qulillah

Libos

1. Alloh taolo ayolni erkakka, erkakni ayolga bir-birlarini aybu nuqsonlarini berkituvchi qildi, libos kabi.

2. Er-xotin bir-birini fahsh va munkar ishlardan saqlaydi, huddi libos issiq va sovuqdan asragani kabi.

3. Erkak ayolisiz kemtik, shuningdek, ayol ham erisiz noqis bo‘ladi. Huddi inson kiyimsiz o‘zini noqulay va nuqsonli his qilib, libos kiygan paytda oʻsha kamchilik va noqulaylik ketgani kabi.

4. Er-xotin bir-biriga xuddi kiyim insonga ko‘rk bo‘lgandek, ziynat bo‘ladilar.

5. Libos insonning tanasiga shu qadar yaqinki, u doim badanga tegib turadi. U tanaga yopishgan bo‘lib, kiyim va badanning orasini biror narsa ajratmaydi. Er-xotin bir-biriga, xuddi kiyim tanaga yaqin bo‘lganidek yaqindir.

P.s. Balki bu ma’lumotlar koʻpchilikka ma’lumdir (Baxtiyor oila). Lekin mulohaza qilishga arziydi. Robbimiz naqadar buyuk hikmat egasi boʻlgan Zotligiga iymonimiz yana bir karra komil boʻlgan boʻlsa, xursandmiz )

Ha aytgancha, qachon liboslanasiz, birodar? )))

@qulillah

Sizlarga bir yangilikni boʻlishmoqchiman. Man bugun Hajga ketyapman, duo qilib turinglar ))

Zero, Ibn Abbos rodiyallohu anhudan kelgan hadisda, Rasululloh sollallohu alayhi vasallam aytadilar: “Solih farzand Ota-onasining yuziga mehr bilan qarasa, Alloh unga har bir nazari evaziga bittadan mabrur Hajni savobini beradi”, dedilar. Shunda sahobalar soʻrashdi, “yo Rasululloh, bir kunda yuzma marta qarasa yuzta mabrur Hajni savobini oladimi?”, dedilar. Shunda Rasululloh, “ha, yuz marta qarasa, har biriga mabrur Hajni savobini oladi, Alloh Ulugʻdir va Goʻzaldir”, dedilar.

(sollallohu alayhi vasallam)

*mabrur - qabul qilingan.

“Mabrur Hajning mukofoti faqat jannat boʻladi!”
(Buxoriy, 3/1773; Muslim, 2/1349)

Ota-onasi yonida boʻlganlar, ular bilan birga yashaydiganlar - sizlar havas qilsa arziydigan maqomdasiz. Har kuni yuzlab mabrur Hajni savobini olishingiz, jannatni oʻzingizga vojib qilishingiz mumkin. Gʻanimat biling.

@qulillah, 18/04/24