Type to search
Advanced channel search

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

TGAlertsBot

Monitoring of keywords in channels and chats
img
ad

News Flash LK

@NewsFlashLK
Channel's geo and language: not specified, not specified
Category: not specified

News Flash LK ⚡️ හරහා ඔබට ශ්‍රී ලංකාව 🇱🇰 තුල සිදුවන උණුසුම් පුවත් එසැනින් ලබාගත හැක 📰

Related channels  |  Similar channels
Channel's geo and language
not specified, not specified
Category
not specified
Statistics
Is this your channel? Confirm Channel history
Posts filter

News Flash LK

3 Apr 2022, 13:04

Open in Telegram Share Report
📰 හදිසි නීතිය ගැන ජාත්‍යන්තර‍යේ නොසතුට

✍️ මෙරටට හදිසි නීතිය පැනවීම පිළිබඳව යුරෝපා සංගමය ට්විටර් සටහනක් තබමින් සිය කනස්සල්ල පළ කර තිබෙනවා. එමෙන්ම ජනතාවගේ සාමකාමී විරෝධතාව පළ කිරීමේ ප්‍රජාතාන්ත්‍රික අයිතිය සුරක්ෂිත කරන ලෙසයි ඔවුන් රජයෙන් ඉල්ලා සිටින්නේ. මෙය ශ්‍රී ලාංකිකයින්ට අසීරු කාලයක් බවත් මෙම තත්ත්වය යුරෝපා සංගමය සමීපව නිරීක්ෂණය කරන බවත් එම ට්විටර් සටහනේ වැඩි දුරටත් දක්වා තිබෙනවා. මේ අතර මෙරට හදිසි තත්ත්වයක් ප්‍රකාශයට පත් කිරීම සහ ඇඳිරි නීතිය පැනවීම සම්බන්ධයෙන් ශ්‍රී ලංකාවේ ජර්මානු තානාපති හොගර් ෂූබට් මහතා සඳහන් කර ඇත්තේ හදිසි තත්ත්වයක් ඇතිවී තිබෙන්නේ ශ්‍රී ලාංකීය ජනතාවට මිස රජයට නොවන බවයි. ජනතාව මුහුණ දෙන හදිසි තත්ත්වය මත ඔවුන් වීදී විරෝධතාවලටවලට යොමු වුණා විනා ඔවුන් වීදී බැසීම හේතුවෙන් හදිසි තත්ත්වයක් ඇති නොවූ බව තානාපතිවරයා පෙන්වා දෙනවා. එබැවින් හදිසි තත්ත්වයේ හේතුව සහ ප්‍රතිඵලය පටලවා නොගය යුතු බව ඔහු නිකුත් කළ ට්විටර් පණිවුඩයේ සඳහන්.

⏰ April 3, 2022, 3:34 pm

@NewsFlashLKBot 🇱🇰
8 0 0
News Flash LK

3 Apr 2022, 12:56

Open in Telegram Share Report
📰 දිවයිනේ ඇතැම් ප්‍රදේශවලට මිලිමීටර 100 ඉක්මවූ තද වැසි

✍️ උතුර සහ නැගෙනහිර පළාත්වල හැර දිවයිනේ බොහෝ ප්‍රදේශවලට සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසනවා. එමෙන්ම බස්නාහිර, සබරගමුව, මධ්‍යම සහ වයඹ පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවලට මිලිමීටර 100ට වැඩි තද වැසි ඇතිවිය හැකි බවයි එම දෙපාර්තමේන්තුව වැඩිදුරටත් නිවේදනය කළේ.

