ግርምቢጥ 🌀
ክፍል ሁለት 📖
✨ በነጋታው ከስራ መውጫ ሰዓት ላይ ደወለላትና ተገናኙ። ትንሽ ጊዜም አብረው አሳለፉ፤ ግን ብዙ ነገሮቹ አልጣሟትም። ከላይ ሲታይ የመሳቡን ያክል ስትቀርበው ምቾት አልሰጣትም። ዳኒ ረጅሙን ጊዜውን ያሳለፈው ለንደን ስለሆነ ኢትዮጵያዊነት ይርቀዋል። የኢትዮጵያ የሆነ እሱ ጋር ያለው የቆዳ ቀለሙና ቋንቋው ብቻ ነበር። ☕️❌
🏠 እቤት እንደገባችም ሁሉም ከየዋሉበት ተሰብስበው የቀን ውሎአቸውን እያወሩ ባሉበት ሰዓት በሩ ተንኳኳ። ሦስት በሰፈሩ ውስጥ የሚታወቁ ሰዎች ገቡ። በዚህ ሰዓት የነዚህ ሰዎች መምጣት ግራ እንደገባቸው እንዲቀመጡ ጋበዟቸው።
የመጡትም ሽማግሌዎች "የመጣንበትን ጉዳይ ሳንናገር አንቀመጥም" አሉ። 🚪
👵 እትዬ ብርቄ በድንጋጤ አይናቸውን ሁለት ሴት ልጆቻቸው ላይ አንከባለሉ፤ ልጆቹም በድንጋጤ እርስ በርስ ይተያያሉ።
"ምንድን ነበር የመጣችሁበት?" አለ ጴጥሮስ የእናቱን መፍዘዝ ተመልክቶ።
"ልጃችሁን ለልጃችን ብለን ነበር" አሉ።
"እስኪ ተቀመጡና እናውራ" ብሎ አስቀመጣቸው። ወደ ቤተሰቦቹ ተመለከተ፤ ይበልጥ ቃል አጥቷቸው አየ። ነገር ግን እናት እንደምንም ቃል አውጥተው
"ለመሆኑ የትኛዋን ልጄን ነው የፈለጋችሁት?" አሉ።
ሽማግሌዎቹ በአንድ ድምፅ "ዳናዊትን ነው" አሉ። 💍
👤 "ማነው ለመሆኑ ይታወቃል?" ሲሉ ጠየቁ እናት።
ሽማግሌዎቹም "ልጁማ የታወቀ፣ የተከበረ፣ በእናንተም ዘንድ የተወደደ ሰለሞን ነው" አሉ። ሽማግሌዎቹ
ከዚህ በኋላ ቃል ማውጣት የቻለ አልነበረም፤ ሁሉም በተለያየ ሃሳብ ተወሰደ። ዳናዊት "እንዴት ቢንቀኝ ነው? አሳየዋለሁ" እያለች በንዴት ትብሰለሰላለች። ጴጥሮስ ይህን ጉዳይ በቀልድ መልክ አንድ ቀንማ "ሽማግሌ ልኬ ነው እህትህን የምወስድልህ" ያለውን አስታወሰ፤ ነገር ግን ቁም ነገር አድርጎ አልቆጠረውም ነበር። 🧊
💔 ኤልዳና ድንጋጤ፣ ንዴትና መገረም በአንድ ላይ መቷታል። ሰለሞንን ትወደዋለች፤ በተለያየ ጊዜ ምልክት ብታሳየውም ሊረዳት አልቻለም። ብዙ ጊዜም እንዲቀርባት በር ከፍታለታለች፤ ነገር ግን አንድም ጊዜ እድሉን ለመጠቀም አልሞከረም። እትዬ ብርቄ ድንጋጤ ከደስታ ተደብልቆባቸዋል። ዝምታው ሲያይልባቸዉ
ሽማግሌዎቹ "ቀን ቀጠሮ ስጡንና ተማክራችሁበት ወስኑ" አሉ።
እትዬ ብርቄም ነቃ አሉና "አርቡ ተመለሱ" ብለው ሽማግሌዎቹን አሰናበቱ። 👋
⏳ ዝምታ እንደነገሰ ለሰዓታት ቆየ። እትዬ ብርቄ ለዳናዊት "ምን ታስቢያለሽ?" አሏት።
ዳናዊት ቆጣ ብላ "ምን እንዳስብ ትፈልጊያለሽ እማ? ምን ያክል ቢንቀኝ ነው እንደ ዕቃ ካንቺ ጋር ተደራድሮ ሊወስደኝ የፈለገው? የምንስ ቀን ቀጠሮ ነው? ቅስማቸውን ሰብረሽ ማበረር ሲገባሽ!" ብላ ያለ ልማዷ እናትየዋ ላይ አፈጠጠችባቸው።
