قناة خادم اهل البيت ع الشاعر ابو احمد المجراوي

& ) أدري ما تنساني ▪︎▪︎▪︎ يزاير
اوبيه تدري أمتاني ▪︎▪︎▪︎ يزاير
تفضل اشرب ماي ▪︎▪︎او يلا روح اوياي
يزاير -- يزاير
------------------------------------------
1) انتظر توصل وكوم ابخدمتك
اوتدري ارتاح امن اشوفن رايتك
عفيه عالأم الشريفه الربتك
اشكد عشك لحسين كلي روتك

& الزهره ماتنساها ▪︎▪︎ ▪︎ وكفتك
اوزينب التقراها ▪︎▪︎▪︎ وكفتك
& اومن بعد يالجاي ▪︎▪︎يلا روح اوياي
يزاير -- يزاير
----------------------------------------
2) ياهله ابجيتك اصيحن ياهله
بعد جم خطوه او تحل ابكربله
تدري منتظريك كل العايله
والله كالو من يجينه اندلله

& خلي عيني اتشوفك ▪︎▪︎▪︎ يغالي
رحت فدوه الشوفك ▪︎▪︎▪︎ يغالي
& اتعشه واشرب جاي ▪︎▪︎ يلا روح اوياي
يزاير -- يزاير
-----------------------------------------
3) يل الاجيت اتواسي بت فارس مضر
وبربعين حسين تبجي والكمر
ابحركه اجيت الكربله ابهذا السفر
او وجهك أتغير أشوفه أمن القهر

& أنه أصيرن خادم ▪︎▪︎▪︎ وخدمك
وادعي توصل سالم ▪︎▪︎▪︎ وخدمك
& أوكل زمن مشاي ▪︎▪︎ يلا روح اوياي
يزاير -- يزاير
--------------------------------------------
4) الليله توصل كربله بت فاطمه
وأدري عن حالتها تبجي أرض اوسمه
الما يون وياها بعيونه العمه
او راس اخوها عالرمح يكطر دمه

& انته اجيت الليله ▪︎▪︎▪︎ أبدمعتك
تبجي وي العيله ▪︎▪︎▪︎ ابدمعتك
& اطني ايدك هاي ▪︎▪︎ يلا روح اوياي
يزاير -- يزاير
---------------------------------------------
5) ادري هسه ابالك اصوات الحرم
وبدليلك جن احس نار الخيم
كاصد حسين او أخوه راعي العلم
اوكلبك ابهالليله جم لجمه انلجم

& الك جنت امناطر ▪︎▪︎▪︎ يروحي
عندي ظل الباجر ▪︎▪︎▪︎ يروحي
& فضلك انته أهواي ▪︎▪︎ يلا روح اوياي
يزاير --- يزاير
------،------------------------------------
6) عندي كون أتبات ليله أمنيتي
حتى أخدمك وانه أحس ابخدمتي
كون حد الموت اظل ابدنيتي
أخدم الزاير إنه او كل عيلتي

& الخدمه رفعت صيتي ▪︎▪︎▪︎ وحكك
اوشرف تدخل بيتي ▪︎▪︎▪︎ وحكك
خلني اصير أفياي ▪︎▪︎ يلا روح اوياي
يزاير --- يزاير
-----------------------------------------
لخادم أهل البيت ع / أبو أحمد المجراوي 07805007942
قصيده بحق المشايه

جديدنا بحق المشايه لهذا العام 2019

& (28) يحسين اريد ابدنيتي ▪︎▪︎ بيدك تسجل خدمتي
وامنيني كون اتشوفني ▪︎ اوبيدك تسجل خدمتي

-----------------------------------------


1) بالدنيه اريدن خدمتي مثل الضوه
وبكبري اريدنها تمر نسمة هوه
قسم وعيون الكمر راعي اللوه
الماتسجل خدمته ضاع او هوه

& يالغالي اضيع ابغربتي ▪︎▪︎ لوما تسجل لطمتي
وأمنيتي كون اتشوفني ▪︎ اوبيدك تسجل خدمتي


-----------------------------------------


2) يالغالي ذبلت وجنتي من الدمع
والشهكه بمصابك تظل تكسر ضلع
كلبي بالمجلس أحس مثل الشمع
لو سمع علويه بالطف تندفع

& أنثر أظل أبدمعتي ▪︎▪︎ واتمنه تسمع شهكتي
وامنيتي كون اتشوفني ▪︎ اوبيدك تسجل خدمتي
-----------------------------------------



3) والله ابخيالي ماطفت نار الخيم
او ليهسه أسمع سيدي صوت الحرم
متعني احلفك سيدي ابراعي العلم
خادم تسجلني اريد اويه الخدم

& يمك اخلي احجايتي ▪︎▪︎الخاطر دمعتي او حسرتي
وأمنيتي كون اتشوفني▪︎ اوبيدك تسجل خدمتي


------------------------------------------


4) من أذكر اجفوف الكمر عالكنطره
بجروحي احس ابمجلسك توكف سره
او من أسمع أبرادود بالمجلس قره
روحي شمعه تصير يابن حيدره