⏰ April 3, 2022, 3:26 pm

@NewsFlashLKBot 🇱🇰
14 0 0
News Flash LK

3 Apr 2022, 12:54

Open in Telegram Share Report
📰 ප්‍රබලයින් තිදෙනකු මානව හිමිකම් කොමිසමට කැඳවයි

✍️ පොලිස්පතිවරයා, විදුලි සංදේශ නියාමන කොමිෂන් සභාවේ සභාපතිවරයා, ආරක්ෂක අමාත්‍යාංශයේ සහ ජනමාධ්‍ය අමාත්‍යාංශයේ ලේකම්වරුන් ලබන අඟහරුවාදා ශ්‍රී ලංකා මානව හිමිකම් කොමිෂන් සභාව වෙත කැඳවා තිබෙනවා. ඒ සමාජ මාධ්‍ය වාරණය සහ පසුගියදා මිරිහානේදී මාධ්‍යවේදීන්ට සහ සිවිල් පුද්ගලයන්ට පහරදීම ඇතුළු සිද්ධීන් සම්බන්ධයෙන් කරුණු විමසීම සඳහායි. ශ්‍රී ලංකා මානව හිමිකම් කොමිෂන් සභාවේ අද පැවති හදිසි රැස්වීමකදී මේ පිළිබඳ තීරණයට එළඹි බවයි එම කොමිෂන් සභාව සඳහන් කළේ.

⏰ April 3, 2022, 3:24 pm

@NewsFlashLKBot 🇱🇰
15 0 0
News Flash LK

3 Apr 2022, 12:40

Open in Telegram Share Report
📰 සමාජ මාධ්‍ය ජාලා පිවිසුම අද පස්වරුවේ යථා තත්ත්වයට

✍️ සමාජ මාධ්‍ය වෙත පිවිසීමට පනවා තිබූ අවහිරතාව අද (03) සවස 3.30ට ඉවත් කිරීමට තීරණය කර තිබෙනවා. මේ බව තාක්ෂණික අමාත්‍යාංශ ලේකම් ජයන්ත සිල්වා විසිනුයි දැනුම් දී ඇත්තේ.

⏰ April 3, 2022, 3:10 pm

@NewsFlashLKBot 🇱🇰
493 1 8
News Flash LK

3 Apr 2022, 12:08

Open in Telegram Share Report
📰 වානේ කම්බි මිල යළි ඉහළට

✍️ යළිත් වරක් වානේ කම්බි ටොන් එකක මිල රුපියල් 85,000 කින් පමණ ඉහළ ගොස් තිබෙනවා. පසුගිය මාර්තු මස 10 වැනිදා රුපියල් දෙලක්ෂ 54,500 කට පැවති වානේ කම්බි ටොන් එකක මිල මේ වනවිට රුපියල් 339,500 ක්. ඒ අනුව මීට පෙර රුපියල් 1,040 කට අලෙවි වූ මිලිමීටර් 10 වානේ කම්බියක් මේ වනවිට අලෙවි වන්නේ රුපියල් 1,268කටයි. රුපියල් 1,500කට අලෙවි වූ මිලිමීටර් 12 වානේ කම්බියක් මේ වනවිට රුපියල් 1,887කට අලෙවි වන අතර, රුපියල් 2,725කට අලෙවි වූ මිලිමීටර් 16 වානේ කම්බියක් මේ වනවිට රුපියල් 3200කට අලෙවි කෙරෙනවා. අමෙරිකානු ඩොලරයට සාපේක්ෂව රුපියල අවප්‍රමාණය වීම මෙලෙස මිල ඉහළ යෑමට හේතු වී ඇති බවයි වෙළඳපොල ආරංචි මාර්ග සඳහන් කළේ. එසේම, මේ වනවිට වානේ කම්බි හිඟයක් වෙළෙඳපොළ තුළ පවතින බව ද වාර්තා වනවා. මේ අතර, පසුගිය සිකුරාදා දේශීය වශයෙන් නිෂ්පාදිත සහ ආනයනික සිමෙන්ති කොට්ටයක මිල රුපියල් 500 කින් ඉහළ නැංවීමට පියවර ගත්තා. ඒ අනුව රුපියල් 1,850 ක්ව පැවති කිලෝග්‍රෑම් පනහේ සිමෙන්ති කොට්ටයක් මේ වනවිට අලෙවි වන්නේ රුපියල් 2,350කටයි.

