_بكام الوردة دي ياعمو.؟
لف ليا بجمال عينيه وعضلاته وطوله أول مَ تشوفه تحس هيبه كدا قدامك،رد قالي:
=ببلاش ياقلب عمو
ارتبكت:
_احم احم بكام بجد.؟
=يعني سؤال:هل في ورده بتشتري ورده.!
_حبيت أعمل شخصية وكدا:طيب عن إذنك انتوا مشتَل مش محترم بتعاكسوا بنات الناس ولا بتشوفوا شغلكم.!ومشيت
=استني ياآنسه والله مَ أقصد ثواني طيب،طب الورده.!
سيبته ومشيت ولا حياه لمن تنادي
روحت البيت قاعده قدام أوراقي ومذاكرتي وسرحانه في القمر الِ شوفته النهاردة،فتحت شنطتي أدور علي موبايلي ألعب فيه شوية مبلاقيهوش،قلبت عليه الأوضه بردو مش لاقياه،خرجت برا أوضتي جايز نسيته في مكان ما وأنا مش واخدة بالي مفيش حاجة"نهار أسود راح فين" معقولة وقع مني لما مشيت بسرعة والولد بينادي عليا.؟رنيت عليه من موبايل أمي لقيت صوت واحد:
_ألو:
=أيوه،حضرتَك الموبايل ده بتاعي وقع مني ممكن أعرف المكان بالظبط فين وشكلك شخص محترم يعني ومش هترضي لأختك تتبهدل بالشكل ده وو...
_حيلك حيلك إيه كل الرغي ده،هو دخول الحمام زي خروجه.؟وهو أنتِ عرفتي إني شخص محترم وكل ده من مجرد قولت ألو.؟
ضحكت:
=الصوت مش غريب عليا
_أيوه ياقلب عمو الوردة الِ سبتيها مستنياكي
_هو أنتَ.؟حتي في المكالمة بتعاكس.!
=والله أبداً هو أنا قولت حاجة ياست.؟
_مش هنرغي كتير أنا هعدي عليك بكرا وأنا خارجه من الجامعة آخد منك الموبايل
=والله مَ حد رغاي غيرك أنتِ
_بتقول حاجة ياأستاذ.؟
=احم لا أبداً بقول أشطا مستنيكي بكرا باي
قفلت معاه وحاسة براحة وهدوء وأعصابي مرتاحة جدا
نمت وصحيت ورايحة الجامعة بفكر في الِ ميتسماش الِ خطف قلبي
عديت عليه وأنا راجعة من الجامعة:
_السلام عليكم
=وعليكم السلام ياقلب عمو
_الموبايل.؟الموبايل ياأفندم وبلاش تقولي ورده ومش ورده مش عايزه حاجة انا هاخد موبايلي وماشية علي طول عشان متأخرش معلش وو....
=يابنتي بقا يخربيت رغيك تاخدي أوسكار أحسن رغاية في الوطن العربي
_طيب ياسيدي شكراً كفايه ممكن الموبايل بقا
=طب هما بيقولوا الِ بيلاقي حاجة بيكون ليه نسبة فيها تقريبا 10% لو كانت فلوس صح.؟وإن كانت موبايل مثلاً نعمل إيه.؟
قولت في نفسي:مَ أنتَ خطفت قلبي ومتكلمتش
_الِ عايزه عايز إيه أنتَ.؟
=كام سؤال بس
_بس.؟اسأل ياسيدي
=اسمك.؟
_أميرة
=وأنا أحمد
_مش هنتعرف ها الِ بعده
=كام سنة ياقلب عمو.؟
_22
=بيتكم فين.؟
_نعم.؟وده إيه علاقته.!
=فيه إجابة ولا مفيش موبايل.؟
_بيتنا أول الشارع جمب الشجرة الصفرا الِ قلبوها نخلة بعد الإحتلال،هات الموبايل بقا
=اشطا خد...ويت ويت هو في شجرة صفرا.؟وبعدين قلبوها نخلة إزاي يعني
_أقول إيه يعني.؟
=بطلي لماضة وقولي بيتكم فين.؟
_الشارع الِ جمب المشتل
=عمارة كام الدور الكام شقة رقم كام.؟
_اللهم طولك ياروح
=هيطولها يلا بس يلا
_عمارة"14" الدور"الخامس"شقة"9" حاجة تاني تحب أقولك اسم أمي.؟
=لا هعرفه لوحدي
_أقدر آخد موبايلي وأمشي.؟
=موبايلك في إيدك،لسانك في بوقك،جزمتك في رجلك الِ يقولك بم لطشيله
ضحكت ضحكة عالية
_والضحكة دي في بيتنا بس
=بيتنا.!
_آه،عرفت بيتكم وهاجي أتقدملك،من النهاردة أنتِ مراتي
=طيب عن إذنك يا..عمو
"مشيت وأنا قلبي داقق عشروميت دقة في الثانية،إزاي إنسان يظهر فجأة في حياتك وبالسرعة دي يملك قلبك كدا ويسيطر علي تفكيرك كأنه مبرمجك من زمان لا تبص لغيره ولا تشوف حد لحد مَ ييجي،كنت بسمع عن الحب من أول نظرة بس مكنتش بآمن بيه بس أنا دلوقت آمنت وصدقت،عرفت إن الأكسجين الِ خارج منك ممكن ينتهي بإنتهاء شخص معين،الإبتسامة الِ علي وشك سببها شخص لو راح هتروح فرحتك،عرفت إن لغة العنين أدق من لغة الإشارة أو أي لغة تانية"
بعد يومين صحيت لقيت أمي مرتبة البيت وبتقول في عريس جاي يتقدم ولازم أجهز نفسي عشان أشوفه من غير جدال معاها ولا أقول دراسة وبتاع أعتقدت إن هو علي طول ودخلت لبست أجمل فستان وأحلي خمار وكنت مبهجة كأني ملكة نزلت في أرض الحقيقة
دخلت وأنا مبسوطة جداً ورفعت عيني وشوفته وقرينا الفاتحة وقعدنا اتكلمنا مع بعض شوية:
_أميره.؟
=نعم
_بقينا لبعض
=حبيتك من أول نظرة،أول مَ شوفتك حسيت إني عايزة أطبخلك،قلبي دقلك جداً وكأنه كان هيتخلع من مكانه ويدخل جواك،كنت..
_رغاية بردو ياقلب عمو
وطلع بوكيه الورد الِ كان نفسي فيه
=الله الورده
_الورده ياقلب عمو جت ببلاش أهو،قولتلك وقتها خديها ببلاش
=لو كنت أخدتها ببلاش ساعتها مكانتش جت دلوقت
_أيون،أمسك إيدِك.؟
=لما نتجوز ياعمو
_بحبِك ياقلب عمو
=أحمد
_نعم ياقلب أحمد
=بحبَك
_بجد.؟
=بحبَك
"وإن كان القلب يعشق كل جميل،فَ قلبي لم يعشق سوي الذي بالجمال كامل،والعين لم تُبصِر إلا لمَن هواه القلب حتي إن كان ذاك لم أره من قبل".!'
#رايكم يجمال
@MARIAMGRGES
