ل الطارق(اللي بيخبط يعني) لقي أحمد بيصلي ف قعد علي السفره يستناه وخلص أحمد صلاة
-حرما يابنى
أحمد : جمعا يا عم متولى إن شاء الله
متولى: ياالا انا جبتلك الفطار عشان خالتك أم هند ( مراته) في السوق دلوقتي
أحمد : ربنا ميحرمنيش منكم
متولى : ولا يحرمنا منك يا بنى الا قولي انت معيط ولا ايه
أحمد : لا مفيش حاجه هو عشان لسه صاحي بس مش اكتر
متولى : متأكد يا ابنى ...لو في حاجه قولي انا زى ابوك
أحمد : اكيد طبعا
متولي : طب استأذن انا عشان انزل افتح المحل
أحمد : طب استنى نفطر سوا
متولى : سبقتك من بدري بالهنا والشفا
أحمد: الله يهنيك ...اتفضل
( متولى معاه نسخة من مفتاح شقة احمد عشان لو خبطوا عليه واحمد مردش يدخل يتطمن عليه ...واخد المفتاح بعد ما احمد اتعمي يعني عشان لو حصل له حاجه لقدر الله جوا لوحده يقدروا ينفذوا )
وفطر أحمد وقضي يومه في الاستغفار والتسبيح وكل ما يسمع الاذان يقوم يتوضأ ويصلي فرضه في وقته لحد اذان العشا وبعد العشا بينزل يقعد مع عم متولى ..بيحسس علي السلم وينزل واحده واحده وحد من الشارع يوصله لدكان عم متولى
متولى : تعالي يا احمد يابنى ..عامل ايه
احمد : الحمد لله
متولى : ايه اخبار عمليتك
احمد: لسه الدكتور مكلمنيش هتبقي يوم ايه ..قالي هبلغك قبلها بيوم
متولى : طب مش ناوى تقول لى ايه اللي حصل الصبح بقا ..انا قلت اسيبك الصبح تكون ارتحت شويه وفكيت كده مع نفسك
اتنهد احمد واخد نفسه وحكي له كل اللي وعد قالته واللي هو عايز يعمله
متولى : اما بت جليلة الرباية صحيح ..يعني سابتك في ظروفك بدل ما تقف جنبك ولما فسخت خطوبتها جايه تكلمك وتقولك بحبك ...بس لا يا ابنى هي مفستخش الخطوبة عشان مش بتحبه في سبب تانى اصل اللي يجبرها توافق عليه في الاول
احمد : انا قلت كده بردوا الموضوع في لغز ...اصل كده مكملتش شهر مخطوبه ( اومال لو عرف انها فركشت في اول يوم هيعمل ايه)
متولى : سيبك منها يا ابنى وربنا يرزقك بست ستها ان شاء الله ولو كلمتك تانى اقفل السكه في وشها ..اللي زى دى متستاهلش ضفرك
احمد : بس انا لسه بحبها يا عم متولى
متولى : طب واللي تخليك تنساها
احمد : مش فاهم ..ازاى ده
متولى : خالتك ام هند شافت لك عروسه من الفلاحين وانت عارف بتوع الفلاحين بيعيشوا وبيرضوا بأي بحاجة
أحمد : عروسه ايه بس بالحالة اللي انا فيها دى وبعدين انا معنديش غير شقة ابويا وامى ومفيش شغل هأكلها منين
متولى : يوووه م كنت هتأكل التانية منين مش كنت عايزها تصبر عقبال ما تلاقي شغل وتروح تتقدم لها
احمد : طب وعد عشان كانت بتحبني او كنت مفكر انها بتحبنى ف هتستحملنى ....لكن دى هطلب ايدها من اهلها واقولهم استنوني عقبال ما اشتغل واكون نفسي وهما ايه اللي هيجبرهم يستحملونى
متولى : طب ما تسيبنى اكلم اهلها و يمكن ربنا يريد ويوافقوا
احمد : بس كده انا هظلمها لانى مش هقدر اقدم لها حب انا لسه بحب وعد
متولى: طب انا عندى حل
احمد : ايه هو
نقف لحد هنا
بعتذر عن قصر الفصل ولكن مشغولة جدا والله وسبت مذاكرتي وقعدت كتبته وان شاء الله هحاول اطول الجزء التانى...دعواتكم ليا فضلا