Bugun Prezidentimiz biz namanganlik yoshlar bilan uchrashdilar. Bir soat ichida ta’lim sifatini yaxshilash, migrant yoshlarga yordam berish tizimi, xorijiy tillarni o’qitish, “Ibrat farzandlari” loyihasini kengaytirish, umuman, yoshlar hayoti va taqdiri uchun muhim bo’lgan har bir yo’nalish haqida ochiq, samimiy suhbat bo’ldi. Prezident ko’plab muammolarni, og’riqli masalalarni tilga oldi, yoshlarning takliflarini sinchkovlik bilan tingladi.

Mendan “WikiStipendiya” marafoni qanday ketayotgani, internetda o’zbek tilida sifatli kontentlarni ko’paytirish uchun yana nimalar qilish kerakligini so’radilar. Moliya vaziriga bu boradagi ishlarni jadallashtirish uchun mablag’ni ayamaslik lozimligini, o’zbek tili turkiy tillarning o’zagi ekani va u hamisha oldinda bo’lishi muhimligini, qanday yordam kerak bo’lsa, tayyor ekanliklarini ta’kidladilar.
Hali oldinda qilinadigan ishlar ko’p, katta kuch va energiya oldim. Umid qilamanki, ko’zlagan maqsadlarimizga jamoamiz bilan – Sizlar bilan yetamiz.

@abbosova_mehrinoz