🔺နေဝန်းနီ🔺

အနီခေါင်းကိုင်လူလိမ်တွေဆိုတာ အရေးအခင်း စဖြစ်ထဲက ပြည်သူကောင်းကျိုးတစ်ခုမှကို မလုပ်ခဲ့ပါဘူး။ ပြည်သူတွေရဲ့ စိတ်ကိုဆွပေးပြီး လမ်းမှားရောက်အောင်ပဲ လုပ်ခဲ့ကြပါတယ်။

(၁) လူငယ်တွေမှာ အနာဂါတ်ရှိတယ်ပြောပြီး သေတွင်းကိုတွန်းပို့ခဲ့ကြပါတယ်။ သူတို့သားသမီး ညီအစ်ကို မောင်နှမကိုတော့ နိုငိငံခြားကို တန်းပို့ပေးလိုက်ကြပါတယ်။ နိုင်ငံရေးနားမလည်တဲ့ လူငယ်တွေ ဖမ်းဆီးခံရပါတယ်။ တပ်မတော်ရဲ့ စေတနာနဲ့ နားလည်ခွင့်လွှတ်မှုကြောင့် အများစု သာမန်ဘဝမှာ ပြန်နေထိုင်
အလုပ်လုပ်ခွင့်ရကြတယ်။  ပိုင်တံခွန် ၊ ဖွေးဖွေး၊   GFatt ၊ Floke Rose၊   ပိုပို တို့လို လူငယ်တွေက သာဓကပါပဲ။  ဇောင်းထပြီး ယမ်းထောင်းတဲ့ MMA လက်ဝှေ့သမား ဖိုးသော်ဆိုရင် တပ်မတော်ဆေးရုံမှာ အခမဲ့ ဆေးကုမှု အပြည့်အဝပေးခဲ့လို့ တပ်မတော်သား ဆရာဝန်ကြီးများကို ကျေးဇူးတောင်တင်နေပါတယ်။

(၂) ဘဏ်တွေကနေ ပြည်သူတွေ အစုလိုက်အပြုံလိုက် ငွေဝိုင်းထုတ်အောင် သတင်းမှားတွေနဲ့ လုပ်ကြံပါတယ်။ အားလုံး စုပြုံထုတ်ပြီ ဆိုမှတော့ တန်းစီထုတ်ရတာ ဓမ္မတာပါပဲ။  ပြည်သူတွေပဲ ဒုက္ခရောက်ကြရပါတယ်။ ဒါတွေက နိုင်ငံခြားရောက် မြန်မာတွေကနေ ပြည်တွင်းနေ မြန်မာပြည်သူတွေကို ပေးတဲ့ ဒုက္ခပါ။ ပြည်တွင်းမှာ နေထိုင်ကြတဲ့ မြန်မာတွေ နားလည်ဖို့ လိုပါတယ်။ ငွေကြေးစနစ် ပျက်စီးရင်  နိုင်ငံခြားရောက် မြန်မာတွေ ဒီဒဏ်ကို မခံစားရပါဘူး။ ငွေကြေးဈေးတကါလို့ နိုင်ငံခြားငွေရနေတဲ့ နိုင်ငံခြားရောက် မြန်မာတွေ မခံစားရပါဘူး။ ပြည်တွင်းနေ ပြည်သူတွေပဲ ခံစားကြရတာပါ၊ နိုင်ငံခြားရောက် မြန်မာတွေရဲ့ အကြံဆိုးကြီးနဲ့ ငွေကြေးဈေးကွက်ပျက်အောင် ကြံစည်မှုတွေကို အသိပညာနဲ့ ချင့်ချိန်သင့်ပါတယ်။  ငွေကြေးဈေးကွက် မပျက်အောင် ပြည်တွင်းနေ ပြည်သူတွေ ကာကွယ်သင့်ပါတယ်။