እናት "አረ ቀስ እናትሽ እኮ ነኝ አትርሺ፤ ለማንኛውም ተረጋግተሽ አስቢበት" ብለው አጀንዳውን ለመዝጋት ሞከሩ። 😡
📱 ነገር ግን አጀንዳው እንዲህ በቀላሉ የሚዘጋ አልነበረም።
ኤልዳና "ዳኒ ግን ትንሽም ቢሆን ምንም የጀመራችሁት ነገር የለም?" ብላ ጠየቀቻት፤ ውስጧ ለተፈጠረባት ትልቁ ጥያቄ መልስ ፍለጋ።
ዳናዊት "ትቀልጃለሽ? ከሱ ጋር ነው ደግሞ የምጀምረው" አለቻት። ኤልዳና ራሷን በእህቷ ቦታ ማግኘት እንደዚህ ጊዜ ተመኝታ አታውቅም። 😔
🏃♂️ "ምነው አባወራው?" አሉ እትዬ ብርቄ ጴጥሮስን።
"ይገርማል! ምን እንደምል ግራ ገብቶኝ እኮ ነው" አለ።
ወሬው ከዚህ በላይ አልዘለለም። ሁለት ቀናት ተቆጠሩ፤ ጴጥሮስም፣ ኤልዳናም፣ ዳናዊትም ሰለሞንን ለማግኘት ቢሞክሩም ሊያገኙት አልቻሉም። ስልኩ ዝግ ነው። ወደ መኖሪያው ጴጥሮስ ቢሄድም "ገዳም ብሎ ከአዲስ አበባ ወጥቷል" ተባለ። ⛰
⛪️ ዳናዊት ንዴቷ አልለቀቃትም፤ ከሁሉም በላይ ደግሞ የእናቷ ሁኔታ ሊገባት አልቻለም። ከዳኒ ጋርም ያን ያክል ምቾት ባይሰማትም የተጀመረው መደዋወል ቀጥሏል። ሐሙስ ከስራ እንደገባች እናት ብርቄ "እፈልግሻለሁ" ብለው ወደ ቤተክርስቲያን ይዘዋት ሄዱ። 🏃♀️
...ይቀጥላል...
ክፍል ሁለት 📖
✨ በነጋታው ከስራ መውጫ ሰዓት ላይ ደወለላትና ተገናኙ። ትንሽ ጊዜም አብረው አሳለፉ፤ ግን ብዙ ነገሮቹ አልጣሟትም። ከላይ ሲታይ የመሳቡን ያክል ስትቀርበው ምቾት አልሰጣትም። ዳኒ ረጅሙን ጊዜውን ያሳለፈው ለንደን ስለሆነ ኢትዮጵያዊነት ይርቀዋል። የኢትዮጵያ የሆነ እሱ ጋር ያለው የቆዳ ቀለሙና ቋንቋው ብቻ ነበር። ☕️❌
🏠 እቤት እንደገባችም ሁሉም ከየዋሉበት ተሰብስበው የቀን ውሎአቸውን እያወሩ ባሉበት ሰዓት በሩ ተንኳኳ። ሦስት በሰፈሩ ውስጥ የሚታወቁ ሰዎች ገቡ። በዚህ ሰዓት የነዚህ ሰዎች መምጣት ግራ እንደገባቸው እንዲቀመጡ ጋበዟቸው።
የመጡትም ሽማግሌዎች "የመጣንበትን ጉዳይ ሳንናገር አንቀመጥም" አሉ። 🚪
👵 እትዬ ብርቄ በድንጋጤ አይናቸውን ሁለት ሴት ልጆቻቸው ላይ አንከባለሉ፤ ልጆቹም በድንጋጤ እርስ በርስ ይተያያሉ።
"ምንድን ነበር የመጣችሁበት?" አለ ጴጥሮስ የእናቱን መፍዘዝ ተመልክቶ።
"ልጃችሁን ለልጃችን ብለን ነበር" አሉ።
"እስኪ ተቀመጡና እናውራ" ብሎ አስቀመጣቸው። ወደ ቤተሰቦቹ ተመለከተ፤ ይበልጥ ቃል አጥቷቸው አየ። ነገር ግን እናት እንደምንም ቃል አውጥተው
"ለመሆኑ የትኛዋን ልጄን ነው የፈለጋችሁት?" አሉ።
ሽማግሌዎቹ በአንድ ድምፅ "ዳናዊትን ነው" አሉ። 💍
