Нигоҳ

Кўнглим, ўзингдан кўр, энди ҳеч тинмай,
Сени таъқиб этар ул маюс нигоҳ.
Омон МАТЖОН

Дилобар чеҳрангиз ўйчан ва маюс,
Кетиб борардингиз паришон, ёлғиз.
Бу ҳолни кузатиб, мен нодон, афсус,
На кўнгил сўрадим, на айтдим бир сўз.

Маъсума нигоҳлар этади таъқиб,
Надомат ўтида қоврилар жоним.
Оломон ичида кетдингиз оқиб,
Кўзимга тор бўлди буткул жаҳоним.

Қайга етаклайсан мени, эй, хаёл,
Тинч қўйгил бокира муҳаббат ҳаққи.
Юрагимда минг йил яшаган аёл
Бир умр бахтиёр бўлишга ҳақли!

🕰 2006 йил

✍Маматқиём САЛОМОВ

👇👇👇
https://t.me/eng_suluv_armon