Jismoniy tarbiya

Ўзбекистонда пенсия ёшини қайта кўриб чиқиш таклиф этилди.

Ўзбекистонда пенсия ёшини қайта кўриб чиқиш таклиф этилмоқда, унга кўра, пенсия ёши фуқароларнинг иш стажи билан боғланади. Молия вазири ўринбосари Ёрқин Турсунов 18 апрель куни “Пенсия тизими ислоҳоти ва хорижий давлатлар тажрибаси” халқаро даражадаги конференцияси доирасида Kun.uz мухбирига берган интервьюсида шу ҳақида маълум қилди.

“Бугунги конференцияда муҳокама қилинаётган энг муҳим масалалардан бири таклиф этилаётган янги Концепция лойиҳасида пенсия ёшини қайта кўриб чиқиш масаласи долзарб бўлиб турибди. Ўтган йили Концепциянинг дастлабки вариантида пенсия ёшини аёллар учун – 58, эркаклар учун эса 65 ёшга ўзгартириш таклиф этилган эди. Бироқ бу таклиф анча қаршиликларга учради. Шу боис янги Концепция вариантида биз бошқача вариантни муҳокама учун таклиф қиляпмиз. Унга кўра, пенсияга чиқиш ёшини фуқароларнинг иш стажи билан боғланади. Иш стажи қанча кўп бўлса, пенсияга шунча эрта чиқиш имконига эга бўлади”, - деди вазир ўринбосари. 

https://t.me/jismoniytarbiya_1

#Билиб қўйган яхши-да
(Жисмоний тарбия ўқитувчиларига)

Ўзбекистон Респубдикаси Вазирлар Маҳкамасининг 2019 йил 15 январдаги 32-сонли қарорига асосан Вазирлар Маҳкамасининг 2010 йил 23 сентябрдаги 211-сонли қарорига ўзгартириш киритилди. Унга кўра эндиликда тренерлик фаолияти билан шуғулланиш учун тегишли рухсатномага эга бўлган умумтаълим мактабларининг жисмоний тарбия фани ўқитувчилари спорт мактабларига ўриндошлик асосида оммавий спорт турлари бўйича тренер-инструктор лавозимига ишга қабул қилиниши мумкин.

Демак сиз жисмоний тарбия ўқитувчисиз ва сизда зўр имконият бор. Энди Сиз мактабда дарс бериш билан бирга болалар-ўсмирлар спорт мактабида ҳам ўриндошлик асосида ишлашингиз ва даромадингизни янада оширишингиз мумкин.
Дарсдан ташқари ўзингиз ишлаётган мактаб спорт иншоотида спорт тўгараги ташкил этасиз холос. Мактабда спорт тўгарагига бораман деган ўқувчилар эса кўп.

Сизга мураббийлик сертификати шарт эмас. Сизга тренер-инструктор сертификати етади.

Тренер-инструктор сертификатини олиш учун қуйидаги ҳужжатлар талаб этилади:
1. Талабгорнинг шахсий анкетаси (3х4 расм билан) сўровнома;
2. Ариза;
3. Объективка;
4. Паспорт нусхаси;
5. 3х4 см ўлчамдаги фото сурат 2 дона;
6. Жисмоний шахснинг ИНН гувоҳномаси нусхаси;
7 Олий ёки ўрта махсус, касбий жисмоний тарбия маълумоти тўғрисидаги диплом нусхаси;
8. Меҳнат дафтарчадан (аслига тўғри печать урилган) нусха;
9.Иш жойидан (мактабдан) лавозими кўрсатилган маълумотнома;
10. Соғлиғининг ҳолати тўғрисидаги тиббиёт муассасаларининг маълумотномалари (психиатрия, наркология, физиология (086);
11. Сертификат олиш учун тўловни тасдиқловчи ҳужжат (квитанция)нусхаси (энг кам иш ҳақининг 1 баробари миқдорида 202730 сўм);
12. Тегишли спорт федерациясининг тавсия хати;

Мазкур ҳужжатларни Давлат хизматлари маркази, Жисмоний тарбия ва спорт бўлими ёки бошқармага тақдим этишинигиз мумкин.
Ҳужжатларингизни тақдим этганингиздан сўнг 10-15 кунда мураббий-инструктор сертификати берилади.
Сертификатни олиб тўғри болалар-ўсмирлар спорт мактабига борасиз ва ўриндошлик асосида ишга қабул қилинасиз.
Эслатиб ўтаман фақатгина мактабда ишлаб туриб БЎСМда ўриндошлик асосида ишлаш мумкин.