& تقبلني خادم غايتي ▪︎▪︎ أبغيرك اظل أبحيرتي
وأمنيتي كون اتشوفني ▪︎ اوبيدك تسجل خدمتي
------------------------------------------


5) شهكة رقيه الخلت ابكلبي جرح
اوبيك أنه افكر وسهر الحد الصبح
ياهو مثلك سيدي أيلاكي الرمح
لو أدور الكون مثلك ما يصح

& تسمع اريدن قصتي ▪︎▪︎ خادم اصير أمنيتي
وأمنيتي كون تشوفني ▪︎ اوبيدك تسجل خدمتي


--------------------------------------------

6) يلي نذرت ابكربله باخر ولد
ليهسه أحس ابالي صفنات المهد
يالغالي ماعوفك وأظل اعله العهد
شما تصير اجروحي ويحير العدد

& لجلك اظل ابلوعتي ▪︎▪︎ والدمعه تاكل وجنتي
وأمنيتي كون أتشوفني ▪︎ اوبيدك تسجل خدمتي


--------------------------------------------
لخادم اهل البيت ع/ أبو أحمد المجراوي 07805007942
قصيده للخدمه
قصيده (شور مهذب)

& (24) دنيه دنيه ▪︎▪︎ ▪︎ أبغير أخوتي ما اظلن بيها
دنيه دنيه ▪︎▪︎▪︎اوخيمتي ارماد اوجمر تاليها
وحدي بالغربه أبات -- بين دمعه اوذكريات
دنيه دنيه
-----------------------------------------


1) الدنيه ماسمعت حسرتي اولا ونيني
اوتدري ماضلي اخو عايش يجيني
تدري مثل النوك بالغربه حنيني
أوباجر اتشوف الشماته أمجتفيني

& هذا حالي ▪︎▪︎▪︎ اوبعد اخوتي بالغرب شتموني
هذا حالي ▪︎▪︎▪︎ اوبالسياط اعله المتن ضربوني
وانه بين العاديات --- بين دمعه اوذكريات
دنيه دنيه
--------------------------------------



2) عالجمر أركض وادور عن رقيه
أومن شرار الخيمه محتركه اديه
ذكريات ابالي من جنه سويه
أو مادريت اتسوي هيج الغاضريه

& أه يجرحي ▪︎▪︎▪︎ الجانو اوياي ابغرب خلوني
أه يجرحي ▪︎▪︎▪︎ ابدنيه بس هم اوقهر عافوني
والحرم متحيرات -- بين دمعه اوذكريات
دنيه دنيه
---------------------------------------


3) الدنيه متشوف الحرم يهمل دمعهن
اوماتشوف الشمر بجفوفه دفعهن
من بجن حتى الصخر بالطف سمعهن
أوجرحه مثل الغار من شاهد وضعهن

& امن البواجي ▪︎▪︎▪︎ شمعه صارن بالغرب تاليهن
امن البواجي ▪︎▪︎▪︎دمعة الفركه ابغرب تجويهن
اوبالطفوف أمعذبات -- بين دمعه اوذكريات
دنيه دنيه


---------------------------------------


4) روحي ترفه او أدري بالغربه الرماها
الفركه والدنيه سوه ركضن وراها
بعد اخوتي الهاجرو محد أجاها
فقط بس كلبي على الشاطي لكاها

& ابحركه اسولف ▪︎▪︎▪︎ عالكمر واحجي الجره ابأيتامه
أبحركه أسولف ▪︎▪︎▪︎ أو أرد أكله الليل وين اتنامه
اوكمت أتمنه الممات ---- بين دمعه اوذكريات
دنيه دنيه
----------------------------------------






5) يم ابو اليمه رحت انثر حسرتي
الغالي يستاهل اودعنه ابدمعتي
جمره بالروح اوصعب تطفه جمرتي
شلون أرد أبغيرهم وادري ابرجعتي

& وحشه وحشه ▪︎▪︎▪︎ اوليل صارت والحرم تبرالي
وحشه وحشه ▪︎▪︎▪︎ اوكلبي فارك بالغرب جم غالي
اوبعد ماتسوه الحياة --- بين دمعه اوذكريات
دنيه دنيه
-----------------------------------------


6) جلجل الليل او اصد عالفاركتهم
وأنه مجتوفه او أجيت او ودعتهم
روحي مثل الطيره فرت من شفتهم
وأنه مو بيدي اذا بالطف عفتهم

& راح أسافر ▪︎▪︎▪︎ سفر مسبيه ابرحيل اخواني
راح أسافر ▪︎▪︎▪︎ والايتام أمن السياط اتعاني
وانه مابين الطغات -- بين دمعه اوذكريات
دنيه دنيه

-----------------------------------------

لخادم أهل البيت ع/ أبو أحمد المجراوي 07805007942
قصيده ( زينب بعد استشهاد اخوتها و توجهت للسبي)
اسالكم الفاتحه والدعاء لوالدي

&(23) مات الولد كلولي ▪︎▪︎ ▪︎ اوجفي تريد اتلولي
غالي او أنذره أبغالي ▪︎▪︎ لو مات أرسمه أبالي
مات الولد كلولي
--------------------------------------------