⏰ April 3, 2022, 2:38 pm

@NewsFlashLKBot 🇱🇰
37 0 0
News Flash LK

3 Apr 2022, 12:06

Open in Telegram Share Report
📰 සංවිධානාත්මක අපරාධ කල්ලි සාමාජිකයෙකු සඟවා තිබූ ගිනි අවි සහ ජීව උණ්ඩ තොගයක් සොයා ගැනේ

✍️ ද්විත්ව මනුෂ්‍ය ඝාතනයකට සම්බන්ධ අපරාධ කල්ලි සමාජිකයෙකු වන සිංහ ආරච්චිගේ සහන් නවෝද්‍ය නොහොත් පැන්ඩා විසින් භාවිත කරන ලද විදෙස් රටක නිෂ්පාදිත ගිනි අවි සහ ජීව උණ්ඩ තොගයක් පොලිස් භාරයට ගෙන තිබෙනවා. විශේෂ කාර්ය බලකායේ බුද්ධි කොට්ඨාසයේ නිලධාරින්ට ලද තොරතුරකට අනුවයි ඊයේ (02) පස්වරුවේ මෙම වැටලීම සිදු කෙරුණේ. ඒ කඩවත පොලිස් වසමේ කැලණිය දික්පිටිගොඩ ප්‍රදේශයේ දී යි. මිනීමැරීම් චෝදනාවකට මේ වනවිට පොලිස් රැඳවුම් භාරයේ සිටින පැන්ඩා නමැති සැකකරුගෙන් සිදු කළ ප්‍රශ්න කිරීම්වලදී මෙම ගිනි අවි තොගය සොයා ගැනුණේ. මෙම ගිනි අවි අතර තිබී චීනයේ නිෂ්පාදිත පිස්තෝලයක්, පතුරම් ගැබ 01ක් සහ මිලිමීටර් 09 වර්ගයේ ජීව උණ්ඩ 23ක් ද සොයා ගැනුණා. වැඩිදුර ප්‍රශ්න කිරීමේදී සංවිධානාත්මක අපරාධ කල්ලි සඳහා අවි අයුධ කුලී පදනම මත ලබාදෙන බවට කරුණු කඩවත පොලීසියට මේ වනවිට තොරතුරු අනාවරණ වී තිබෙනවා.

⏰ April 3, 2022, 2:36 pm

@NewsFlashLKBot 🇱🇰
32 0 0
News Flash LK

3 Apr 2022, 11:56

Open in Telegram Share Report
📰 යූනිස් ඛාන් සහ උමාර් ගුල් ඇෆ්ගනිස්ථාන ක්‍රිකට් සමඟ ගිවිසුම් ගතවෙයි

✍️ ඇෆ්ගනිස්ථාන ක්‍රිකට් කණ්ඩායමේ කෙටිකාලීන පුහුණුකරුවන් ලෙස හිටපු පාකිස්ථාන ක්‍රීඩකයන් වන යූනිස් ඛාන් සහ උමාර් ගුල් ගිවිසුම්ගත වී තිබෙනවා. 25 දෙනෙකුගෙන් යුත් ඇෆ්ගනිස්ථාන ක්‍රිකට් සංචිතයක් සමඟ දින 15 ක කාලයක් සඳහා ඔවුන් මෙලෙස ගිවිසුම්ගත වී ඇති බව සඳහන්. ඇෆ්ගනිස්ථාන ජාතික කණ්ඩායමේ ප්‍රධාන පුහුණුකරු ලෙස කටයුතු කරන්නේ හිටපු එංගලන්ත ක්‍රීඩක ග්‍රැහැම් තෝප්.

