هاوار هاوار بۆ ئەو ڕۆژەی تۆ زاوایت و من بوک نیم، تۆ قاتی زاوایەتیت لەبەرە و من جلی بوکێنیم لەبەر نیە، تۆ ڕەش پۆشیت و من سپی پۆش نیم.. هاوار هاوار بۆ ئەو ڕۆژەی تۆ دڵخۆشیت و من دڵخۆشکەرەکەت نیم، تۆ پێدەکەنیت و من هۆکارەکەی نیم.. هاوار بۆ ئەو ڕۆژەی دەستێکت لەدەستدایە و دەستی من نیە، سەرێک لەسەر سینگتە و سەری من نیە، ڕوخسارت لە گلێنەیەکەوە دەرکەوتووە و چاوی من نیە، ناوت لەسەر ناسنامەی کەسێک نوسراوە و ئەو ناوەی لەسەر ناسنامەی تۆ نوسراوە ناوی من نیە..! هاوار هاوار بۆ ئەو ڕۆژەی خانمێک لە ماڵتدایە و من نیم، تاڵە قژەکانی ژنێک لەخەو ڕاتەچەڵەکێنێ و قژی من نیە، ماچی کەسێک ئەتخەوێنێ و من ماچم نەکردووی.. هاوار بۆ ئەو ڕۆژەی باوکی مناڵێکیت و من دایکی نیم، هاوار بۆ ئەو ڕۆژەی تۆ پیریت و من گۆچانت نیم، هاوار هاوار بۆ ئەو ڕۆژەی تۆ مردوویت و من ئەژیم، تۆ بۆ هەمیشە سپی ئەپۆشی منیش ڕەش..