مؤسسة بيت الضل الثقافية

جايك وعارفك مافي
عارفك مافي.

لكن برضو ذكراك تستحق...
يقطعولا فيافي
.
لسع ما سكت حس صورتك
لسه وحات عيونك دافي
.
لسه الدنيا ما زالت بخير
دام حس الكتابة خرافي
.
دمعه وقرقراب وقصيدة
بنجيب الفرح من مافي
.
يا بت الحلال يا حره
كنداكة وعيونا قوافي
.
يا شبه احتجاج في ساحة
تشبهي ليا عصيان مدني
.
فيك لقيت جنانين سنجة
جبال توتيل وطيبة مدني
.
فيكي من الجمال ما فيكي
واجمل حاجه لونك عينيك
لونن عسني
.
شلتي الروح معاك وفتي
وهسا هداك مباريك بدني
.
سبحان الله زولة غريبة
واغرب حاجه انك انتي
.
من يوم قلت ليك حبيبة
تاني مع الخلوق ما بنتي
.
إعتقلوك سبيبة سبيبة؟؟
ولا مع القصيدة محنتي؟
.
غايتو بلا دراسة طبيبة
بتعالجي البلاد بالسنتي
@Ahmed_tarig

شوفة أولى
♡
تهدف :

الى . . . حفظ السلآم !!!

مالي

شايفك فيني أوضح ؟

وذاتي

أغبش زول ملامحو ،،

إنت أصـلاً شوفة أسـمح

وأي سمـحاً ليـك مسآمحو ،،

♡♡

تبادل بصآير :

هاك

عيني نوم بيها

وأهدِّيـني عينيـكَ ،،

شان ؛

أصحى يا صاحِب

في ليـلي وأحميكَ ،،

ويآ ريتـني لو أقدر !!

♡♡♡

شوق مشفِّـق :

لي بِرووووق

بتـقآسِم الـحآل الـ(نِكد)

في شكل أفرآح الـصُدف

بلـسم كـ(بسمة) على الحِروق ،،

♡♡♡♡

إشـتهاءات مُباحة :

لي الـصباحات الـ(عفِيـفة) !

الـتكون

هي جروح ( طفيفة )

على إبتسامة صدفة

كانت

في ليالي الـموت

مخيفة ،، !

♡♡♡♡♡

ضحـكة مسـتجـدية :

إلى . . .

من أحـلى رسـمي

خلاص . . .

بضـحك عشانك

أصـلاً

ضحكي منسي ،،

وتضحكي

إنـتِ ( ليَّــا )

وتصـبحي ليَّا شمسي ،،

وحآت

ربّي الخلقني

حافظك

وكنـتي درسي ،،

في . . .

فصل السعادة

وباب الفرحة عرسي ،،

فيا . . .

صِدِّيقة أرسي ،، !

♡♡♡♡♡♡

عـلامة دالَّـة :

أبـقى

متـجاوز

حدود الإبتسامة

وإلـتهامة

فـ ( شكل مقـطع )

في وِجيـهك

يرسمك آخِر وسامة

ودي العلآمة ،،

♡♡♡♡♡♡♡

تِعِنِّت سمآحة :

ياخ إبتسمي

شان

بت السحابة الـ(مُزنة)

داعبت

الخيال في رسمي ،،

يوم

كانت

في محض الفكرة

نطت تِتِّـرب في بكرة ؛

يوم

نِضب الحبر في نضمني

دسدست

الحنين في الـ(ألـمِي)

من رشَّاشة

شحتفت

الـبلود لـ(دعاشة)

رشَّت رشتين مبتسمة

وأنعشت الجفاف في جسمي ،،

ياخ . . . إبـتسـمِـي ،،

♡♡♡♡♡♡♡♡

طيوف عابثة :

الـمحنَّـة ؛

الـيومي بدري

تدفري الأشواق عليها ،،

بترمي

في بير قلبي

(بسمة)

وضحكة سمحة

وصوت شـديـها ،،

♡♡♡♡♡♡♡♡♡

أجمل شعور :

إنَّـك

تـكون في اللا شعور

مسجون

أسيــر في بسـمته ،،

والأحـلى

من هذا الـشعور

إنَّـك

تـكون ؛

معدوم جـنآح

وتـرِف

فـِلحظة ضحـكته ،،

♡♡♡♡♡♡♡♡♡

تتويج مذهبي :

يا جآية

ومسـتلهِمة قلمي ؛

والله

بتمـحي الـجدلية ،،

توجـتِك !

