Qidiruv uchun matnni kiriting
Ilg‘or kanal qidiruvi

Telegram Analytics

TGStat хизмати янгиликларидан бохабар бўлиш учун обуна бўл!
img
reklama

TGAlertsBot

Каналингиз репостлари ва эсловлари ҳақида хабар беради.
img
reklama

TGStat Bot

Telegram'дан чиқмай туриб каналлар статистикасини олиш
img
reklama

SearcheeBot

Telegram-каналлар оламидаги сизнинг йўлбошчингиз.
img
reklama

“Yoshlik” jurnali

@yoshlikjurnali
Kanal geosi va tili: ko‘rsatilmagan, ko‘rsatilmagan
Toifa: ko‘rsatilmagan

“Yoshlik” jurnalining telegram sahifasidagi rasmiy kanali
Saytimiz: yoshlikjurnali.uz

Связанные каналы  |  Похожие каналы
Kanal geosi va tili
ko‘rsatilmagan, ko‘rsatilmagan
Toifa
ko‘rsatilmagan
Statistika
Kanal siznikimi? Tasdiqlash Kanal tarixi
Postlar filtri

“Yoshlik” jurnali

30 Sep, 07:07

Telegram'da ochish Ulashish Shikoyat qilish
#nazm

Quyosh botayotgan payt edi,
Oyoqlarim ostida xazon.
Quyosh botayotgan payt edi,
Sen uzoqdan bo‘lding namoyon.

Quyosh botayotgan payt edi,
Chiqib kelaverding ufqdan.
Quyosh botayotgan payt edi,
Junjikib turardim sovuqdan.

Quyosh botayotgan payt edi,
Intizor yelkamga qo‘yding bosh.
Quyosh botayotgan payt edi,
Botdi oxir bag‘rimga quyosh...

Sadriddin Salim Buxoriy

@yoshlikjurnali
68 0 1 4
“Yoshlik” jurnali

29 Sep, 18:05

Telegram'da ochish Ulashish Shikoyat qilish
Video oldindan ko‘rish uchun mavjud emas
Telegram'da ko‘rish
#kino

Taniqli yozuvchi Murod Muhammad Do‘stning "Sovchilik hangomasi" asosida olingan “Galatepalik avliyo” filmini taqdim etmoqdamiz.
Kitobxonlarimiz orasida ushbu film adibning “Galatepaga qaytish” asari asosida olinganligi haqida qarashlar bor.
Aslida esa ushbu film "Yoshlik" jurnalining 1984-yilgi 12-sonida eʼlon qilingan “Sovchilik hangomasi” asosida sur'atga olingan.

"Yoshlik" bilan qoling!

@yoshlikjurnali
287 0 9 10
“Yoshlik” jurnali

29 Sep, 18:05

Telegram'da ochish Ulashish Shikoyat qilish
#nasr

“Yoshlik” jurnalining 1984-yilgi 12-soni.

Murod Muhammad Do‘st "Sovchilik hangomasi"

@yoshlikjurnali
217 0 4 7
“Yoshlik” jurnali

29 Sep, 15:41

Telegram'da ochish Ulashish Shikoyat qilish
🔴 Ushbu misralar kimning qalamiga mansub? “But joyim qolmagan, darzlarim bisyor, Yo‘qotdim takabbur qiliqlarimni. Gar bilsang o‘zingni menga chin do‘st, yor, Sen yerdan terib ol siniqlarimni”.
So‘rovnoma
  •   Nazar Shukur
  •   Shavkat Rahmon
  •   Usmon Azim
  •   Muhammad Yusuf
70 ta ovoz
242 0 2 7
“Yoshlik” jurnali

29 Sep, 12:18

Telegram'da ochish Ulashish Shikoyat qilish
#iqtibos

Ilm-fan va din bir-biriga raqib emas. Ular shunchaki bir hikoyani so'zlayotgan ikki tilga o'xshaydi.

📚 "Ibtido"
✍ Den Braun

@yoshlikjurnali
248 0 5 8
“Yoshlik” jurnali

29 Sep, 07:55

Telegram'da ochish Ulashish Shikoyat qilish
#tavallud

29-sentyabr — yosh iste'dodli shoir Niyatullo Elbek tavallud topgan kun.

Ketdim...
Seni tashlab xayollar bilan,
Ko'klardan tushganding, ko'kka sovurdim.
Va yana javobsiz savollar bilan,
Tirik xotiralar bilan ovunding.
O'tli hislaringni topa olmay tang,
Shamol shivirida hech ne sezmaysan.
Yelkasida pidjak ildirib olgan -
Kimnidir ko'rganda meni eslaysan.

Niyatullo Elbek o'g'li

@yoshlikjurnali
462 0 9 17
“Yoshlik” jurnali

28 Sep, 11:18

Telegram'da ochish Ulashish Shikoyat qilish
#qutlov

28-sentyabr - shoir Shahobiddin Ravshanov tavallud topgan kun!

* * *
Yomg‘ir, derazamni chertishni bas qil,
Yomg‘ir, jim ketaver zaminga singib.
Sen bilan ko‘rishsa, portlaydi qalbim,
So‘ng qayga boradi makonsiz sevgi?!

