حلوين من يومنا والله وقلوبنا كويسه وبقدم احلي فرحه ومعاهم ١٠٠ مسا
_ بطلي غنا يا اسراء وقوليلي هنهبب ايه ف الموضوع اللي قولتلك عليه
موضوع ايه !!!
_ يا ليله سوده هو انا بكلم ف نفسي يبنتي
ايمان هو اخوكي دا حلو كده ليه
_ طالعلي
الكدب حرام يصاحبتي
_ مالك باخويا يابت
يوه هو انا اتكلمت يا لمبي انا بقول حلو بس
_بس !؟
وجميل وان الله جميل يحب الجمال يا ايمان يا حببتي
_ يخربيتك يا شيخه بتفصليني والله
المهم انا همشي بقاا وهستناكي بكرا
_ سلام يا صاحبي
&&&&&&&&
ايمان وانا صحاب بقالنا 3 سنين هي صندوق أسراري وعمود النور اللي ف حياتي

_ ايمان
يا نعم !؟
_ هي اسراء مرتبطه !؟
فيه ايه يا آدم وانت مالك بإسراء يعني مش فاهمه
_ ايه يابت فيه ايه دا مجرد سؤال
والسؤال مش هييجي من فراغ يا حبيبي
_ طب جاوبي ع السؤال
والمقابل
_ هخليكي تكلمي سيف فيديو
اخويا وأغلي م ليا والله
_ مصلحجيه حقيره .. انطقي
لا مش مرتبطه ولا بتكلم حد ولا فيه اي راجل ف حياتها
_ طب اطلب منك طلب
اكلم خطشيبي الاول
_ خطشيبك !! مانتو الاتنين شبه بعض مصالح
هقوله ع فكره
_ صاحبي واقول اللي انا عايزه
.................
بنحب من غير م نحس من غير مقابل ولا مقدمات بنتخطف هي خطفه واحده بتجيلنا وقتها حياتنا كلها بتتلغبط من غير تفكير بنقع وبتبقي وقعه حابينها ومش حابيين ولا عايزين نقوم منها

_ فاتحه بروفايل اخويا ليه يابت
حد يخض حد كده .. يشيخه قولي انك هنا .. جيتي امتي محستش بيكي خااالص
_ وانت هتحس بيا ازاي وانت سرحان يا قمر
عاااادي يعني يا ايمان
_ هو كمان بيحبك ع فكره
ايه بيحبني !!!... أ أ أقصد يعني مين قالك اني بحبه
_ عيونك فضحاكي وبعدين انتي صحبتي وهو اخويا لو مش هفهمكو هفهم مين يعني

انا معرفش حبيته امتي وازاي من يوم م كان فيه حرامي كان مااشي ورايا وهجم عليا ومعرفش آدم جه امتي ولا ازاي وضرب الحرامي ومسابنيش غير لما دخلت بيتنا ولا امتي معرفش بس انا دايما بفكر فيه
_ امبارح بعد م مشيتي جه سألني اسراء مرتبطه ولا لا
قولتيله ايه !؟
_ الحقيقه يعني اكيد قولتله لا ومش عايزه ترتبط
&&&&&&&&&&&&&
فااات اسبوعين عاادي مفيش جديد بس هما الاتنين بيتعلقوا ببعض يوم عن يوم
_سيف هو فين الواد نادر مبيكلمنيش ليه ؟؟
نادر ف مشكله كبيره يا آدم ومش عارف يحلها ازاي
_ ايه اللي حصل !؟
الموضوع أنه... ثواني يا آدم تقريبا هو اللي جه دا .. نادر آدم معايه فيديو كول وعايز يكلمك
_ فيه ايه يا عم مالك مبتعبرناش ليه
عامل ايه يا آدم !؟
_ عامل ايه يا آدم !!! لا دا الموضوع كبير اوووي بقاا احكي يا صاحبي
ندي
_ ندي دي البنت اللي حكتلي عنها اللي انت عايز تخطيها اول م تنزل اجازه
ايوه هي
_ فيه ايه حصلها حاجه ؟
اهلها عايزين يخطبوها لأي حد هيتقدملها الجيران والعيله شايفنها بترفض اي عريس وأبوها حلف أن مفيش رفض تاني حاولت اقدم ع اجازه وانزل بس المدير قاللي مفيش نزول قبل شهر
_ طب وهتعمل ايه يا نادر !؟
انا عندي حل بس مينفعش وعشان كده مكنتش بكلمك
_ حل ايه !؟
انت يا آدم
_ انا !!!!!
انا مليش صحاب غيرك انت وسيف وسيف معايه هنا وخاطب اختك ومفيش دلوقتي غيرك .. روح اتقدم لندي شهر واحد بس يا آدم شهر واحد بس وهنزل تسيبها وهتقدملها انا أهلها لو خطبوها لاي حد مش هيوافقوا انها تسيبه إنما لما العريس هو اللي يسيبها الموضوع هيبقي ف ايدك انت مش ف أيديهم هما
_ ابعتلي عنوان بيت ندي يا نادر
&&&&&&&&&&&
بنضحي بسعادتنا عشان اللي حوالينا يحسوا بالسعاده وبس مش مهم احنا
........
ايه اللي هببته دا .. طب واسراء اعمل ايه .. دانا كنت هطلب من ايمان اني أقنعها تتخطبلي


ماما انا ناويت أخطب
_ ياااه اخيرا هتخطب اسراء
لا انا مش هخطب اسراء يا ايمان انا هخطب واحده تانيه اسمها ندي
_ نععععععععم !!!!!!!!
= استني يا ايمان بس سيبي اخوكي ع راحته
.............

اسراء
_ ايه يا بومه .. صوتك ماله
عايزه اقولك ع حاجه
_ متخانقه مع سيف صح
آدم هيخطب
_ الف مبروك يا حببتي عقبال فرحك انتي وسيف
اسراء بقولك آدم هيخطب آدم حبيبك
_ تعرفي عني اني ممكن احزن عشان راجل !!؟ حتي لو كان اخوكي المهزأ
لا
_ خلاص المهم ابقي قوليلي الخطوبه امتي عشان انا عزمت نفسي وهحضرها
..................
من طبعي مببينش اللي بحس بيه و بظهر عكس كل اللي جوايا حتي لو لايمان اللي هي تعتبر اقرب واحده ليا لما قالتلي آدم هيخطب حسيت بسكينه بارده دبحت قلبي وناب الوجع بينهش فيا


_ شكرا يا آدم ...ندي كلمتني وقالتلي أن كل حاجه تمام
ولا يهمك يا صاحبي عيب تشكرني ع واجبي وندي امانه عندي لحد م ترجع وتاخدها
&&&&&&&&&&&
اسراء ايه اللي انتي لابساه دا
_ قمر صح
هتيجي كده خطوبه آدم
_ مش هو رايح يتمظهر ويعملها ف قاعه ... اهو دا الفستان اللي يمشي مع القاعه اللي هو مختارها
انا الحق عليا سايباه وجايه اخدك نروح سوا اجي اشوفك لابسه فستان لحد الركبه وضهرك ظاهر كله