مونآليـزية رسـمي

وكُـريآت الـدم الـعسلية ،،

♡♡♡♡♡♡♡♡♡♡

الحنين الى الرِفاق :

جلسآت

السَعد والبَسمة

والنسمة

التفج للـضِيقة ،،

عز الـكتمة

نُص الـعتـمة

والنآس

الـتشِع في بريقة ،،

♡♡♡♡♡♡♡♡♡♡♡

تفريج كربة :

يا

جِتَّـتي الصلبوك
ِ
( سبُّـورة سواد )

تشرح معانات بلـدتي ،،

متمني

ألقاك بالصباح

بتـفِكِّـي

زنقات الورود

وتــندِّي ( خيــر )

ذي ضحكتي ،،

لامن

أحِلَّـهآ في سهم

مطـلوق

على صدر المِحن

ويصيبو

موجب شُحـنتي ،،

يضحك

يقرقر . . وينـتشِي

شان

أسعد المحلول جواهو

وِلاد

وزازات فُقـرتي ،،

ويآ سُتـرتي !

♡♡♡♡♡♡♡♡♡♡♡♡

شهادة مُطلَقة :

يوم جيتي

في

صدر المعالم

الرآسخة

في فكرة هواي ؛

كان

كُنـــتي

أنضف بقعة

في قلب المُوآطنين

البواطين

الموآعين والـكتآب ،،

♡♡♡♡♡♡♡♡♡♡♡

شوفة مستعجِلة :

الـدقيقة

تشوف رويحتي

الصابرة

ما شافت هِزازة ..

فيها

قُدرة يوم / ونُصّو

وضحكة

من آخر طِرازة ..

♡♡♡♡♡♡♡♡♡♡♡♡

الحق

لا يسقُط مع التقادم

مثلاً :

كُنَّـا

وكت تجونا

بنفـرح

بـالـبسمة . .

وحنين الـمشية ،،

في

أجـمل ؛

تبختُر خُلـقِي

بي

حُسنو

الـخلوق منتشية ،،

ولسة برضو !!

♡♡♡♡♡♡♡♡♡♡♡

ثنائية :

أنا وإنـت
ِ
الـبن والـعشم

تأكيدي

عوضاً أو يجوز

بالـبسمة بنـكمل بعض ،،

♡♡♡♡♡♡♡♡♡♡

بيطروك معاني :

الـ(محبَّة)

وتلاقي المودة

الـفريدة ،،

الـحنيـن

الـموسيقى

الـنشيـد

الـجريدة ،،

إبـتسامة

ومُـرامة

الـ(رِويحة)

الشريدة ،،

الـتفتِّـش

(رويحتَك)

في بنَّـة

وقصيـد ،،

الـسلآم

يا محبَّـة

إشتياقات

شـديدة ،،

♡♡♡♡♡♡♡♡♡

وعد :

الشباب

البيك بيفخر ؛

حايرُد

ليك إبـتسآماتك

وليك

جميـعك حآيحرِّر ،،

♡♡♡♡♡♡♡♡

دلآل :

لمّا

أوصل ليها

بدري

بترمي

(شوقة لئيمة)

من فرقات يديها ،،

عشان

أقوم أنا أرتجيها ،،

أرتجيها .

وأرتجيها . .

وأرتجيـها . . .

توزِّع

الـ(بسمة) البريئة

وتشـتِل

الـزهر الـبفتِّـح

في تفاصيـلي

وعينيـها ،،

الـ(حبيبة)

بتشـتهيني

وكت . . . أجيها ،،

♡♡♡♡♡♡♡

معاك :

كل الحُزن

بسعد

وبِرجع

ضِحكك المفقود ،،

♡♡♡♡♡♡

جِنآن :

لمّا

يبعَث قهقهة

بيطوي

صفحآت الموآجع ،،

ولمَّآ

يجهر شقشقة

بيسكِّت

إصخآب الفوآجع ،،

♡♡♡♡♡

فيناتنا :

فِيني

شوفة حبك

النور

والصبآحات

قـبل تشـرِق ،،

فيك
ِ
حسن البدر

والحور

في الزمانات

البتفرق ،،

♡♡♡♡

مناخ الصحاب :

تترآوح

الأفـرآح

ما بين الرفاق

ضحكآتهم

تلك التي لا تنتهي ،،

♡♡♡

دآته:

نسمات

الصباح البشفي

شافوكي

ومبسمة فاكي ..