1) ادري هسه اشتاك لحضاني الورد
وانه من نظراته احس كلي يرد
والله عذبني ابغرب هذا البعد
ابياهي من أجروحي ياكلبي أعد
& درب الهجر اذاني ▪︎▪︎▪︎ او عبد الله شو ما جاني
اوجم صوره خله اكبالي ▪︎▪︎لو مات ارسمه ابالي
مات الولد كلولي
--------------------------------------------

2) أنه أحس ابكلبي بفراكه انلجم
اوكمت أصيحن مارجع صوب الخيم
أنه اخاف اعليه والله أمن السهم
اوخاف يغفه ابنحره ويبجي الحرم
& فدوه رحت لعيونه ▪︎▪︎▪︎ خاف العدى ايذبحونه
راح او أخذ دلالي ▪︎▪︎ لو مات أرسمه أبالي
مات الولد كلولي
------------‐------------------------------

3) ابني مو طبعه يغمضله جفن
وامه مو يمه اوينام ابلا حضن
كبل ليدفنونه كون انه أندفن
لو أخلص عمري يم كبره أون
& يم الولد خلوني▪︎▪︎وبفراكه تعمه اعيوني
هالدنيه ماتحلالي ▪︎▪︎ لو مات أرسمه أبالي
مآت الولد كلولي
-------------------------------------------


4) روحي بفراكه فلا تحمل قهر
وأكل أبعمري مثل جرف النهر
مهده اشوفه أكبالي وكماط وصور
اوصحت كون اوياه أمشي ابهالسفر
& بالخيمه اصيحن ويلي ▪︎▪︎▪︎اومطفيه شمعة ليلي
اوجرح الولد للتالي ▪︎▪︎ لو مات ارسمه أبالي
مات الولد كلولي
--------------------------------------------

5) كلت يكبر واسمع أنه أدللي
مادريت ايروح عني او أبتلي
ياهو بالدنيه يظل باجر الي
أيضمد أجروحي اويعوضلي هلي
& يرجع الي امتانيته ▪︎▪︎▪︎ اوميت إنه اتلكيته
اوبس الحزن يبرالي ▪︎▪︎ لو مات أرسمه أبالي
مات الولد كلولي
---------------------------------------------

6) أزغير بعده اوجنحه ماطار او عله
او مو رجوله أيذبحه بالطف حرمله
أدري من شافه طفل ما خجله
وأنه ادري أبعيد عنه المرجله
& اشسوه الزمن بفراكه ▪︎▪︎▪︎ ولعيونه أظل مشتاكه
وأدري البعد جتالي ▪︎▪︎ لو مات أرسمه أبالي
مات الولد كلولي
---------------------------------------------
لخادم اهل البيت ع/ أبو أحمد المجراوي 07805007942
قصيده سريعه بحق (عبد الله الرضيع )
اسألكم الفاتحه والدعاء لوالدي

&(21) تذكر أشحاجيتك ▪︎▪︎ يمسلم
كربله أمتانيتك ▪︎▪︎ يمسلم
لالا تتعب بيهم▪︎ابخزره يمه امحيهم▪︎كربله أمتانيتك - يمسلم
----------------------------------------------

1) كوم ومحيهم ييمه ---- او أحضر أبن الزهره
همه وركه ابريح تدري ---- اوتكفي بيهم خزره
أشكد جبيره الشجره يمه -- اوجف يهز الشجره
والتخزره ابعينك انته -------- بيده يحفر كبره

& واليشوف أخيالك ▪︎▪︎ يغالي
يهوه يمه أكبالك ▪︎▪︎ يغالي
بعد لتخليهم▪︎أبخزره يمه امحيهم▪︎كربله امتانيتك - يمسلم
-----------------------------------------------

2) يمه لو واحد يشوفك ------- يهوه مثل الوركه
والبرز ضدك يغالي ----- الحيره يبني اتشبكه
والتصدله ابحركه يبني ----- كلبه كون اتحركه
ورجع اتلكه الضعينه ---- اوكافي يبني الفركه

& ابكربله اتلكاهم ▪︎▪︎ ييمه
والحسين وياهم ▪︎▪︎ ييمه
أو رد اليعاديهم▪︎أبخزره يمه امحيهم▪︎كربله أمتانيتك - يمسلم
------------------------------------------------

3) كوم وتلكه الضعينه ------ بيها تدري الوالي
اوكله مشتاكه تشوفك ---- طوعه وارحم حالي
كوم بالغربه أنصره --------- يلي راسك عالي
وأدري مالحظه تعوفه --------- وابو الأكبر غالي

& أوكف ابميدانه ▪︎▪︎ يروحي
وهزم العدوانه ▪︎▪︎يروحي
بالحرب لاكيهم▪︎أبخزره يمه أمحيهم▪︎كربله أمتانيتك - يمسلم
-----------------------------------------------






4) وي ابو الغيره اريدك ---- من يروي أطفاله
اوعالنهر توكفله دركه ---- من تجي الخياله
ساعه توكف عن يمينه ---- اوساعه يم أشماله
وأنه أعرفها ضربتك -------- بالغرب جتاله

& من يرد تبراله ▪︎▪︎ يغالي
اوتقره شنهو أباله ▪︎▪︎ يغالي
والعدى التغزيهم▪︎أبخزره يمه امحيهم▪︎كربله أمتانيتك - يمسلم