⏰ April 3, 2022, 2:26 pm

@NewsFlashLKBot 🇱🇰
34 0 0
News Flash LK

3 Apr 2022, 11:50

Open in Telegram Share Report
📰 සමාජ මාධ්‍ය යළි සක්‍රීය කරන්නැයි මහජන උපයෝගීතා කොමිසම ඉල්ලයි

✍️ සියලු සමාජ මාධ්‍ය යළි සක්‍රිය කරන ලෙස මහජන උපයෝගීතා කොමිසම විදුලි සන්දේශ නියාමන කොමිසමෙන් සහ ජංගම දුරකථන සමාගම්වලින් ඉල්ලීමක් කරනවා. මහජන උපයෝගීතා කොමිසම සඳහන් කරන්නේ අත්‍යවශ්‍ය සේවාවක් වන විදුලිය කප්පාදුව පිළිබඳ ව පාරිභෝගිකයන් දැනුවත් කිරීමට අවශ්‍ය බැවින් එම පියවර ගන්නා ලෙසයි. සමාජ මාධ්‍ය අක්‍රිය වීම තුළ අදාළ දැනුවත් කිරීම් සිදුකළ නොහැකි බව එම කොමිසම වැඩිදුරටත් ප්‍රකාශ කළා.

⏰ April 3, 2022, 2:20 pm

@NewsFlashLKBot 🇱🇰
33 0 0
News Flash LK

3 Apr 2022, 11:44

Open in Telegram Share Report
📰 ඉම්රාන් ඛාන්ට එරෙහි විශ්වාසභංගය ඉවතට

✍️ පාකිස්ථාන ජාතික සභාවේ නියෝජ්‍ය කතානායකවරයා අග්‍රාමාත්‍ය ඉම්රාන් ඛාන්ට එරෙහිව විශ්වාසභංග යෝජනාව ප්‍රතික්ෂේ කර තිබෙනවා. ඒ අද (03) දහවල් අදාළ යෝජනාව සැලකිල්ලට භාජනය වූ අවස්ථාවේ දී යි. මෙම විශ්වාසභංග යෝජනාව ප්‍රතික්ෂේප කර ඇත්තේ එය පාක්ස්ථානු ආණ්ඩුක්‍රම ව්‍යවස්ථාවට පටහැනි බව පවසමින්.

⏰ April 3, 2022, 2:14 pm

@NewsFlashLKBot 🇱🇰
32 0 0
News Flash LK

3 Apr 2022, 11:36

Open in Telegram Share Report
📰 ඉස්සන් කර්මාන්තයටත්, ඉන්ධන අර්බුදය සහ විදුලි කප්පාදුව හරස් වෙයි

✍️ පවතින ඉන්ධන අර්බුධය සහ විදුලි කප්පාදුව හේතුවෙන් ඉස්සන් කර්මාන්තය ඉදිරියට පවත්වාගෙන යාමට නොහැකි තත්ත්වයක් උද්ගත වී ඇති බව එම කර්මාන්තයේ නිරතවන්නන් පවසනවා. පුත්තලම දිස්ත්‍රික්කයේ හෙක්ටෙයාර 60,000ක පමණ ඉස්සන් වගාවන් පවත්වා ගෙන යන අතර, එම ඉස්සන් පොකුණු සඳහා රාත්‍රී කාලයේ දී ඔක්සිජන් සැපයිම අත්‍යවශ්‍ය බවයි ඔවුන් සඳහන් කරන්නේ. මේ හේතුවෙන් ඇතැම් ව්‍යාපාරිකයන් විසින් නියමිත කාලය සම්පූර්ණ වීමට පෙර අස්වනු නෙළීම ආරම්භ කර තිබෙනවා.