ما تمشي

ودقيقة أرتشفي

من

نُقَّاع عصيرك

هاكي ..

بقاية

وتردي المخفي .. !


♡
( عثمآن جبره )
♡
@osmangabra

بسم الله الرحمن الرحيم

مؤسسة بيت الضل الثقافية



حبايينا الحلوين في كل بقاع الارض

يفرحنا جدا لقاءكم يوم الخميس القادم إن شاء الله

في جامعة السودان للعلوم والتكنولوجيا - كلية الهندسة
الجناح الجنوبي شرق مبنى الcr

في منتدانا الثقافي الدوري

وتبشر المؤسسة جمهورها بأن المنتدى سيغزوه وفد من الاعضاء القدامى وكوكبه شرسة من اعضاء الجيل الرابع ‘ ونحب نذكركم بانه اليوم في تمام الساعه الثالثه
ستقام الورشه في نجيلة السي ار
لكل الراغبين في التسجيل بالمؤسسة
في كافة المناشط الثقافية :
(الرسم والفنون ،، الشعر والأدب ،، الغناء والطرب ،، المسرح والدراما ،، الإذاعة والتقديم)
(من كافة الاعمار والجنسيات )
الحضور اليوم الساعه الثالثه ظهرا
وحتى الخامسه مساءا


ورشتنا الثلاثاء وكل ثلاثاء (3-5)
منتدانا الخميس وكل خميس (3-6)



ودمتم

مآ أحلى قول جدي ،،

لمن أكون زهجان

أقصد أكون عطشآن ،،

أنآ كنت بجري عليو ،

طوالي أنده ليو

يآ جدي ،، يآ جدي ،،

عطشآن ودآير أموت

أديني بلة ريق

أحيآبه وأرجع أفوت ،،

وأقعد ألككز فيو

بي إيدي بس بالدس ،،

وأقلوا يآآآآ يآبة

والله متعتطش

أنآ يآبه دآير أشرب

وإنت البحر جمبي ،،

يبسم علي بشويش

يديني مآء [ سآدة ]

أزعل و أقولوا أنآ لآ

أنآ مآني دآير دي ،،

أقولو ريق يآبس

دآيرلوا ماء سكر

ولونة متلك أصيل

تقيلة موزونة

رآكز عكآرة سليل ،،

وأبوي يقوم يضحك

:) ^_^ :) ^_^ :) ^_^ :)

يبدء ويشرح لي :

ويقولي يآ ولدي

أحسن أخير توعى

ولآ بد تتأكد ،،

إنوا الميآه موية

على قدر سد حآجتك ^_^

مآ شرط تبقى خلوط

لو نوعهآ كآن " سآدة "

ولقيتها دون تحسين ،،

أقبلهآ مآ تلآوز

معروفة حد العيش

في الرخوة بتشدك

لآمن تكون ظمآن ،،

كآن لي الطعم سكر

والله مآ بتحتآج ،

أصلا" جوآك [ سكر ] ،،

إسترشف الجرعآت

وطبيعي حآتطعم

من الحلآوة الفيك ،،

كان للمذيج واللون

أوعآك تتغرة

بي هيبة المظهر ،،

معن معآدن الأصل

واللون غطآء السآس ،،

لو درتوا حآ تفقد

إنك تبل الريق

بي عظمة الأزوآق ،،

[ سآسك ]

[ وعآك ]

أرويهوا

أوعآك يوم تنغش ،،

تخلط منآبع الفيك

وتكون وليدا" هش ،،

وتعلى فوق حآجبيك

شآن تعجب الغيرك

خليك في نص الهم

في صحراء من الغم

وأطلب إلآهك يبين

يديك حيآة بالرش ،،

يديك حيآة بالرش ،،

،

،

،

@osmangabra

الناس الجاين المنتدى وبسالو من الوصف. ...

جامعه الخرطوم السنتر
جنوبها طوالي وغرب كليه العلوم الرباضيه مبنى ظاهر اسمو بيت الشعر


دي تلفونات تواصل.

0917787782
ميدوغوورث
0993443733
معاذ عوض

0129799750

ملسمي

ال بيت الضل...🌹🌹
يوم الثلاث الساعه 2 حيكون شعراء المؤسسة في ضيافه بيت الشعر
منتدى من الساعه 6-4
حتسمعو شعر كما لم تسمعو من قبل
فصيح#عامي#دوبيت...