----------------------------------------------
5) يمه اريدك للعقيله --- أتصير بالطف ساتر
يمه وبسرب الهواشم ----- من تحشم حاضر
سيفك اهناكه اريده --- أسهام يشكف باجر
حتى لا يهوه خدرها ---- اويمها يوصل حافر

& يمه لا تنساها ▪︎▪︎ وصيتي
اوتوكف انته اوياها ▪︎▪︎ وصيتي
اوكلمن أيأذيهم▪︎أبخزره يمه أمحيهم▪︎كربله أمتانيتك - يمسلم

-----------------------------------------------
6) عندك أبنيه ييمه -------- روح شوف اشبيها
وادري بالفركه يغالي ------ أجروح خلت بيها
طفله ومشبك جنحها ------ اوهجرك أمأذيها
روح وتلكاها يبني ---------- اوعالدرب تانيها

& ركض تتلكاها ▪︎▪︎ حميده
اوتسأل أشبجاها ▪︎▪︎حميده
والعدى أشما بيهم ▪︎أبخزره يمه أمحيهم ▪︎كربله أمتانيتك -- يمسلم
-----------------------------------------------
لخادم أهل البيت ع / أبو أحمد المجراوي 07805007942
(قصيده سريعه بحق مسلم بن عقيل )
اسالكم الفاتحه والدعاء لوالدي

& (20) اخيامج نحاميها ▪︎▪︎▪︎ اومحد يمر بيها
اوبالغيره يدرون▪︎ لاما يكدرون
اخيامج نحاميها ▪︎▪︎▪︎او محد يمر بيها

-------------------------------------------------------------------------------

1) الخدرج نظل حراس -- اومنهم تضيك أنفاس -- اويخلص هوه الريه
انخلي العدى تحتار ------ ونصب عليها النار -------- لو صاحت أبنيه
الطولج نصير اخيام ----- ومحزمين أحزام ------ اومثل الضوه النيه
اوعدوانج أمن أيفوت ----- موته ابمذله ايموت ------ اكبالج يعلويه

& وصانه أبو فاضل ▪︎▪︎▪︎ ابغيرة علي انقاتل
والمعضله أتهون ▪︎ لاما يكدرون
أخيامج نحاميها ▪︎▪︎▪︎اومحد يمر بيها
------------------------------------------------------

2) شفنه الكمر عباس ---- ضهضب يخويه أحساس ---- من أشر أبأيده
جان الكفيل ايريد ------- خيبر ترد وتعيد -------- واشر على الصيده
كل اليريده ايصير ------- واعله الصفوف انغير -- ----- ونلوح البعيده
ساعه اوتجيج اخبار ------- اوبيهم نظل نختار ---- ونجيب اليريده

& جلمه احنه منطينه ▪︎▪︎▪︎ ويله اليلاكينه
اوماترمش اجفون ▪︎ لاما يكدرون
اخيامج نحاميها ▪︎▪︎▪︎ اومحد يمر بيها
-------------------------------------------------------

3) علمنه راعي الجود ---- انقاتل يخويه ابزود ---- اوبس هو يقرانه
اوصحنه ابغرب هيهات ---- زينب وحيده أتبات -- اومن جينه وصانه
كلمن يسمعج صوت ----- منهم يخويه ايموت ------ اونكطعلج السانه
جيش العدى شما بيه ---------- كال الكمر نمحيه -------- حامل لوانه

& يامرنه ابو الغيره ▪︎▪︎▪︎ انخلي العدى ابحيره
الكالو يمرون ▪︎ لاما يكدرون
أخيامج نحاميها ▪︎▪︎▪︎ اومحد يمر بيها
--------------------------------------------------------







4) ساتر نصير أعليج --- او وحدج فلا أنخليج --- أوكل شده ندبينه
الحاول يشب النار ------- ابهاي الخيم يحتار ------- نكطعله جفينه
نزرعله صدره ارماح ------- الظن طوله مايلاح ------- فنه اليلاكينه
اربات الولي الكرار ------ ابسوح القتال أكبار ----- اوزود اوعزم بينه

& الكل بينه محتاره ▪︎▪︎▪︎ كلما تدك غاره
اوظلو يرجفون ▪︎ لاما يكدرون
أخيامج نحاميها ▪︎▪︎▪︎ اومحد يمر بيها
-------------------------------------------------------


5) لو ردتي منه الماي ---- لحظه اونكلج جاي ------- يمج ترى ايلالي
خويه الكمر موجود -- ايجيب النهر ويعود --- بس حشمي عالغالي
لتظن خدر ينداس ------- العدها مثل عباس ------- مهيوبه للتالي
يمج اخوتج دوم ---- اومنهم تخاف الكوم ---- اوراسج يظل عالي

& بالحومه شوفينه ▪︎▪︎▪︎ اوشوفي الوفه البينه
بينه يعرفون ▪︎ لاما يكدرون
اخيامج نحاميها ▪︎▪︎▪︎ اومحد يمر بيها


