مصابُهُ مصابي...عذابُهُ عذابي
ودمعَتي جَوابي...وا حسينا وا حسينا
.
.
.
المهدي انه او جرحي جبير او لسه ما طاب
يوميه يزداد الألم وجروح المصاب
ما نشفت ادموعي او انه اگليبي لهاب
وحشائي تصرخ عاللذي بالچبدهه انصاب
انه من كربله اجروح..ولا تنعد همومي
اصيحن ليل ونهار... يربي عجله يومي
في الطفِّ ذي جراحي... فالرأسُ في الرماحِ
وصدرهُ في اجتياحي...وا حسينا وا حسينا
.
.
.
صبح او مسه علّي جره تبجي دمه العين
وصرخ صراخ المنچتل آ يمكمل الدين
دامي على الرمضه ولا تلكالك امعين
والف او تسعمية جرح مجروح يحسين
على الطبره يطبرون...ولا كل رحمه عدهم
تطيح امترس انبال...ولا كلشي يهمهم
فقلبهم شديدْ...كأنه الحديدْ
جرحي انا يزيدْ...وا حسينا وا حسينا
.
.
.
بحوافر الخيل الظهر جسمك يسحكون جن السحك بيه او انه صدري يكسرون
وانظر يتامى امن الخيم طلعوا يركضون
واسمع رقية تبجي او تسال على ام عون
تنادي عمه هالناس..اجت شو كلها لينه
وايدهم شايله النار.. واحنه ابلا ولينه
فأينها الهواشم..أسودنا الضراغم
فما لها علائم...وا حسينا وا حسينا
.
.
.
يوميه وي نار الخيم كلبي يشب نار
واتألم ابلايه ولي من شردت ازغار
بضلوعي كل الي جره بيه انه صار
والله ابمصايب كربله كل الفكر حار
اصيح بكل وكت اه..مصايب بيه تسعر
وشوف احسين ويلاه..على الرمضه توذر
مصائبٌ كبيرة..كبدرِها العَشيرة
وأخته أسيرة..وا حسينا وا حسينا
.
.
.
اكبر مصايب كربله اجروح الاسهام
اتألم اني امن السهم ابطول الايام
سهم الرضيع او الصوبه وسهام الاخيام
او سهم العمه عين الكفيل او بيها من نام
سهام الطف والسيوف..احس جن كلها بيه
انه المهدي والاسهام..اجن كلهن عليه
جُرحي كجرحِ زينب...كعمّتي أعذّب
طول الزمانِ أنحب.. وا حسينا وا حسينا
.
.
.
فاضل عباس الخزاعي
لحن
ملا باسم
"أمنياتي"
https://t.me/fadlkuzay
