Adiljanoff|Blog

Dunyodagi eng qimmat narsa vaqt, eng arzoni esa birovlarning fikri.

Sen menga kuningni ayt men senga kimligingni aytib beraman.

Ishim davomida yuzlab o’quvchilar bilan gaplashishga to’gri kelgan. Ularning yutuqlari, natijalari va mag’lubiyatlariga guvoh bo’lganman. Tajribamdan shuni ayta olamanki bir odamning odatiy kunini qanday o’tkazishiga qarab 99% holatda qanday inson ekanligini aytib bersa bo’ladi. Ya’ni kelajagi porloqmi yoki yo’q.

Kuning qanday o’tsa hayoting shunday o’tadi. Ya’ni 8 soat uxlasang, 60 yillik umringdan 20 yilida uxlaysan, 10 soat ishlasang 22 yil umring ishlab o’tadi. Xullas tushunding. Hayotingni o’zgartirmoqchimisan, marhamat kuningni o’zgartir.

Kuniga 2 soatgina internetni titkilashing senga arzimasdek tuyuladi. Lekin 5-6 yil umring shunga ketib qoladi, undan ko’p bo’lmasa agar.

Shunday kun tartibi tuzginki, men sendan quyidagi ikkita savolni so’rasam, uyalib emas, faxrlanib javob beradigan bo’lgin:

1. Kun tartibingni aytib ber
2. Bo’sh vaqtingda nima qilasan?

Bo'lajak farzandingizni ayolingiz tafakkuri bilan tarbiyalaydi. Chiroyi va qomati bilan emas. Tanlovda adashmang!

@qalbimdasan_o7

Kitob oʻqish qiyinmi?

Yoʻq, 2 soat kitob oʻqish hech kimni oʻldirmaydi. Bu juda oson. Lekin har kuni kitob oʻqish juda qiyin. Qanday qilib har kuni kitob oʻqishni shakllantirish mumkin?

1. Nafsga yengil boʻlgan kitoblardan boshlang. Islomga oid bilimingiz koʻp boʻlmasa, darrov aqida yoki fiqh emas, balki, islom odoblari yoki siyratga oid kitoblarni qunt bilan oʻqing.

2. Boshlanishiga bir kunda 50 bet kitob oʻqishingiz shart emas. Bu sizni ruhan charchatadi. Avvaliga juda kam betdan boshlang. Bir bet oʻqisangiz ham har kuni oʻqing. Sekin-sekin varaqlar sonini oshirib boring.

3. Kitobni iloji boricha tahoratli holatda oʻqishga urining. Ilmni hurmat qiling. Shundagina ilm sizga yuqadi va barokatli boʻladi (Hozir shu odatni shakllantirish ustida ishlamoqdaman)

4. Qancha kitob oʻqigan boʻlsangiz ham kitobni yopib, yarim soatdan soʻng oʻqiganlaringizni takrorlashga harakat qiling. Oʻzingizga gapirib bering. Kitobni bir umr eslab qolishingiz shart emas, oʻzingizga kerakli vaqtda eslab olishingiz shart.

Shu qoidalarga amal qilib oʻzingizda kitob oʻqish odatini shakllantirishingiz mumkin.

P.s Oxirgi martda qaysi kitobni oʻqigansiz? Hozir-chi hozir qaysi kitobni oʻqiyapsiz?

🌐

☑️Айниқса ҳозир (бўш вақт кўплигида) ўзимиз ҳақимизда билишимиз зарур бўлган маълумотлар.

☑️Ҳар бир одамда ўзи учун фойдали ишларни қилишга қарши курашувчи куч бор. Унинг исми резистанc (қаршилик, шайтон, нафс). (инг- Resistance)

☑️У кўзга кўринмайди, ушлаб бўлмайди, фақат ҳис қилиш мумкин. У қилмоқчи бўлган ишимиз (китоб ўқиш, бирон нарса ёзиш, диета ушлаш ва ҳ.к) га қарши қаратилган ички негативе энергия сифатида сезилади.

☑️У ҳаммада бор, сизда ҳам менда ҳам. Лекин унинг ўзининг кучи йўқ. резистанc (қаршилик) кучни биздан олади, ва бажараётган ишингизнинг бошида ва охирига енг кучли бўлади.

☑️Қаршилик енг кўп ҳолларда прокрастинация (ишни орқага суриш) кўринишида юзага чиқади. Биз ўзимизга “бу китобни ҳеч қачон ўқимайман” демаймиз, биз “бу китобни ўқийман, фақат ертага” деймиз.