⏰ April 3, 2022, 2:06 pm

@NewsFlashLKBot 🇱🇰
30 0 0
News Flash LK

3 Apr 2022, 11:08

Open in Telegram Share Report
📰 ජනපති නිල වෙබ් අඩවිය බිඳ වැටුණේ ඇයි ? - ඇත්ට නැත්ත ගැන හෙළිදරව්වක්

✍️ ජනාධිපති ගෝඨාභය රාජපක්ෂගේ නිල වෙබ් අඩවි‍යට පිවිසීමේ යම් අපහසුතාවක් මේ වනවිට ඇති වී තිබෙනවා. සමාජ මාධ්‍ය ජාලා මේ පිළිබඳව සඳහන් කර ඇත්තේ, මෙය සමාජ මාධ්‍ය ජාලා හැකර්වරුන් පිරිසක් විසින් සිදු කරන ලද්දක් බවයි. කෙසේවෙතත් ඒ පිළිබඳ මෙතෙක් පිළිගත හැකි නිල නිවේදනය්ක් ජනාධිපති මාධ්‍ය අංශය විසින් හෝ විදුලි සංදේශ නියාමන කොමිෂම මගින් නිකුත් කර නැහැ. මේ පිළිබඳ අප ජනාධිපති මාධ්‍ය අංශයේ ප්‍රකාශකයෙකුගෙන් සිදු කළ විමසීමකදී, ඔහු කියා සිටියේ මෙය කෘත්‍රීම ව නිර්මාණය වන ලද දෙයක් බවයි. කෙසේවෙතත් ගුවන් හමුදා සයිබර් අවකාශ මෙහෙයුම් කණ්ඩායම් විසින් ජනාධිපතිවරයාගේ නිල වෙබ් අඩවිය ආරක්ෂා කිරීමට අවශ්‍ය සියලුම ක්‍රියාමාර්ග ගෙන ඇති බවයි වාර්තා වන්නේ.

⏰ April 3, 2022, 1:38 pm

@NewsFlashLKBot 🇱🇰
39 0 0
News Flash LK

3 Apr 2022, 10:46

Open in Telegram Share Report
📰 පේරාදෙණිය විශ්වවිද්‍යාල ශිෂ්‍ය අරගලයට කඳුලු ගෑස් ප්‍රහාරයක්

✍️ පේරාදෙණිය විශ්වවිද්‍යාලයේ ශිෂ්‍යයින් විසින් මේ වනවිට සිදු කරමින් පවතින විරෝධතාවට පොලීසිය විසින් කඳුලු ගෑස් ප්‍රහාරයක් එල්ල කර තිබෙනවා. පවතින දූෂිත පාලනයට එරෙහිව අද (03) පස්වරුවේ පේරාදෙණිය විශ්වවිද්‍යාල පරිශ්‍රයේ සිට පේරාදෙණිය - ගලහ මංසන්ධිය දක්වා සිසුන් ගමන් කිරීමට උත්සාහ කිරීමේ දී යි මෙලෙස කඳුලු ගෑස් ප්‍රහාරය එල්ල වී ඇත්තේ.

⏰ April 3, 2022, 1:16 pm

@NewsFlashLKBot 🇱🇰
40 0 0
News Flash LK

3 Apr 2022, 09:36

Open in Telegram Share Report
📰 ඩීසල් බෙදා හැරීම ඇරඹෙයි

✍️ විදුලි උත්පාදනය සඳහා ඩීසල් මෙට්‍රික් ටොන් 3500 බැගින් දිනකට නිකුත් කිරීමට පියවර ගෙන තිබෙනවා. එමෙන්ම, දිවයින පුරා ඉන්ධන පිරවුම්හල් වෙත මෙම ඩීසල් තොග බෙදාහැරීමටයි ලංකා ඛනිජ තෙල් නීතිගත සංස්ථාව පියවර ගෙන ඇත්තේ. රට තුළ පවතින දැඩි ඩොලර් හිඟය හේතුවෙන් මෙරටට පැමිණෙන ඉන්ධන නෞකා මෙන්ම ගෑස් අඩංගු නෞකා ද ඇතැම් විට ආපසු හරවා යැවූ අවස්ථා ද වාර්තා වුණා. තෙල් හිඟය මත ජන ජීවිතය අර්බුදයකට පත්ව ඇති අතර, මේ හේතුවෙන් රට පුරා පවතින පාලනයට එරෙහිව විරෝධතා සංවිධානය වෙමින් පවතිනවා.