------------------------------------------------------

6) مثل المنيه أنطوف - اوبيهم زرعنه الخوف -- اومنه العدى اتراجف
الجانت يخويه اصفوف - ردت تراها ازحوف - اوماتت ترى امخالف
كبل الطعن مجروح -- أنخزره اوتفر الروح ---- الضد الولي أتحالف
حتى ابحلم نلكاه ----- وبكلبه نزرع أه ---------- الوي حرمله اتكاتف

& التجبل عليه مهره ▪︎▪︎ ▪︎ بيده حفر كبره
الكالو يعبرون --- لاما يكدرون
أخيامج نحاميها▪︎▪︎▪︎ اومحد يمر بيها

-----------------------------------------------------
لخادم اهل البيت ع - أبو أحمد المجراوي 07805007942
قصيده سريعه (بحق اولاد أم البنين )
اسالكم الفاتحه والدعاء لوالدي

&(19) مو مالت افراك▪︎تدريني أشتاك▪︎او جيت أبجنح مكسور▪︎
مو مالت أفراك ------------------------------------------------------

1) طفله اوعطش تدري -- اونأر أبوسط صدري -- اوضاك الهوه
مو ذبلت اغصاني ---- أمنيتي أتلكاني ---- او نكعد سوه
ابعمر الورد عمري ----- اوباك الجرح صبري ---- اوماكو دوه
بعدك يشتموني ----- اويابويه بمتوني ------- سوط التوه

& كون أنه الكاك ▪︎وأكعد إنه اوياك▪︎أوجيت ابجنح مكسور ▪︎
مو مالت أفراك

-------------------------------------------------------
2) فكدك كسر جنحي --- اوعمري ابكبر جرحي --- خلص قهر
وين أنه اكضيها ---- او دنيه انته مابيها ------- تخلص سهر
ماتغمض أعيوني ------ اويابويه من لوني ------- باك الدهر
يل لوني من لونك ----- لتغمض أعيونك ---- وأنه ابخطر

& من دمع العيون▪︎ماظلت اجفون▪︎اوجيت ابجنح مكسور ▪︎
مو مالت أفراك

--------------------------------------------------------

3) ترفه اوشمع حالي --- اوبس حزني يبرالي --- ابهذا الوضع
تذبح ترى الفركه --- اومن تطلع الشهكه ------ أبجي ابدمع
كالو متت ضامي --- والدنيه يالدامي ------ كسرت ضلع
من تسمع ابنوحي ----- جاوبني ياروحي ---- كافي أنفجع
& بيه الزمن دار▪︎اوظل كلبي محتار ▪︎او جيت أبجنح مكسور ▪︎
مو مالت أفراك

--------------------------------------------------------



4) من السفر كافي ----- ابعازت حضن دافي ------ بويه الورد
يابويه إنه أبنيتك ------ وأنطر إنه الجيتك ----- طال البعد
يالعايش أبروحي ------- تكبر ترى اجروحي ----- لوما ترد
بيمن اون وأبدي -------- وبياجرح يدي ------ اوبيمن أشد
& ذاب الكلب ذاب ▪︎من كد العتاب ▪︎ اوجيت ابجنح مكسور ▪︎
مو مالت أفراك

---------------------------------------------------------
5) أنه أكره الفركه -- اوتكتل ترى الشهكه -- أوحرك الخيم
اوعلويه تدريني -- اوطفه الرمل عيني -- اوكلبي انلجم
يابويه أمنيتي --- كون ابوسط ريتي ----- غافي السهم
يالماخذ أحساسي -- شاب ابعجل راسي -- اوحيلي أنهدم

& يالغالي أهواك▪︎ اويذبحني فركاك ▪︎اوجيت ابجنح مكسور ▪︎
مو مالت أفراك

---------------------------------------------------------
6) صار العمر دمعه ----- اوطفه الزمن شمعه ----- يالمنذبح
اوبعدك يبواليمه --- باللحظه الف لجمه ----- اومية جرح
صحت ابحزن ويلي -- اويخلص دمع ليلي -- الحد الصبح
مثلك صعب الكه ------ حنيه بالملكه ------ اوماظن يصح
& لو فرن الكون▪︎مثلك فلا ايكون ▪︎ اوجيت ابجنح مكسور ▪︎
مو مالت أفراك

---------------------------------------------------------

لخادم أهل البيت ع/ أبو أحمد المجراوي 07805007942
قصيده سريعه (بحق الحسين ع)
اسالكم الفاتحه والدعاء لوالدي

كوم زامط بينه ▪︎▪︎▪︎ واحنه كلمه انطينه
وحك حامل رايتك ▪︎▪︎ مانرد اوداعتك
كوم زامط ببنه
--------------------------------------------------------

1) كوم زامط هالعساكر ----- وانته تعرف بينه
احنه خاوينه المنيه ---- امن الزغر تدرينه
أحنه بفنون المعارك ---- محد ايلاوينه
اوتدري نتنفس مراجل --- وحك دمع اسكينه
& يلي الله أختارك ▪︎▪︎▪︎ شوف زود انصارك
واحنه عد احجايتك ▪︎▪︎ مانرد أوداعتك
كوم زامط بينه
---------------------------------------------------------