☑️Қилмоқчи бўлган ишимиз қанча катта бўлса қаршилик (резистанc) ҳам шунча катта бўлади.

☑️Ўз ўзини оқлаш (ратионализация) қаршиликнинг енг яқин дўсти. Биз бу ҳиссиётни кунига камида 2-3 марта ичимиздан ўтказамиз. ратионализация (ўз ўзини оқлаш ҳисси) бизга у ёки бу ишни нега қилмаганимизни бир зумда оқлаб беради (чарчаган эдим, янги ҳафтадан бошлаш керак, ҳали тайёр емасман, одамлар гапиради ва хк).

☑️Ўз-ўзимизни алдаш бу бизга хос хусусият, муаммолар биз шу ёлғонларга ишонишимизни бошлаганда юзага келади.

☑️Ва енг муҳими қаршилик ички хотиржамликнинг енг катта душманидир.

Стевен Пресфилд “The war of art” китобидан хулосалар

Ishga qanday kiriladi?

Meritdagi 5 yil davomida 300 dan ortiq odamni ishga oldim. Tajribam asosida biror joyga aniq ishga kirish prinsiplarini tushungandekman:

Bir vaqtni o’zida bitta joyga harakat qil. 10 ta joyga rezyume jo’natib, kutib o’tirishni hamma qila oladi. Sen hamma bo’lma. Orzuingdagi kompaniyani top. O’sha yerga kirishni maqsad qil.

Iloji bo’lsa rezyume umuman jo’natma. Qo’lingda ko’tarib ofisga kel.

Kompaniya haqida ma’lumotlar yig’. Nima uchun aynan shu yerda ishlamoqchisan? Shu savolga o’zing uchun javob top. Javobni intervyu paytida ber. Javob topilmasa — qaroringni yana o’zgartir.

Uchrashganda o’tmishing haqida gapirma. Yangi ish joyingda qilmoqchi bo’lgan ishlaring, yaxshilash mumkin bo’lgan aniq nuqtalar haqida gapir (axir sen ma’lumot to’plagansanku!). O’sishga tayyorligingni isbotla.

Qattiq harakat qil. Yoz, kel, qo’ng’iroq qil. HR qaytarsa tarmoqdan asoschilarni top. Qayta-qayta chiqaver. Sen sadaqa so’ramayapsan. Ishlash xohishing kuchliligini ko’rsatyapsan.

Ha aytgancha, ishga kirishing uchun vakansiya e’lon qilingan bo’lishi shart emas. O’sayotgan har qanday kompaniyaga harakatchan odamlar doim kerak).

Tomosha qilish yoki o’qish?

1. Video kontent yozma kontentdan ancha marta ko’p. Ko’proq odam oladi, ko’proq odam ko’radi ham.

2. Mazza qilib o’qiladigan bloglarni esa barmoq bilan sanasa bo’ladi. Odamlar dangasalashib, o’qimay qo’ygani sabab emas, oqibat. Isboti: yaxshi blog chiqib qolsa yotvolib o’qib chiqamiz hammamiz, birinchi postigacha yana.

3. Sabab — kontentni yaratish uslubida. Videoda e’tiborni tortish yo’llari ko’p. Musiqa, peyzaj, chiroyli aktyorlar, noodatiy boshlanish.

4. Matnda esa qiziqtirish quroli bitta — g’oya. Mavzu va yozilishning qiziq bo’lishi. Muallifda boshqa qurol yo’q. U qiziq yozishga majbur.

5. Qiziq yozish uchun — o’quvchini hayron qoldirish kerak. Kutilmagan ma’lumot, xulosa berish kerak. Kutilmagan xulosa faqat uzoq o’ylash ortidan keladi. Buni esa hamma ham qila olmaydi.

6. Ya’ni video kontentni qiziq qilish oson, yozma kontentni qiziq qilish esa qiyinroq.

7. Eng qizig’i — bu katta imkoniyatlar ochadi ham. Minglab odam video yaratib, ajralib turishga harakat qilayotgan vaqtda, 1 yil yozishni mashq qilgan muallif kam bo’lsada, o’qimishli auditoriyani jalb qiladi.

8. Odam yuzlab videoga tushganidan keyin o’zgarmasligi mumkin (soxta trenerlar misol uchun), lekin yuzlab matn yozganidan keyin aniq o’zgaradi.

9. -Nega video olmay qo’ydiz? degan savoldan keyingi o’ylarim.