⏰ April 3, 2022, 12:06 pm

@NewsFlashLKBot 🇱🇰
46 0 0
News Flash LK

3 Apr 2022, 08:54

Open in Telegram Share Report
📰 සමගි ජන බලවේගයේ උද්ඝෝෂණයක් - අරගලය උණුසුම් වෙයි

✍️ සමගි ජන බලවේගය ආරම්භ කළ විරෝධතාවට බාධා එල්ල වී තිබෙනවා. ආණ්ඩුවේ අත්තනෝමතික ක්‍රියා පිළිඋවෙතට විරෝධය පාමින් අද (03) පෙරවරුවේ කොළඹ කේන්ද්‍ර කරගනිමිනුයි ඔවුන් විරෝධතාව ආරම්භ කළේ. මෙම තත්ත්වය පාලනය කිරීමට ආරක්ෂක අංශ මැදිහත් වීමත් සමග මේ වනවිට දැඩි උණුසුම් තත්ත්වයක් ඇති වී තිබෙන බවයි අප වාර්තාකරු පැවසුවේ.

⏰ April 3, 2022, 11:24 am

@NewsFlashLKBot 🇱🇰
50 0 0
News Flash LK

3 Apr 2022, 08:36

Open in Telegram Share Report
📰 මාලදිවයින දැඩි පරිසර දූෂණ අවදානමක

✍️ මාලදිවයින මේ වනවිට ලෝකයට වසන් කළ නොහැකි පරිසර දූෂණ අවදානමකට මුහුණදී තිබෙන බව විදෙස් මාධ්‍ය වාර්තා කළා. එහි තිලෆුෂි නම් එක් දූපතක් වසර ගණනාවක් පුරා දැවෙමින් පවතින කුණු කන්දක් පෝෂණය කරන අතර, මාලදිවයින් වැසියන් එය හඳුන්වන්නේ කසළ දූපත නමින්. එය අනූව දශකයේ මුල් භාගයේදී කොරල්පර සහිත පැහැදිළි කළපුවක් වූ අතර, 1992 න් පසු අපද්‍රව්‍ය මුදාහැරීමේ ස්ථානයක් බවට පත්ව තිබෙනවා. කසළ කළමනාකරණයේ දුර්වලතාව මෙම තත්වයට හේතු වී ඇති බවයි එරට රජයේ බලධාරීන් ප්‍රකාශ කරන්නේ. දිනකට කසළ ටොන් 1,200 ක් පමණ එහි මුදාහැරෙන බව ද විදෙස් වාර්තාවල වැඩිදුරටත් දැක්වෙනවා.

⏰ April 3, 2022, 11:06 am

@NewsFlashLKBot 🇱🇰
52 0 0
News Flash LK

3 Apr 2022, 08:26

Open in Telegram Share Report
📰 හදිසි නීතිය / ඇඳිරිනීතිය මහජන ආරක්ෂාව සහතික කිරීමට පමණයි - රජයේ ප්‍රවෘත්ති දෙපාර්තමේන්තුව