2) من صدر مرسوم منك --- صرنه مثل الساتر
لأن مانقبل نشوفك --- يرض صدرك حافر
لو تصير الدنيه ضدك --- وانته وحدك حاضر
انصير وياك اونكلك ------ شوف يوم العاشر
& ابكل شبر تلكانه ▪︎▪︎▪︎ واحنه الله اويانه
اونقسم احنه ابرايتك▪︎▪︎ مانرد اوداعتك
كوم زامط بينه
-----------------------------------------------------------







3) فزت الغيره اوفزعنه -------- اوغرنه باول غاره
اوصحنه بالحومه ابمراجل -- ذوله احنه انصاره
كامت الرووس اتلاكه ---------- ابلا فكر محتاره
والنصر بالحومه حتمآ -------- الله النه اختاره
& اليهجم أتعز روحه ▪︎▪︎▪︎ اومن يطير انلوحه
يلي نعرف غايتك ▪︎▪︎ مانرد اوداعتك
كوم زامط بينه
-----------------------------------------------------------



4) ذاكه جم طعنه أخذله ---- اوهذا فاكد شوفه
اوشوف جبناهه السرايا --- للخيم مجتوفه
وأليفر منه أمامي -------- يمنه عاف اجفوفه
اوللمعارك تدري بيها ------ ارواحنه الملهوفه
& الضدنه نكطع راسه ▪︎▪︎▪︎ ونخنك احنه انفاسه
وفزع ابرمايتك ▪︎▪︎مانرد اوداعتك
كوم زامط بينه




----------------------------------------------------------



5) كوم زامط وحجي بينه ----- يلي راسك عالي
انموت ونعيش ابمحبتك ---- وانته تبقى الغالي
كلنه عشاك المنيه ----------- او عالعهد للتالي
واحنه وقعنه عهدنه -------- ماكو غيرك والي
& انطينه احنه احجايه ▪︎▪︎▪︎ واحنه الك وفايه
ونبقى دوم ابعازتك ▪︎▪︎مانرد اوداعتك
كوم زامط بينه






---------------------------------------------------------

6) والله كل هاي السرايا --- أمن الارض نمحيها
ابخزره من ننزل وحك ------ ترجف انخليها
تدري بكلوب التحبك ---- عالوفه امربيها
اوتعرف انصارك امامي --- عشك ينبض بيها
& عشك عابس شوفه ▪︎▪︎▪︎ من يشمر اجفوفه
روحه صاحت جايتك ▪︎▪︎ مانرد اوداعتك
كوم زامط بينه



-------------------------------------------------------


7) الك خلينه وصيه --------- من نموت اقراها
اوتدري من عفنه الرساله -- ارواح عفنه أوياها
شما تدور الدنيه بينه ------ شما عكس مسرها
او ضدنه لو كلها أتحزم -------- والله نتلكاها
& احنه اهل الغيره ▪︎▪︎▪︎ او مانمر ابحيره
اوبالشدد تجايتك ▪︎▪︎ مانرد اوداعتك
كوم زامط بينه


-------------------------------------------------------

لخادم اهل البيت ع / ابو أحمد المجراوي 07805007942
قصيده سريعه (بحق الانصار)
اسالكم الفاتحه والدعاء لوالدي

&(17) ياجسام عليهم ▪︎▪︎▪︎ ياجسام

---------------------------------------------------


1) يمه بس غيره رويتك ------ وهلن الهذا لكيتك --- ياهله ابصولاتك
بالحرب محله وكفتك --- حكي اتباهه ابضرتبك -- يافخر عماتك
يمه عالحومه نظرتي - اويمه خنكتني عبرتي - أمن اسمع احجاياتك
يبني لاكيت المنيه --- ابغيره بارض الغاضريه ---- اوشامخ ابوكفاتك

& اويمه هاليوم نطرته ▪︎▪︎▪︎ صارلي اعوام
ياجسام عليهم ▪︎▪︎▪︎ ياجسام

------------------------------------------------


2) أنه رويتك حناني ----- أوبالخيم هسه اتاني ---- أمك اتوفيها
او تحرس الحره ابخيمها -- اولو شفت واحد شتمها -- بالغرب تفديها
يمه محتاره ابحرمها ---- والاطفال اتلوع يمها ----- يله شوف اشبيها
ما أريد أسمع بجيها ----- والحبل باجر بديها -------- والعدى تسبيها

& كوم وبصدرك ييمه ▪︎▪︎▪︎ اتلكه السهام
ياجسام عليهم ▪︎▪︎▪︎ ياجسام

------------------------------------------------


3) ماأريد أسمع يتيمه --- بالغرب ماعدها خيمه ------ والدمع يتجاره
اوخاف بارض الغاضريه -- بالخدر تبقى رقيه -- من يشب ابناره
شمر اليوم ابيمنتك --- وهزم الجيش ابيسرتك -- ونزل ابهالغاره
يل ضربتك حيدريه -- بالغرب كل ال اميه ----- ابضربتك محتاره