Yomg‘ir, derazamni chertishni bas qil,
Yodimga solmagin hu-uv o‘sha kuzni.
Sen ham tin olarsan tong oldi, lekin,
Boshlasak, to‘xtatib bo‘lmaydi bizni...

Yomg‘ir, derazamni chertishni bas qil…

* * *
Yomg‘irli kun. Sokin musiqa.
Derazamni chertar tomchilar.
O‘ylar ko‘nmas hech bir to‘siqqa,
Hatto meni izlab topdilar.

Sochim tortib o‘ynadi yoshlik,
Ishq ko‘ksimga qo‘rg‘oshin quydi.
Tashqaridan xo‘rsinib kelib,
Baxt yelkamga boshini qo‘ydi.

Derazamning oldida jimman,
O‘yga cho‘mdim, o‘yga yon berdim…
Yomg‘irli kun. Sokin musiqa.
Bi-ir ko‘nglimni aylanib keldim…


2022/7

@yoshlikjurnali
👍 3
🤝 4
👏
406 0 2 7
“Yoshlik” jurnali

28 Sep, 10:24

Telegram'da ochish Ulashish Shikoyat qilish
🔴Ushbu misralar kimning qalamiga mansub? “Iya-iya, qachon kelding? Bormisan bu dunyoda o’zi?” deya meni kutib olar qishloqqa qaytsam, yo’l chetida o’sgan giyohlar… Ortga qaytsam: “Sen kimsan?” deb tanimas shahar.
So‘rovnoma
  •   Usmon Azim
  •   Ikrom Otamurod
  •   Aziz Said
  •   Xurshid Davron
74 ta ovoz
336 0 3 4
“Yoshlik” jurnali

28 Sep, 07:41

Telegram'da ochish Ulashish Shikoyat qilish
#olis_yaqin_ovozlar

Biz hali qaytamiz bu manzillarga,
birda yomgʻir boʻlib,
birda qor boʻlib.
Men kuzak shaklinda qaytaman qaytsam,
Sen qaytsang qaytasan gulbahor boʻlib.

Biz hali qaytamiz, takror va takror
aytilur biz suygan forsiy qoʻshiqlar.
Shunda yoʻlimizga gʻov boʻlmas zinhor
tizzamizdan quyi baland toʻsiqlar.

Biz hali qaytamiz,
qaytamiz ishon,
qaytadi bizlarni tark etgan yoshlik.
Oʻshanda koʻzimdan tomib turar jon,
oʻshanda qalbingdan haydalar gʻashlik.

Biz hali qaytamiz,
xayrlashish yoʻq,
ungacha sogʻinchni yopinib yurgin.
Sen axir kuchlisan, to kelgunimcha
koʻnglingni bir oʻzing koʻtarib turgin.

Biz hali qaytamiz bu manzillarga,
gohida yoʻq boʻlib,
goho bor boʻlib.
Men yomgʻir shaklinda qaytaman qaytsam,
Sen qaytsang qaytasan oppoq qor boʻlib...

Orifjon Komil

@yoshlikjurnali
364 0 1 10
“Yoshlik” jurnali

27 Sep, 13:29

Telegram'da ochish Ulashish Shikoyat qilish
🔴 Ushbu misralar kimning qalamiga mansub? “Xayr, meni ko‘mgan yerni o‘ylama, Bir bor qarasang bas, osmonga kulib. Men seni zaminda yomon ko‘raman, Men seni sevaman osmonda turib”.
So‘rovnoma
  •   Abduvali Qutbiddin
  •   Aziz Said
  •   Odil Ikrom
  •   Bahrom Ro‘zimuhammad
79 ta ovoz
376 0 1
“Yoshlik” jurnali

27 Sep, 10:47

Telegram'da ochish Ulashish Shikoyat qilish
#iqtibos

Birodarlar, biz hamisha adolat, adolat deymiz. Tildan qo‘ymaymiz. Adolatsizlikni ko‘rib, xuni - biyron bo‘lamiz. Hayotdan, taqdirdan noliymiz.
Adolat yo‘q, adolat osmonda, deymiz.Yo‘q, birodarlar, adolat yerda! Oyoqlarimiz ostida! Adolat tuproqqa qorishib yotibdi!

📚 "Ot kishnagan oqshom"
✍ Togʻay Murod

@yoshlikjurnali
380 0 1 9
“Yoshlik” jurnali

27 Sep, 07:26

Telegram'da ochish Ulashish Shikoyat qilish
#shoir_qalbi

Sevgi

Ko‘kka sig‘di,
yerga sig‘di,
bir uyga sig‘di,
bir satr,
bir chizgi,
bir kuyga sig‘di,
bir qatra,
bir qadah,
ko‘zaga sig‘di,
jussaga,
g‘ussaga,
bo‘saga sig‘di,
bir lahzaga sig‘di,
ming yilga sig‘di,
ko‘zga sig‘di,
ko‘ngilga sig‘di,
bir inja kiprikda qalqib turdi u,
shunda ham esini yig‘madi:
aqlga sig‘madi,
aqlga sig‘madi.