✍️ හදිසි අවස්ථා නීතිය හා ඇඳිරිනීතිය පනවනු ලැබුවේ, සාමය, ජන ජීවිතය හා මහජන සහ පෞද්ගලික දේපල ආරක්ෂා කිරීමේ එකම අරමුණ ඇතිව බව රජය ප්‍රකාශ කරනවා. රජයේ ප්‍රවෘත්ති දෙපාර්තමේන්තුව නිවේදනයක් නිකුත් කරමින් ප්‍රකාශ කරන්නේ, භාෂණයේ හා ප්‍රකාශනයේ නිදහස හා සාමකාමී ලෙස විරෝධය පෑමේ අයිතිය මෙන්ම මහජන සාමය හා රාජ්‍ය, පෞද්ගලික දේපළ ආරක්ෂා කිරීමට ද රජය බැඳී සිටින බවයි. භාෂණයේ හා ප්‍රකාශනයේ නිදහස, සාමකාමී ලෙස රැස්වීමේ හා විරෝධය පෑමේ අයිතිය ඇතුළු ප්‍රජාතන්ත්‍රවාදී අයිතිවාසිකම් තහවුරු කොට ප්‍රවර්ධනය කිරීම රජය ප්‍රතිඥා දී පිළිගෙන ඇති ප්‍රතිපත්තියක්. පසුගිය වසර දෙකට වැඩි කාලය තුළ ඒ බව ප්‍රායෝගික සනාථ වන බව ද රජයේ ප්‍රවෘත්ති දෙපාර්තමේන්තුව නිකුත් කළ නිවේදනයේ වැඩිදුරටත් සඳහන්. හදිසි නීතිය සහ ඇඳිරිනීතිය ගැන රජයේ ප්‍රවෘත්ති දෙපාර්තමේන්තුව නිකුත් කළ සම්පූර්ණ නිවේදනය පහතින්...,

⏰ April 3, 2022, 10:56 am

@NewsFlashLKBot 🇱🇰
47 0 0
News Flash LK

3 Apr 2022, 08:04

Open in Telegram Share Report
📰 ඉදිරි දිනවල විදුලි කප්පාදුව අවම වන ලකුණු

✍️ ඉදිරි දිනවල විදුලි කප්පාදුව අවම කරගැනීමට හැකිවනු ඇතැයි මහජන උපයෝගීතා කොමිසම ප්‍රකාශ කරනවා. එහි සභාපති ජනක රත්නායක සඳහන් කළේ විදුලි ජනනය සඳහා අවශ්‍ය ඉන්ධන ලබාදීමට බලශක්ති සහ විදුලිබල අමාත්‍යාංශය එකඟ වී ඇති නිසා එලෙස කටයුතු කළ හැකි බවයි. අද (03) දිනයේදී පැය එකයි මිනිත්තු 40 ක කාලයක් විදුලිය විසන්ධි කිරීමට නියමිතයි.

⏰ April 3, 2022, 10:34 am

@NewsFlashLKBot 🇱🇰
47 0 0
News Flash LK

3 Apr 2022, 07:54

Open in Telegram Share Report
📰 සමාජ මාධ්‍ය ජාලා අවහිර කිරීම අනුමත කරන්නේ නැහැ - නාමල් කියයි

✍️ සමාජ මාධ්‍ය අවහිර කිරීමේ ක්‍රියාව කිසිසේත්ම තමන් අනුමත නොකරන බව ක්‍රීඩා අමාත්‍ය නාමල් රාජපක්ෂ පවසනවා. සිය නිල ට්විටර් ගිණුමෙහි සටහනක් තබමින් අමාත්‍යවරයා පෙන්වා දෙන්නේ, සමාජ මාධ්‍ය ජාලා අවහිර කිරීම වැනි ක්‍රියා අතිශයින් ම නිෂ්ඵල වන්නක් බවයි. තමන් ද මේ වනවිට VPN ක්‍රමවේදය භාවිත කරමින් සමාජ මාධ්‍ය ජාලා වෙබ් අඩවි වෙත පිවිස පරිශීලනය කරන බවත් නාමල් රාජපක්ෂ ප්‍රකාශ කළා. එබැවින් මෙවැනි ක්‍රියාමාර්ග ගනිමින්, තවදුරටත් අර්බුද ඇති නොකර, මීට වඩා ප්‍රගතිශීලී අයුරින් ක්‍රියා කිරීමට වගකිව යුතු බලධාරින් පියවර ගත යුතු බවයි ක්‍රීඩා අමාත්‍යවරයා වැඩිදුරටත් ඉල්ලා සිටින්නේ. මේ අතර, ඊයේ (02) මධ්‍යම රාත්‍රියේ සිට ශ්‍රී ලංකාව තුළ භාවිත වන සියලුම සමාජ මාධ්‍ය ජාලා අවහිර කිරීමට පියවර ගෙන තිබුණා. ශ්‍රී ලංකා තාක්ෂණික අමාත්‍යාංශයේ ලේකම්වරයා ප්‍රකාශ කළේ, ඊයේ ආරක්ෂක අමාත්‍යාංශය විසින් සිදු කරන ලද ඉල්ලීමකට අනුව සමාජ මාධ්‍ය ජාලා වෙත පිවිසෙන මාර්ග සියල්ල තාවකාලිකව අක්‍රීය කළ බවයි.

