Sevgingizni berib jonim, oromimni oldingizmi,
Ayriliqdan kuyib-kuyib kul bo'lganim ko'rdingizmi,
- "Meni unut, qaytmayman", - deb ovutgani keldingizmi,
Bo'zlayotgan yuragimga ertaklardan aytib bering,
Yig'layotgan ko'zlarimga uyqularim qaytib bering.

Kechir demang, kechir demang, gunoh o'zi mendan o'tdi,
Shirin-shirin yolg'oningiz jondan o'tdi, jondan o'tdi,
Osmondagi oqqushlarim o'rnini bir zulmat tutdi,
Bo'zlayotgan yuragimga ertaklardan aytib bering,
Yig'layotgan ko'zlarimga uyqularim qaytib bering.

Anglayapman muhabbatning nimaligin bora-bora,
Bevafoda yurak bo'lmas dardiga yo'q chora-chora,
Qiynalganda yolg'izlikdan tunlar bedor qora-qora,
Bo'zlayotgan yuragimga ertaklardan aytib bering,
Yig'layotgan ko'zlarimga uyqularim qaytib bering.

Tushlarimda ko'zlarimdan yoshlar emas, qonlar oqar,
Nahot endi hayotimga ishq uchquni o'tlar yoqar,
Oshig'ingiz suyganim deb kimga boqar, kimga boqar,
Bo'zlayotgan yuragimga ertaklardan aytib bering,
Yig'layotgan ko'zlarimga uyqularim qaytib bering.