ENG FOYDALI

https://t.me/jismoniytarbiya_1

Билиб қўйган яхши-да
(жисмоний тарбия ўқитувчилари ва спорт мураббийларига)

Сиз жисмоний тарбия ўқитувчиси ёки спорт мураббийимиз?
Ўз даромадингизни янада ошириш имкони бор. Қайндай қилиб дейсизми? Ҳозир тушунтириб берман-да.

Ўзбекистон Республикаси Вазирлар Маҳкамасининг 2019 йил 1 февралдаги 78-сонли қарорига (http://lex.uz/docs/4187224) (http://lex.uz/docs/4187224) асосан жисмоний тарбия соатларидан бўш вақтларида спорт иншоотларида тренерлар томонидан аҳолига, шу жумладан, ўқувчи-ёшлар ва талабаларга кўрсатиладиган жисмоний тарбия-соғломлаштириш ва спорт хизматлари пуллик асосда амалга оширилади;
давлат таълим муассасаларининг спорт иншоотларида тренерлар томонидан кўрсатилган хизматлар учун тушган тўловнинг 20 фоизи коммунал хизматлар харажатларига йўналтирилади, қолган қисми муассаса ва тренер ўртасида тенг миқдорда тақсимланади.

Демак, Сиз мазкур қарорга асосан дарсдан ташқари пуллик спорт тўгараги ташкил этиб, тўгаракка қатновчи бир нафар ўқувчига бир ойлик тўловни мактаб директори билан келишган ҳолда 50000 сўм этиб белгиладингиз.
Қарорга асосан ойлик тўловнинг (50000 сўмнинг) 20 фоизи (10000 сўм бўлади) комунал хизматлар учун мактабда қолади. Қолган 40000 сўм мактаб ва мураббийга тенг тақсимланади. Яъни, мактабга 20000 сўм (ҳар хил спорт жиҳозлари харид қилиш учун), сизга ҳам 20000 сўм тегади.
Энди тўгарагингизда нечта шуғулланувчи бўлса даромадингизни хисоблаб олаверинг.

Агар спорт иншоотида бир нечта мураббий пуллик хизмат тўгарак очган бўлса комунал тўловлар миқдори улар ўртасида тенг тақсимланади (10000 сўмни тенг бўласизлар).
Эслатма:
-Пуллик хизмат кўрсатганлик учун тўлов миқдори тренер томонидан таълим муассасаси раҳбарияти билан келишилган ҳолда белгиланади.
-Шуғулланувчилар томонидан спорт тўгаракларига қатнашиш учун таълим муассасаси раҳбарига қуйидаги ҳужжатлар тақдим этилади:
1. Таълим муассасаси раҳбари номига ариза
2. фуқаролик паспорти нусхаси ёки туғилганлик ҳақидаги гувоҳномаси нусхаси ;
3. 086-У-шакл бўйича тиббий маълумотнома;
4. шуғулланувчиларнинг 3,5 x 4,5 см ўлчамдаги 4 та рангли фотосурати;
5. оиланинг кам таъминланганлиги тўғрисида маҳалладан маълумотнома (зарурат бўлганда).

-Пуллик хизматлар кўрсатганлик учун тўловлар таълим муассасасининг тегишли шахсий ғазначилик ҳисоб рақамига тўланади ва ушбу тўлов тўланганлиги ҳақида тасдиқловчи ҳужжат (квитанция) нусхаси таълим муассасасига тақдим этилади. (🏦Банкка тўлайди қўлингизга нақд пул бермайди🙅🏻‍♂️)
-Кам таъминланган оилалардан бўлган шуғулланувчилар тўловларни имтиёзли равишда 50 фоиз миқдорида тўлайди (50000 сўм эмас 25000 сўм тўлайди).
-👭Бир оиладан икки ёки ундан ортиқ фарзанд иштирок этган тақдирда, тўловларни имтиёзли равишда ҳар бири учун 70 фоиз миқдорида амалга оширади (ҳар бири учун 35000 сўмдан тўлайди).
Ана шунақа гаплар!!

ENG FOYDALI

https://t.me/jismoniytarbiya_1

​​Энди Мактабларни миллий гвардиячилар қўриқлайди

Энди мактабларни миллий гвардия ходимлари қўриқлайди.

Бир неча ой олдин қўриқланадиган барча ташкилотлардаги қўриқлаш хизмати миллий гвардияга ўтказилган эди.

Айтишларича, мактаб биносининг ҳар бир қаватига гвардиячилар қўйилиши мумкин. Чунки охирги пайтда мактабларда жанжаллар авж олмоқда.

👇👇👇
https://t.me/jismoniytarbiya_1