⏰ April 3, 2022, 10:24 am

@NewsFlashLKBot 🇱🇰
61 0 1
News Flash LK

3 Apr 2022, 06:52

Open in Telegram Share Report
📰 ඕෂධ සේනානායක සිය ධුරයෙන් ඉල්ලා අස්වෙයි

✍️ ඕෂධ සේනානායක ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනයේ සභාපති ධූරයෙන් ඉල්ලා අස්වී ඇත ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනයේ සභාපතිවරයා වශයෙන් කටයුතු කරමිනි සිටි ඕෂධ සේනානායක සිය ධුරයෙන් ඉල්ලා අස්වී තිබෙනවා. ඉහළ ආරංචි මාර්ග සඳහන් කළේ, සභාපතිවරයා අද (03) පෙරවරුවේ දී සිය ධුරයෙන් ඉල්ලා අස්වූ බවයි. මේ අතර, ආරක්ෂක අමාත්‍යාංශය විසින් සමාජ මාධ්‍ය ජාලා වෙත පිවිසෙන මෙරට ක්‍රියාත්මක සියලු වෙබ් අඩවි තාවකාලිකව ක්‍රියාවිරහිත කරන ලෙස ඊයේ (020 තම අමාත්‍යාංශයට උපදෙස් ලබාදුන් බව තාක්ෂණ අමාත්‍යාංශයේ ලේකම්වරයා හිරු ප්‍රවෘත්ති වෙත පැවසුවා. ඒ අනුව ඊයේ මධ්‍යම රාත්‍රියේ සිට බලපැවැත්වෙන පරිදි ෆේස්බුක්,යූටියුබ්,ඉසන්ස්ටර්ග්‍රෑම්,වට්සැප්,ට්විටර් සහ ටෙලිග්‍රෑම් ආදි වෙබ් අඩවි වෙත පිවිසීමේ හැකියාව අහිමි වී තිබෙනවා.

⏰ April 3, 2022, 9:22 am

@NewsFlashLKBot 🇱🇰
50 0 0
News Flash LK

3 Apr 2022, 06:44

Open in Telegram Share Report
📰 බ්‍රසීලයට බලපෑ ගං වතුර සහ නායෑම්වලින් 14 දෙනෙකු මරුට

✍️ බ්‍රසීලයේ රියෝ ද ජැනයිරෝ ප්‍රදේශයට බලපෑ අධික වර්ෂාවත් සමඟ ඇතිවූ මඩ සහිත ගං වතුර සහ නායයෑම් හේතුවෙන් පුද්ගලයන් 14 දෙනෙකු මියගොස් තිබෙනවා. ආපදාවට ලක්වූ 144 දෙනෙකු පමණ මුදාගෙන ඇති බවයි විදෙස් මාධ්‍ය වාර්තා කළේ. පෙබරවාරි මාසයේදී ද එහි කඳුකර ප්‍රදේශවල පුද්ගලයන් 240 දෙනෙකු පමණ ආපදා සහිත කාලගුණ තත්වයෙන් ජීවිතක්ෂයට පත්වුණා.

⏰ April 3, 2022, 9:14 am

@NewsFlashLKBot 🇱🇰
46 0 0
20 last posts shown.

487

subscribers
Channel statistics