Kattaqo'rg'on tuman axborot-kutubxona markazi

МУАЛЛИМНИНГ ҲИКМАТИ

Тўй маросимида бир кекса отахон, тўй бўлаётган маҳфилнинг бир бурчагида бир ўзлари ўтирган бўладилар. Куёв чол ҳузурига келиб “- Устоз, мени танидингизми?” – деб сўрайди.

Отахон – муаллим жавоб бердилар: “- Йўқ азизим, танимадим. Фақат бир нарсани биламанки, мен бу тўйга куёв томонидан таклиф этилганман.”

Куёв ўзини таништириш билан бир қаторда деди:

“- Қандай қилиб сиз мени унутган бўлишингиз мумкин, ахир? Эснгизда бўлса, бундан бир неча йил муқаддам синфда бир қимматбаҳо қўл соати йўқолди. Сиз эса “- Синфдаги барча ўқувчиларнинг чўнтагини қараш керак” деб, ўқувчиларнинг барчасини бетини деворга қаратиб қўйгандингиз. Ўша қимматбаҳо қўл соати ўғриси мен эдим. Мен обрўйим тўкилишидан қўрқиб, ўзимни қўярга жой топмай қолган пайтимда, сиз менинг чўнтагимдан ўғирланган соатни олдингизда, ҳеч кимга ҳеч нарса демасдан тафтишни давом эттирдингиз ва ўқувчиларнинг чўнтакларини охиригача тафтиш қилдингиз. Ўша воқеадан кейин ҳам мана йиллар ўтибдики, бирор кимса менинг қилган ўғрилигимни юзимга рукач қилган эмас.”

Муаллим дедилар:

“- Ўғлим, мен ҳали ҳам сизни танимадим. Лекин, воқеани аниқ ипидан-игнасигача эсладим. Чунки, сизларни ёмон кўриб қолиб, нафратланишимдан қўрқиб, чўнтакларингизни тафтиш қилишдан кўзларимни қаттиқ юмиб олиб, ундан кейин чўнтакларингизни қидирганман.”

КЎЗ ТЕГМАСИН СЕНГА БОЛАЖОН
(1-июн Халқаро болалар кунига бағишлайман)

Қўлларида кўзмунчоқ,
Кўз тегмасин илоҳим.
Беғубор шу жуссангга,
Паноҳ бўлсин Аллоҳим.

Бирам, бирам ярашади,
Оппоққина қўлингга.
Фаришталар пайдо бўлар,
Чопиб юрган йўлингда.

Дўмбоққина шириним,
Бунча ҳидинг чиройли.
Юзинг гўзал, бир гўзал,
Қуёшлидир ҳам, ойли.

Кулдирасан оламни,
Сендан ҳеч ким ўтолмас.
Юзингдан бир ўпмаса,
Ҳеч олдингдан кетолмас.

Бурнинг оқиб турса ҳам,
Ярашади ўзингга.
Ҳамма маҳлиё сенинг,
Чулдираган сўзингга.

Нега сен томон фақат,
Ортиб борар меҳрим ҳам.
Ром этади инсонни,
Сендаги бир сеҳринг ҳам.

Эй, дунёни гавҳари,
Сен онага юраксан.
Эл-улусга, дунёга,
Жоним ўзинг кераксан.

Кўзларинг жуда чарос,
Уйқунг келиб эснайсан.
Ёшинг юзга етганда,
Шеърим ўқиб эслайсан.

Бутун дунё шодлигин,
Сенга тилайман эркам.
Чексиз бўлсин қувончинг,
Ҳамиша сен юр, бекам.

Сен подшоҳсан, ҳамда бек,
Пойингга тиз чўкамиз.
Олам меҳрини йиғиб,
Бошгинангдан тўкамиз.

Ҳар бир босган қадаминг,
Ҳар ерда улуғ бўлсин.
Тетапоя бўлганинг,
Жон болаи, қутлуғ бўлсин.

Ота-онанг соғ бўлсин,
Болам сенинг бахтингга.
Ғиротларга мингину,
Чиқгин олтин тахтингга.

✍МАВЛУДА МУМТОЗ.

Kattaqo'rg'on tuman axborot-kutubxona markazi xodimlari tuman prokuraturasiga qarashli 2-sektorga "Zamonaviy klassik adabiyotlari" loyihasi doirasida zamonaviy adabiyotlar etkazib berildi

​
СЕВИМЛИ БЎЛИШНИ ХОҲЛАЙСИЗМИ?

❗️Бошқаларни тинглашни ўрганинг, суҳбатдошингизнинг гапириш эркинлигини чекламанг;

❗️Камтар бўлинг. Чунки камтарлик севимли бўлишнинг энг таъсирли йўлидир;

❗️Ҳадеб мақтов эшитиш истагингизни бир четга суриб, руҳлантиришни, бировларни мақташни ҳам ўрганинг, худбин бўлманг;

❗️Доим хушчақчақ ҳолда юриш қийин. Бу тушунарли. Лекин қўлингиздан келганича ғам-ташвишларингизни яшира билинг;

❗️Танқидни тўғри қабул қилишни ўрганинг;

❗️Очиқ юз, ширин сўз кўнгиллар калитидир;

❗️Ҳамиша аввал салом беринг, сўнг ҳол-аҳвол сўранг;

❗️Қариндош-уруғлар билан борди-келди қилинг, қўни-қўшни, таниш-билишлар билан яхши муносабатда бўлинг.

Bugun 31-may kuni Kattaqo‘rg‘on tumani axborot-kutubxona markazi tomonidan besh muhim tashabbus ijrosini ta'minlash maqsadida "Yo‘l-yo‘lakay o‘qiymiz" loyihasi asosida tumandagi "Kadan" MFY ga borib, aholi va yoshlar o‘rtasida mutolaaga bo‘lgan talab va ehtiyojlari o‘rganildi.

Kattaqo‘rg‘on tuman axborot-kutubxona markaziga Yovi MFYda yashovchi 69 yoshli kitobxonimiz Ro‘zmanova Xayitbuvi onamiz tashrif buyurib kutubxonadagi adabiyotlar bilan tanishdilar hamda o‘zlarini qiziqtirgan kitoblarni mutolaa uchun oldilar.