(၃) တော်လှန်ရေး ဗန်းပြပြီး အဖွဲ့ပေါင်းစုံပေါ်ခဲ့ကြပါတယ်။ ပေါ်လာတဲ့ အဖွဲ့အတိုင်းကို စိတ်ခံစားမှုနဲ့ ငွေလှုခဲ့ကြတာမှာ လက်နက်တွေ ရသွားကြပြီး ရသွားတဲ့ လက်နက်နဲ့ ပြည်သူကို ခြိမ်းခြောက်၊ ဓားပြတိုက် ၊ ငွေညှစ်လာတဲ့ အခါမှာ တော်လှန်ရေး လုပ်နေပါတယ်ဆိုတဲ့ တော်လှန်ရေး မိခင် ဖခင်ကြီးတွေက တာဝန်ယူမှု တာဝန်ခံမှု မရှိကြတော့ပါဘူး။ လုပ်ရပ်တွေက
💥ဖုန်းတိုင်တွေ ချိုးတာတွေ
💥လျှပ်စစ်တာဝါတိုင်တွေ ချိုးတာတွေ
💥လမ်းတံတားတွေ ဗုံးခွဲတာတွေ
💥စီးပွားရေးပိတ်ဆို့ခိုင်းတာတွေက
ပြည်သူကို စိတ်ဒုက္ခရောက်အောင် ၊
ဆင်းရဲတွင်းထဲ ကျအောင် တမင်ဖန်းတီးနေကြတာပဲ ဖြစ်ပါတယ်။  ပြည်သူဆင်းရဲအောင် ကြပ်တည်းအောင်လုပ်မှ ပြည်သူတွေ အုံကြွဆန္ဒပြမယ်လို့လွှဲမှားစွာ တွေးထင်ပြီ ပြည်သူကို ဥိးတည်တိုက်ခိုက်နေကြတာ ဖြစ်ပါတယ်။ ပြည်သူတွေ သတိထားဆင်ခြင်ပြီး အာဏာရှင် အစစ်အမှန်၊ အာဏာရူး အစစ်အမှန်တွေ  သိမြင်ဖို့လိုပါတယ်။

(၄)  အနီခေါင်းကိုင်တွေရဲ့ လိမ်လည်မှုတွေကို AI ခေတ်မှာ လိမ်လို့မရတော့ပါဘူး။ အမေရိကားမှာ မနေ့ အိမ်ဝယ်တာကို ဒီနေ့မြန်မာပြည်ကနေ သိနေပါပြီ။ ၈၈ ကလို သံကြိုးစာခေတ် မဟုတ်တော့ပါဘူး။ လူတိုင်း သတင်းမှန် သိခွင့်ရတဲ့ခေတ် ဖြစ်နေပါပြီ။ MRTV ကို ဘယ်လိုပင် ဖုံးကွယ် သတင်းဖျောက်ဖျက်နေပါစေ မီဒီယာတိုင်းက ကိုးကားဖော်ပြနေတာတွေက MRTV သတင်းတွေ ဖြစ်နေပါတယ်။  AI ခေတ်ကြီးမှာ သတင်းစီးဆင်းမှု  အရမ်းမြန်ပါတယ်။ Meta က သတင်းမှန်တွေကို ဘယ်လိုပင် ပိတ်ပင်ထားပါစေ လူချမ်းသာ အသိုင်းအဝိုင်း ၊ ပညာတတ် အသိုင်းအဝိုင်းမှာ  သတင်းမှန် စီးဆင်းမှုက TG ၊ Viber ၊ Messenger ကနေ သွားနေပါတယ်။ မမှန်သတင်းဖြန့်တဲ့သူ ၊ ပြည်သူအကျိုးစီးပွား ပျက်အောင် တိုက်ခိုက်သူတွေက ရေရှည်
မရပ်တည်နိုင်ပါဘူး။  အနီးစပ်ဆုံးကြည့်ရင် ၂၀၂၂ နှစ်စပိုင်းကထက် တော်လှန်ရေး အလှုငွေတွေ နည်းပါးလာပါတယ်။  အလှု

ငွေနည်းလာရခြင်းက သတင်းလိမ်ခြင်း၊ သတင်းတုဖြင့် ပြည်သူ အကျိုးစီးပွားပျက်အောင် တိုက်ခိုင်ခြင်းရဲ့ အကျိုးဆက်လို့ပဲ ဆိုချင်ပါတယ်။ ဆက်လက်ပြီး ပြည်သူအကျိုးစီးပွားပျက်အောင် တိုက်ခိုက်နေဦးမယ် ဆိုရင် အနီခေါင်းကိုင်တွေအပြင် အနီတွေရဲ့ ခေါင်းဆောင်မိခင်ကြီး ဒေါ်စုပါ နိုင်ငံရေးစင်မြင့်ကနေ ပျောက်ကွယ်သွားမယ့် ကိန်းဖြစ်ပါတယ်။ ဒေါ်စု ရဲ့ ၁၉၉၇  ပေးစာတစ်ချက်ကြောင့် စီးပွားရေးပိတ်ဆို့ခံခဲ့ရပြီး နိုင်ငံစီးပွားရေး အကြပ်အတည်းဖြစ်ခဲ့ရတာကို ၂၀၁၂ နောက်ပိုင်းမှာ NLD ပါတီဝင်တွေ ဖုံးကွယ်ဖောက်ဖျက်ခဲ့ရတာကို သင်ခန်းစာယူသင့်ပါတယ်။  ဒေါ်စု နဲ့ NLD ပါတီဝင်တွေကို ဒုတိယမိ သမိုင်းထောင်ချောက်ထဲဆွဲချနေတာက တပ်မတော် မဟုတ်ပဲ  nug လူလိမ်များ နဲ့ အပေါင်းအပါ မီဒီယာလူလိမ်များ အဖွဲ့ပဲ ဖြစ်ပါတယ်။