👉davomi...

@yoshlikjurnali
👍 7
🤝
👏 1
394 0 3 7
“Yoshlik” jurnali

27 Sep, 06:17

Telegram'da ochish Ulashish Shikoyat qilish
#tavallud

27-sentabr — Rauf Parfi tavallud topgan kun!

Yoshlik zangor fasl, kechdi, sarg‘ardi,
To‘kildi u. Shafqat bilmas bargrezon.
Qora sovuqlarga otib yubordi,
Shamollar poyida sinmoqda xazon.
Yoshlik zangor fasl. Kechdi. Sarg‘ardi.

Harna o‘tdi, mendan o‘tdi, omon bo‘l,
Qancha faryod qilmay qaytarib bo‘lmas.
Har qalay oldinda bordir so‘nggi yo‘l,
Toki yetguningcha xotirot o‘lmas,
Harna o‘tdi, mendan o‘tdi, omon bo‘l.

Vido tabassumli olam, yoshligim,
Ko‘zlarimda qotgan jolam, yoshligim,
Ko‘klarga yetmagan nolam, yoshligim,
Suvga cho‘kib ketgan bolam, yoshligim,
Vido tabassumli olam, yoshligim.

@yoshlikjurnali
1.6k 0 19 10
“Yoshlik” jurnali

26 Sep, 17:50

Telegram'da ochish Ulashish Shikoyat qilish
Video oldindan ko‘rish uchun mavjud emas
Telegram'da ko‘rish
#xotirot

Keksa qayrag‘ochning ildizin ochib,
Tortdilar qo‘sh arqon solib beliga.
Ammo u tuproqqa panjasin sanchib,
Sira qo‘zg‘almasdi ungan yeridan...

Erkin Vohidov

@yoshlikjurnali
747 0 10 9
“Yoshlik” jurnali

26 Sep, 14:01

Telegram'da ochish Ulashish Shikoyat qilish
#nazm

So‘nggi poyezdning
so‘nggi vagoniga
chiqdi…
O‘tirdi
so‘nggi o‘rindiqqa
so‘nggi yo‘lovchi…
O‘ylab ketdi
so‘ngra
yo‘l bo‘yi
so‘nggi yo‘q nimarsalarni.

Ikrom Otamurod

@yoshlikjurnali
449 0 6 9
“Yoshlik” jurnali

26 Sep, 10:45

Telegram'da ochish Ulashish Shikoyat qilish
#iqtibos

Faqat bolaga oʻxshagan odamlargina chindan seva oladi.

📚 Siddhartha
✍Hermann Hesse

@yoshlikjurnali
524 1 4 11
“Yoshlik” jurnali

26 Sep, 09:40

Telegram'da ochish Ulashish Shikoyat qilish
Gulnoz Moʻminovaning she'ridan olingan ushbu parchada tushurib qoldirilgan soʻzlar qatorini toping. Oshiq dilim ......manim, Nayistonim qayda manim? Yerda nega ....... kezgum, Gʻamim buncha mayda manim?
So‘rovnoma
  •   Nayda, giryon
  •   Senda, shodon
  •   Nayda, shodon
  •   Senda, giryon
74 ta ovoz
👍 3
🤝 1
👏 1
517 0 2
“Yoshlik” jurnali

26 Sep, 08:15

Telegram'da ochish Ulashish Shikoyat qilish
#olis_yaqin_ovozlar

O‘zgam,
Ketishingiz go‘zal naqadar,
Bohasham kelishning shumidi qasdi?
Manim ko‘zimda yosh
qalqidi biroz,
Axir oddiygina qolib bo‘lmasdi.

Bu kuzak dardimni yangilab o'tdi,
Bu-kuzak... Siz esa baxtni yangilang.
Ming bir lahzalarda tirilib,
o‘ldim...
Men shunday mavjudlik tuydim siz bilan.

O‘zgam,o‘zgacharoq ketdingiz bu gal,
Na ortga boqdingiz, na oldingiz tin.
Allohga shukurki, bu ketishdan ham
Bir xayr qidirdim.

Har bitta so‘roqning rizosi bordir,
Ketish va qolishdir bizni o‘rtagan.
Faqat iltijoyim: million yildirki,
Duolarim qursin sizni so‘ragan.

O‘zgam, ketishingiz go‘zal naqadar...

Gulzoda O'rinboyeva

@yoshlikjurnali
410 0 2 8
“Yoshlik” jurnali

25 Sep, 21:40

Telegram'da ochish Ulashish Shikoyat qilish
Video oldindan ko‘rish uchun mavjud emas
Telegram'da ko‘rish
#xotirot

Bir qarasam, do‘st-u yordan ko‘nglim to‘qday,
Bir qarasam, atrofimda hech kim yo‘qday...

Abdulla Oripov

@yoshlikjurnali
527 0 11 11
“Yoshlik” jurnali

25 Sep, 18:31

Telegram'da ochish Ulashish Shikoyat qilish
561 1 2 17
20 ta oxirgi post ko‘rsatilgan.