& اويمه بالحومه التخزره ▪︎▪︎▪︎ ليله مينام
ياجسام عليهم ▪︎▪︎▪︎ياجسام

------------------------------------------------









4) ماأريدن خيمه تهوه --- اولا تمر بالحره بلوه --- اوعمتك ايشتموها
اولا تشب نار ابعبايه --- والحرم يرحن سبابه -- اوزينب ايضربوها
كبل لا تجبل عليها ----- الدنيه وتجتف أديها ------ رد اليعادوها
كوم يالسيفك جهنم --- واليشوفه ايكوم يحلم --- ضربته ايعرفوها

& كوم وبسيفك تلكه ▪︎▪︎▪︎ اسيوف الصنام
ياجسام عليهم ▪︎▪︎▪︎ ياجسام

----------------------------------------------

5) صوتي ياجاسم تسمعه -- أوراسي يايمه أرفعه -- وانته كد احجايتك
ماأريد ادور بيها ---- الدنيه والوادم عليها --- اوكلها ضدها اوداعتك
الحاربو حيدر ابوها --- ردو ايذبحون اخوها -- كوم ووصل غايتك
كوم وحمي الحره بيدك -- والنصر خطه ابوريدك -- لا تعوف اولايتك

& يمه ماريد العقيله ▪︎▪︎▪︎ أتروح للشام
ياجسام عليهم ▪︎▪︎▪︎ ياجسام

---------------------------------------------

6) يلي جنني حنانك ------- والله بكليبي مكانك ------- حكي بيك اتباهه
يلي دافعت اعله عمتك --- والله ماانسه وكفتك --- بالغرب محلاهه
الدمعه لاتحرك جفنها --- والشماته اكطع لسنها -- التشمت ابطرواهه
عمرك الزينب هديه ----- وأنه ناذرتك بديه ------ للحلو ملكاهه

& أحرس الحره يغالي ▪︎▪︎▪︎ اوهاي الخيام
ياجسام عليهم ▪︎ ▪︎ ▪︎ ياجسام

-----------------------------------------------'


لخادم أهل البيت ع أبو أحمد المجراوي 07805007942
نزله سريعه( بحق القاسم ع)
اسالكم الفاتحه والدعاء لوالدي

&(15) أنه ياعمه علي ▪︎▪︎ وأنه تربات الولي ▪︎
ابعينج اتشوفين من امحيهم

-------------------------------------------------------
1) شوفي ياعمه امن أسد عين الضوه
وكطع اعله الجيش بالحومه الهوه
جن أحس ابسيفي منهم ما روه
المات منهم مات والعايش هوه

& كمت اصيح ادللي ▪︎▪︎خاف كلبج يبتلي ▪︎
أبعينج اتشوفين من امحيهم

-----------------------------------------------------
2) مثل سعفه اكبالي هالعسكر رجف
والسمع باسمي شفت لونه انخطف
الجان يمشي ابطوله شو عمه زحف
او كبل لاطعنه رجف رجفه اونزف

& أنه عاشك كربله ▪︎▪︎اوسيفي مثل الزلزله ▪︎
أبعينج اتشوفين من أمحيهم

-----------------------------------------------------
3) عشكي للحومه فلا ايشبها عشك
اوعشره وياها او ابد مانفترك
شلون اخلي اعيون تغفه اوتنطبك
وانتي عمه اكبالي كلبج محترك

& وحك امج فاطمه ▪︎▪︎الرووس تصعد للسمه ▪︎
ابعينج اتشوفين من امحيهم
----------------------------------------------------




4) الا اخلي ابكل كلب ينزف جرح
والا أخلي الدنيه ظلمه ابلا صبح
اشلون اعوفج وأنه صولاتي رمح
وين مثلج عمه بالدنيه يصح

& شوفي يابت حيدره ▪︎▪︎الحومه صارت مكبره ▪︎
أبعينج اتشوفين من أمحيهم

----------------------------------------------------
5) صحت عمه ابصوت جاوين الشمر
خل يواجهني اويكلي اشينتظر
روحي انذرها او ألج فدوه العمر
اوستر ياعمه اصير اعله الخدر

& ماأعوفن خيمتج ▪︎▪︎ وأنه روحي ابدمعتج ▪︎
أبعينج اتشوفين من أمحيهم

----------------------------------------------------

6) اشلون أشوف النار تاكل بالخيم
والشمر بالسوط يضرب بالحرم
الا اوكفلج مثل راعي العلم
اوخل يطعنوني ابرمح مره ابسهم

& مثل سبع الكنطره ▪︎▪︎أبسيفي اوكفهم سره ▪︎
أبعينج اتشوفين من أمحيهم

----------------------------------------------------
لخادم أهل البيت ع * أبو أحمد المجراوي 07805007942
(قصيده سريعه بحق علي الاكبر ع )

&(14) حسيني ابدرب ابو اليمه ▪︎ وأمير ابجنة الخدمه ▪︎
وإنه ابهالخدمه أتباهه▪︎▪︎ حسيني حسيني

-------------------------------------------------------
1) ثوبي الاسود بيه يظل عطر المنابر
وأنه وي هاي الخدم من زغري حاضر
وحك زينب وبكلبها الجان حاير
حزني البكلبي قسم يترس دفاتر

& الحسين ابنظره يفتهمه ▪︎كبل لا تطلع الكلمه ▪︎
وإنه ابهالخدمه أتباها ▪︎ حسيني حسيني