အနှစ်ချုပ်အနေနဲ့ nug လူလိမ်တွေ နဲ့ အပေါင်းအပါ မီဒီယာ အလိမ် တို့ကို  စကားလေးတစ်ခွန်း လက်ဆောင်ပါးခဲ့ချင်ပါတယ်။  AI ခေတ်ကြီးမှာ လိမ်လို့ရခြင်းက ခဏတာပဲဖြစ်ပြီး သတင်းမှန်တွေက မမြင်နိုင်တဲ့  လမ်းကြောင်းတွေကနေ စီးဆင်းနေတာမို့ ကိုယ့်ရှုးကိုယ်ပတ်ပြီး သမိုင်းတရားခံတွေ အဖြစ်ကျန်ခဲ့ပါမယ်။ cdm သမားတွေကို မိုတီပေး လိမ်လည်ပြီး cdm လုပ်ခိုင်းခဲ့လို့  သမိုင်းတရားခံ ဖြစ်ကျန်ခဲ့တာကို နောင်တမရဘူး ဆိုရင်တော့ ဆက်လက်လိမ်ကြပါလို့ပဲ ပြောခဲ့ပါရစေနော်။crd

https://t.me/kyawswar49111

အမျိုးသားကာကွယ်ရေးနှင့်လုံခြုံရေးဆိုင်ရာကိစ္စရပ်များအတွက် ယာယီသမ္မတတာဝန်ဝတ္တရားများအား နစက ဥက္ကဋ္ဌထံလွှဲအပ်

အမျိုးသားကာကွယ်ရေးနှင့်လုံခြုံရေးဆိုင်ရာကိစ္စရပ်များအတွက် ယာယီသမ္မတတာဝန်ဝတ္တရားများအား နစက ဥက္ကဋ္ဌထံလွှဲအပ်ကြောင်း ယနေ့(ဇူလိုင် ၂၂ ရက်)တွင် ထုတ်ပြန်သည်။

ယာယီသမ္မတ ဦးမြင့်ဆွေသည် လက်ရှိကျန်းမာရေးအခြေအနေအရ ဆေးခွင့်ယူ၍ ဆေးကုသမှုခံနေရကြောင်း ၊ ထိုသို့သော ကျန်းမာရေး အခြေအနေအရ အမျိုးသားကာကွယ်ရေးနှင့် လုံခြုံရေးကောင်စီဆိုင်ရာကိစ္စရပ်များကို လိုအပ်သလို ဆက်လက်ဆောင်ရွက်နိုင်ရန်အလို့ငှာ ယာယီသမ္မတဦးမြင့်ဆွေ ဆေးခွင့်ယူ၍ တာဝန်ဝတ္တရားများ ဆောင်ရွက်ရန်ပျက်ကွက်နေစဉ်နှင့် ယာယီသမ္မတတာဝန်လစ်ဟင်း နေစဉ် ကာလတို့တွင် ယာယီသမ္မတတာဝန်ဝတ္တရားများကို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ ထံသို့ လွှဲအပ်ဆောင်ရွက်စေမည်ဖြစ်ကြောင်း ယာယီသမ္မတရုံးမှ နိုင်ငံတော်စီမံအုပ်ချုပ်ရေး ကောင်စီရုံးသို့ အကြောင်းကြားစာပေးပို့လာခဲ့ကြောင်း သိရသည်။

ထိုသို့ အကြောင်းကြားစာပေးပို့ပြီးနောက် ဇူလိုင်လ ၂၂ ရက် နံနက် ၁၁ နာရီ ခွဲတွင် အမျိုးသားကာကွယ်ရေးနှင့် လုံခြုံရေးကောင်စီ ဆိုင်ရာကိစ္စရပ်များအလို့ငှာ ယာယီသမ္မတတာဝန်ဝတ္တရားများကို နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌထံသို့ လွှဲပြောင်းအပ်နှံခြင်းအား လက်မှတ်ရေးထိုးဆောင်ရွက်ခဲ့ကြောင်း သိရသည်။