د ژوند شیبې ترخـې شي چي جداشي له چا مور
همـراه یې اندیښنې شي چي جداشي له چا مور

له مخه یې د غم ګرځ پورته کـیږي زړه یې ژاړي
نازک لـبان یې پـرې شـي چي جـداشي له چا مور

د مـور د دعـاګانو تاج چـي ولویـږي له سـره
دژوند هیلي یې مړې شي چـي جداشي له چا مور

له ژونده یې کوتري د خوښــۍ شي مسافري
سلګۍ یې میلمـنې شي چي جـدا شي له چا مور

د فکر په لـباس یې شي ملـبوس خواږه خوبونه
پرې لنډي شپې اوږدي شي چي جداشي له چامور

الله دي مو «ذاکــرځـلانده» نه کوي بې موره
ټول ژوندتیارې تـیارې شي چي جداشي له چا مور

https://t.me/zakirzalandAshna