قدم راوړه؟

دا زخمي زړه ته مي ملهم راوړه
د راتلــو زیـــرې دې صنـم راوړه

مړاوئ ګلاب یمه خزان وهلۍ
د وصل غیږ ته مي شبنم راوړه

د درد پــــیران راته راغلې دي بیا
د یار د سپیني خولګۍ دم راوړه

چي ټوله ورځ کړمه رنګینه تیره
ښکلي دیدن په صبحِ دم راوړه

پرې توره ومه خپل رنځوري سترګي
د جانــان خاوره د قدم راوړه

چي پرهرونه مي پرې وګنډمه
د زلفـو تار یه په یو چم راوړه

زړه ته راغلی مې الهام د میني
هنر افغــــــانه ستا قلم راوړه

هنر افغان