. Ҳеч қачон.

- Нега?

- Феминист бўлсам, ютқазаман-ку, ҳамма имкониятларимдан маҳрум бўламан-ку.

13 ёшли шу қизимнинг ақли етган нарсага ўша феминистларнинг ақли етмаганига ҳайрон бўлдим.

Ҳа, бутун борлиқни яратган чексиз илм соҳиби Аллоҳ ато этган ҳуқуқ қаерда-ю, ҳеч иш қўлидан келмайдиган нотавон бир банда талашиб-тортишаётган ҳуқуқ қаерда! Кўзимизни очайлик!

🗣️#Muqim Mahmud

• "Феминизм, феминизм" деб Япон аёллари ҳам бундан бир неча йиллар олдин бонг уришганди. Натижада ҳозирги Япон аёлларининг 60% дан кўпроғи оиласиз. Эркаклари хотинсиз. Аёлларни ҳам эркаклардек қабул қилиш бошланган. Аёллар ва эркаклар ишлайдиган жойда аёллар ҳам эркаклардек бир хил ишлашади. Оғир юкларни кўтарса ҳам бирор эркак қўлидан олай демайди. Қилсин ўзи дейди. Ман бориб қўлидан олсам, ёрдам берсам ҳаяжонланиб қолишарди. "Йўғ-е, ростданми? Раҳмат, раҳмат, Ясашиине" ("меҳрибон экансиз") деб ўзини қўярга жой топа олмай қолишарди.

• Поездларда ҳам, метроларда ҳам мана бу бечора аёл киши, мен эса эркакман-ку. Жой берай деган тушунча йўқ.

• Феминизм олиб келган балоларнинг натижасида 3 тадан битта Япон аёли хорижлик билан турмуш қуришга мажбур. Япон эркакларининг аксарияти оила қуришдан қочишади. Оила қурса ҳам оиладаги ҳамма юкни тенг иккига бўлишади. Харажатлар ҳам, уй ишлари ҳам, қўйинки ҳамма нарсада. Натижада тенг иккига бўлинган юк аёл кишига оғирлик қилади ва энг яхши ечим деб оила қурмай қўя қолади.

• Япон қизларининг иккитадан биттаси жуфтини топа олмаётганликдан нолишади. Баъзилари оила қургим келади, фарзанд кўргим келади. Аммо, жуфтини топиш муаммолигидан, топса ҳам ҳаражатни, бошқа юкларни елкасига ташламайдиган жуфт топиш қийинлигидан нолишади. Япон эркаклари илтифотли, меҳрибон эмас деб нолишади. Афсуски, уйланганман бўлмаса ўзим сизларни бахтли-тахтли қилиб қўярдим дейман ҳазиллашиб : )

• Буларнинг барчаси остида феминизм намоёндаларининг ҳатти-ҳаракатлари турибди. Японларнинг ёши катта, қариялари билан гаплашсангиз бизнинг даврда оила ва фарзанд жуда муҳим эди, ҳозир ёшлар айниб кетди. Бизнинг пайтда эркаклар пул топишарди аёллар кажи ( уй ишлари) қилишарди аёлларга осон эди. Ҳозир қийин бўлиб кетди дейишади. Оила институти яхшигина шикаст еган. Йилдан-йилга туғилиш камайиб, қариялар сони ошиб бораябди. Балким, шунинг учун ҳам Японларнинг ИСЛОМ динига қизиқиши сезиларли даражада ортиб бораётгандир.

• Ўзимиздаги айримларни ҳозирги гаплари, пропагандаларига жаа берилиб кетманглар. : ) Аёлларнинг ҳуқуқлари, уларга нисбатан адолат, жабр зулм кўрмасликлари учун қонунлар яратилишини 100% қўллаб-қувватлайман. Хотин қизларнинг ўқиши, илм олиши, шахс бўлиб шаклланиши тарафдориман. "Хизматкор" ва "фарзанд туғиб берувчи аппарат" бўлиб қолмаслиги тарафдориман. Фақатгина аёл аёл ўрнида, эркак эркак ўрнида қолиши керак. Тенгликни эмас, адолатни йўлга қўя олсак нур устига аъло нур бўлар эди.

🗣️© #Bahodir Iskandarov

✨ @yaxshiilar