-------------------------------------------------------
2) ياهو مثله اويشبه أحساسه او حنانه
او يدخل ابكلبي أويسد يكدر مكانه
الخدمه أمانه او أنه عد هاي الامانه
اوجني عايش هسه ياروحي ابزمانه

& أخدمه الاخر أنفاسي -- وأموت اوخدمته ابراسي ▪︎
وإنه ابهالخدمه أتباها ▪︎ حسيني حسيني

------------------------------------------------------
3) أبراسي خيمه أحتركت اوصرخة يتامه
والحسين اعله الثره فخر الامامه
الا أخلي ابصدري من الطم علامه
ولجله اقيمن مجلس ابيوم القيامه

& خدمتي اهناكه الكاها ▪︎ وشوف ادموعي وياها ▪︎
وإنه ابهالخدمه أتباها ▪︎ حسيني حسيني

------------------------------------------------------


4) كبل لا أحلفه إنه ابدمع العقيله
والله يفزعلي أذا جيت اشتكيله
حتى من أكبر زحف والله اعتنيله
اوخدمه اخلص هالعمر وأشعر قليله

& سبيل ادموعي اسويها ▪︎ وتطوف أنفاسي اخليها ▪︎
وإنه ابهالخدمه أتباهه▪︎حسيني حسيني

------------------------------------------------------
5) أجروحي بمصابه مثل صولة كتايب
اوكلبي شمعه اوعالحسين أسنين ذايب
ياهي تشبه هالمصيبه أمن النوايب
خل يكلي اوخل اسولفله العجايب

& حسيني اوكل زمن عالي ▪︎وأول ماصرت تالي ▪︎
وإنه ابهالخدمه اتباها ▪︎ حسيني حسيني

------------------------------------------------------
6) الخدمه ياروحي أحس من الله رحمه
اولجله أظل أبجي لحد ما عيني تعمه
الا اطبع عالكلب ياروحي أسمه
وألا بدموعي اكوم اوبيدي ارسمه

& يروحي الخدمه اهواها ▪︎اوشرف بالدنيه ملكاها ▪︎
وإنه ابهالخدمه أتباها ▪︎حسيني حسيني

----------------------------------------------------
لخادم أهل البيت ع ◇ أبو أحمد المجراوي 07805007942
قصيدة سريعه للخدمه
أسالكم الفاتحه والدعاء لوالدي

&(13) مو كلمه يمه اوتنكال ▪︎▪︎ من تطلع أتهز أجبال
ابعازت سوالف دافيه -- اوماتت ييمه العافيه
مو كلمه يمه اوتنكال

----------------------------------------------------------------


1) يمه ياجاسم ثواني -- ارجوك تانيني
الك جم صوره يغالي -- تارك ابعيني
طالت الفركه يروحي -- بينك اوبيني
والخطف بالحومه روحك - ليش ناسيني

& خل ياخذ الروح اوياه ▪︎▪︎أولا يترك أمك بالأه
دمعاتي ماظن كافيه -- او ماتت ييمه العافيه
مو كلمه يمه اوتنكال

------------------------------------------------------------------



2) تارك ابواحة خيالي -- أسنينك الحلوه
اويمه اخر لوحه بيهن -- بالغرب تهوه
يالجنت ترويني بيدك -- تالي ماتروه
اوصارت الدنيه ابغيابك -- كلشي ماتسوه

& كلت العمر يكضي اوياك ▪︎▪︎أو مثل الهوه أتلكاك
اركض أجيتك حافيه -- او ماتت ييمه العافيه
مو كلمه يمه اوتنكال

----------------------------------------------------------------







3) يمه بالخيمه يجاسم -- تدري تانيتك
أوشمعه سويته دليلي -- ابوسط صينيتك
اومن وكفت اعليك يبني -- كلمه حاجيتك
أشلون يايمه عفتني --- اوبيه وصيتك

& وين انطي وجهي ابفركاك ▪︎▪︎أومسبيه اروحن بجفاك
اوشمعة زفافك طافيه --- اوماتت ييمه العافيه
مو كلمه يمه اوتنكال
---------------------------------------------------------------
4) اكعد اوسمعني جلمه --- اختنكت الريه
ابلا جنح يبني عفتي ---- اوحيل مابيه
روحي يايمه تريدك ------- ماترد ليه
خاف عالهزل اروحن ----- تالي مسبيه

& بعدك صحت يبني ابصوت▪︎▪︎أوكبلك تمنيت ألموت
نية الزمن مو صافيه -- اوماتت ييمه العافيه
مو كلمه يمه اوتنكال

----------------------------------------------------------------
5) يمه أحس الدنيه صارت --- طعنه بالملكه
اوظلمه بعيوني شفتها -- ابساعة الفركه
تاخذك من ايدي غفله -- اوريتي مختنكه
اوكلبي يمسافر شفتها ---- ابكربله اتحركه

& اوبعدك دليلي المحتار ▪︎▪︎ جن خيمه وبنص النار
صار اشكثر ماغافيه --- اوماتت ييمه العافيه
مو كلمه يمه اوتنكال

---------------------------------------------------------------
لخادم أهل البيت ع أبو أحمد المجراوي 07805007942
قصيده بحق القاسم