الدعوه ليكم كلكم ابقو قراب تعالو وجيبو الحب في ايديكم وزعوه لينا

للاستفساار..
@midoghorth

كيف

حال الأحِبّة وطيفك ؟

كيف عِشق الأماني بدُوني ،،

كيف

كل الحمام و الطِيبة ؟

سآئل فيــك كل جـنونـِي ،،

يا صاحبة

صدَيـِقة رُوحي

يا لحـناً بـرِيدو شـجونـِي ،،

خلِّدِي

في القَوافِي عَوافِي

ترحـم حـالي يوم يرثونـِي ،،

طارِيك ،، !

في المنافي الغابرة

طارِيك صابرة شايفة عيوني ،،

بتدفِّق

عليكِ الـمِلَّة

والـصِدق الـرفِيقو فـنونـِي ،،

يا . . لوحة

وضميـرك جاهِر

ظاهِر فيها ليــل وسنونـِي ،،

ذي نوووره

وليـالي الـعتمة

أو عـازه وخليـل وظنونِـي ،،

كيف

حآل الأحِبَّة وطيـفِك ؟

وكيـف عِشق الأمآنِي بدوني ،،

،
،
،
@osmangabra

❤️

#عائشة_صالح :
انت اختار البداية
وكيف يكون شكل القوافي

#الرماح_إبنعوف :
القوافي شبه عيونك
وانتي ياكي الملهمة
كلميني عن الأحاسيس
والمشاعر المبهمة
الحياة التنقص ملامحك
عقلي صار ما فاهما
قلبي مزرود بي هواكي
والشرايين قاهما

#عائشة_صالح :
الاحاسيس والمشاعر
انت بس البفهما
ووحدك البقدر يحقق
غايتي قبال انضما
وبس قصاد عينيك بلاقي
للجراحات بلسما
واي فرحة بدون وجودك
مستحيل استطعما

#الرماح_إبنعوف :
اي فرحة بدون وجودك
ياتو ريق بتمططقا
الحنان منك منابعو
وزيو في الكون ما اتلقى
يا الوجودك سر سعادتي
وغيبتك اسباب الشقا
جيتك فرحي المؤكد
زان حواسي وجرتقا

#عائشة_صالح :
العمر قبال اشوفك
عندي لا كان لا بقى
والفرح ما عرفتو قبلك
وبس قصادك اتلقى
انت من مولاي هدية
ومنية حلوة محققة
بي مجيك احزاني ماتت
بالسعادة المطلقة

#الرماح_إبنعوف :
بي مجيك الحزن روَّح
واعتزل دنياي نهائي
اتولدت قصاد عيونك
مضغة من إنسان بدائي
منك التاريخ بدايتو
وليك موجه إنتمائي
بيك لقيت سعدي الرجيتو
انتي يا حبي الوقائي

#عائشة_صالح :
يوم حكيت لي قلبي عنك
وجيتني بي قدر اشتهائي
العيون من شافو حسنك
قالو زيك ماف نهائي
والحواس عرفت بإنك
مني مستوطن دمائي
ومن سمعت بروحي لحنك
قلت بيك تم انتشائي

#الرماح_إبنعوف :
من سمعت بروحي لحنك
انتشيت واهتجت كلللي
اهتديتبك يا رؤايا
وبي ما أظنك تضلي
اوعى في يوم من تغيبي
كل شروق لي عيني طلي
ما بطيق البعد لحظة
ببقى حتى كرهت ضلي

#عائشة_صالح :
كيف اغيب عنك وانت
حتة من الروح وكللي
بسمتك بلسم جروحي
وحبك اجمل ما حصلي
من عرفتك قلبي فرهد
وفي عينيك لقيت محلي
مستحيل ارحل واسيبك
وانت وردي بعد اصلي

#الرماح_إبنعوف :
مستحيل ارحل واسيبك
وانتي انفاسي وشهييقي
غيرك العالم خرافة
بس هواك انتي الحقيقي
أقلدك دي الجنة ذااااتا
وبيك تبل الفرحة ريقي
أسقي شرياني المحبة
بملأ بي دمك رحيقي

#عائشة_صالح :
ابقى في جواي ساكن
وما تحيد يوم عن طريقي
بيك بينبض قلبي فرحة
وبسمتك بتفكو ضيقي
شايفة كلل الدنيا انت
ابوي اخوي حبي وصديقي
وفي الختام بهواك جدددا"
ويشهد الله هواي حقيقي

