Umar (roziyallohu anhu) yangi din olib kelgani, odamlar necha yillardan beri ota-bobolari sigʻinib kelgan dinni qoʻyib, uning diniga oʻtib ketishiga sababchi boʻlgan Muhammadni (alayhissalom) oʻldirish uchun qilichini yalangʻochlab ketyapti.

Yarim yoʻlda oʻzining singlisi ham Muhammadning dinida ekanligini eshitgach, avval oʻzimning yaqinlarimni toʻgʻrilashim kerak deb manzilini singlisini uyiga almashtirdi.

Uyiga borib, eshikni oldiga yetganda tarixni butunlay oʻzgartirib yuborgan, hozirgina bir odamni oʻldirish uchun qasd qilingan qilich endi oʻsha odamni qoʻriqlash uchun xizmat qiladigan qilichga aylangan, hozirgacha ham adolat borasida uning ismi masallar-u, rivoyatlarda mashhur, dunyo bugungacha uningdek adolatli boshliqni koʻrmay kelayotgan insonni kashf qilgan voqea sodir boʻladi.

Ushbu voqea sodir boʻlishiga aynan Toha surasining avvalgi oyatlari sabab boʻlgani esa bu surani shunchaki eshitib ketish mumkin emasligini bildiradi. Boʻlib ham bu qiroat ajam maqomida oʻqilgan boʻlsa...

P.s. Hasanxon qorining kechagi qiroatlari. Toha surasi, 1-76-oyatlar

* ovoz biroz yomon yozilib qolingan. Men doim uning ostida turib yozib oladigan ovoz kuchaytirgich ishlamay qolgan ekan.