👤 "ማነው ለመሆኑ ይታወቃል?" ሲሉ ጠየቁ እናት።
ሽማግሌዎቹም "ልጁማ የታወቀ፣ የተከበረ፣ በእናንተም ዘንድ የተወደደ ሰለሞን ነው" አሉ። ሽማግሌዎቹ
ከዚህ በኋላ ቃል ማውጣት የቻለ አልነበረም፤ ሁሉም በተለያየ ሃሳብ ተወሰደ። ዳናዊት "እንዴት ቢንቀኝ ነው? አሳየዋለሁ" እያለች በንዴት ትብሰለሰላለች። ጴጥሮስ ይህን ጉዳይ በቀልድ መልክ አንድ ቀንማ "ሽማግሌ ልኬ ነው እህትህን የምወስድልህ" ያለውን አስታወሰ፤ ነገር ግን ቁም ነገር አድርጎ አልቆጠረውም ነበር። 🧊
💔 ኤልዳና ድንጋጤ፣ ንዴትና መገረም በአንድ ላይ መቷታል። ሰለሞንን ትወደዋለች፤ በተለያየ ጊዜ ምልክት ብታሳየውም ሊረዳት አልቻለም። ብዙ ጊዜም እንዲቀርባት በር ከፍታለታለች፤ ነገር ግን አንድም ጊዜ እድሉን ለመጠቀም አልሞከረም። እትዬ ብርቄ ድንጋጤ ከደስታ ተደብልቆባቸዋል። ዝምታው ሲያይልባቸዉ
ሽማግሌዎቹ "ቀን ቀጠሮ ስጡንና ተማክራችሁበት ወስኑ" አሉ።
እትዬ ብርቄም ነቃ አሉና "አርቡ ተመለሱ" ብለው ሽማግሌዎቹን አሰናበቱ። 👋
⏳ ዝምታ እንደነገሰ ለሰዓታት ቆየ። እትዬ ብርቄ ለዳናዊት "ምን ታስቢያለሽ?" አሏት።
ዳናዊት ቆጣ ብላ "ምን እንዳስብ ትፈልጊያለሽ እማ? ምን ያክል ቢንቀኝ ነው እንደ ዕቃ ካንቺ ጋር ተደራድሮ ሊወስደኝ የፈለገው? የምንስ ቀን ቀጠሮ ነው? ቅስማቸውን ሰብረሽ ማበረር ሲገባሽ!" ብላ ያለ ልማዷ እናትየዋ ላይ አፈጠጠችባቸው።
እናት "አረ ቀስ እናትሽ እኮ ነኝ አትርሺ፤ ለማንኛውም ተረጋግተሽ አስቢበት" ብለው አጀንዳውን ለመዝጋት ሞከሩ። 😡
📱 ነገር ግን አጀንዳው እንዲህ በቀላሉ የሚዘጋ አልነበረም።
ኤልዳና "ዳኒ ግን ትንሽም ቢሆን ምንም የጀመራችሁት ነገር የለም?" ብላ ጠየቀቻት፤ ውስጧ ለተፈጠረባት ትልቁ ጥያቄ መልስ ፍለጋ።
ዳናዊት "ትቀልጃለሽ? ከሱ ጋር ነው ደግሞ የምጀምረው" አለቻት። ኤልዳና ራሷን በእህቷ ቦታ ማግኘት እንደዚህ ጊዜ ተመኝታ አታውቅም። 😔
🏃♂️ "ምነው አባወራው?" አሉ እትዬ ብርቄ ጴጥሮስን።
"ይገርማል! ምን እንደምል ግራ ገብቶኝ እኮ ነው" አለ።
ወሬው ከዚህ በላይ አልዘለለም። ሁለት ቀናት ተቆጠሩ፤ ጴጥሮስም፣ ኤልዳናም፣ ዳናዊትም ሰለሞንን ለማግኘት ቢሞክሩም ሊያገኙት አልቻሉም። ስልኩ ዝግ ነው። ወደ መኖሪያው ጴጥሮስ ቢሄድም "ገዳም ብሎ ከአዲስ አበባ ወጥቷል" ተባለ። ⛰
⛪️ ዳናዊት ንዴቷ አልለቀቃትም፤ ከሁሉም በላይ ደግሞ የእናቷ ሁኔታ ሊገባት አልቻለም። ከዳኒ ጋርም ያን ያክል ምቾት ባይሰማትም የተጀመረው መደዋወል ቀጥሏል። ሐሙስ ከስራ እንደገባች እናት ብርቄ "እፈልግሻለሁ" ብለው ወደ ቤተክርስቲያን ይዘዋት ሄዱ። 🏃♀️
...ይቀጥላል...