بعد الشر عنك
والجاياك تصيبك
تتحول علي
وانا رضيااانه جدا
لا بحمل بعادك
لافرقة عيونك
الكل يوم على
بالآمال بمدن
كل ما الدنيا تفتح
ابواب الجحيم
القاهن بسدن
الفرحه بتتاوق
لو ما كنت جنبي
بتقبل تصد
بنده ليها خشي
بتلوح بإيدها
والعبرة ف حلقها
ما بتقدر ترد
بهواك للنخاع
حبيتك لأنك
أقرب مني لي
ومرات بيني بينك
قاعده استحلى جنك
زول بي نور اظنك
ما تخوفني تانى
عارف قلبي هش
ما بقدر يواصل
دون ما ينولو حنك

#بعد_الشر_عنك
#sumia_babikir

ابا يكتب لي قصيدة وقال لي احردي 😈


سمية...

م حردانة
دايرة قصيدة
ابلغ من كتابة زول
لى زولة بريدة
شايلة محنة
ريحة جنة
وانسام من محطة بعيدة
واقف فيها زول مستنى
والدة تعود
يقبل ايدا
دايرة قصيدة


معااذ...

أظنك .. فالتة منّ الآخرة
جيتي تهوّنيلنا الدنيا
يا لحن السحابة الماطرة
لما يهوّي نيلنا الغنية

انتِ العالَم الداسنّو؟
فيهو قصيدة رايحة أظنّو

انت الحال اذا طاب لينا
حين نسأل نقول كيفنّو

في حضرة "قصيدة .. و انتي"
يتبهروا الحروف و يصنّو

هاكِ قصيدة

سمية..

دايرة قصيدة

طماع قلبي حين يبقالو
من جيهتك حروف جايات
يستنطو الحواس بي روووقة
شان يتبينو الابيات
قول ما شئت
قلبي متاكا
ليك اتنكسو الرايات
ناولني القصيد اشجيني
يا اعذب من النايات


معااذ...


ضليت في سماحتك دربي
متشايل خطاي الحافية
في الليل الخفيف من ضلي
في الريد "بالمعاني الوافية"
معذور حين يموتلك قلبي
رغم نصيبو منّ العافية
انتِ قصيدة قبل تطلّي
ما بنقدر نجيب القافية

تااااني قصيدة


سمية....

تاااني قصيدة ؟؟
لو تقدر يكون ديوان
فاتح في مشارف الروح
ومتمدد علي الحيشان
فيو من كل لحن بديع
لم يخطر علي انسان
فيو حلتنا شارع البيت
ولمة قهوة بين حبان
فيو دربك مجاور دربي
رنة عود معاه كمان

عليك الله
قصيدة كمان 😁



معاذ...

في سالِفْ عصور الفرحة
كان قلبك .. حضارة عريقة
ما ذبلت .. مشاعر وردة
انتي ال كنتي مالكة رحيقها
قامت في البلاد السمحة
ألوانك .. حديقة حديقة
حين طالت عليها القعدة
قلتَ: "أريتها تبقى حقيقة"

(قالت من دواخلك قمحة:
انتي العارفة -فيكي- طريقها
نحن أخفّ منّ الرَّدّة ..
و انتي الأدرى بـــ تحليقها)


انتي الوردة
هاكِ فراش

بم الله ،،
بسم السلام ،،
بسم الحب والدلال ،،
بسم (الاطفال) ملائكة الارض ،،
بسم السماح في (ارواح) الاصدقاء ،،
بسم الكل والازهار (روض الفل) ،،
بسم (الصبح) والانوار والاخيار ،،
بسم (الشوارع)
المتفتحة الابواب والشرف ،،

باسم كل شيئ ،،!

الى الجميلون
من ابناء بلادي العزيزة ♡
الذين لا يحملون في دواخلهم
سوى (النقاء) والصفاء الساحلي ،،

الى البُعاد عن الديار
في المنافي الخارجية
والزنازين العتية
الذين يصابحون العيد
عبر سور نظرة وبهجة قصية ،،

الى كل
من ليس له من يبادله
تلك (الاماني)
التي هي في غِنى عن ملاكها ،،

كل عام وانتم نبض♡♡♡
يثير رعشة القلوب والوجدان ،،

كل عام والمجد للسلام وابن سام ،،

،،
،،

@osmangabra