"የተወደደ ጊዜ"

እግዚአብሔር ከሰጠን ብዙ ስጦታዎች
አንደኛው ጊዜ ነው ለተቀበልን ሰዎች

የተሰጠን ጊዜ ለሁሉ እኩል ነው
አጠቃቀም እንጂ አንዱን ካንዱ የለየው ።

ይሄን ውድ ጊዜ ማሪያም አስተዋለች
ከጌታ እግር ስር ማረፍን መረጠች

ከአፉ ከሚወጣው ቃል እየተማረች በመለምለም መስክ ላይ ነፍሷን አሳረፈች ።

ዕረፍትን በማጣት ጠውልገን ያለነው
የነፍሳችን ክሳት ገርጥቶ ሚታየው

መንፈሳችን ደክሞ አቅምን ያጣነው
ውድ ጊዜያችንን ስላልተጠቀምን ነው ።

ንስሃ ሳትገባ እንዲሁ እየኖርክ
በተሰጠህ ጊዜ መጠቀም አቅቶህ

በቤቱ አለሁኝ ለምትለው ሳይቀር
ይህን ውድ ጊዜ መጠቀም ብንችል

በኑሮ በቤትህ በአገልግሎትህም
ተገልጦ ታያለህ የአምላክህን ክብር ።

ከእርሱ ጋር ዘወትር የምታሳልፋት
ከውድ ጊዜዎችህ የከበረችው ናት ።


“.... በመንፈሳዊም ቅኔ እርስ በርሳችሁ ተነጋገሩ..”

@ACEBoleHermon