Kanalga ko'p narsa yozmayman, yozmoqchi bo'laman, ammo manfaatlimikan, foydasi bormi degan savollarga javob topa olmay qolaman. Aqlim bilan qilgan bir qancha tortishuvlardan keyin yozaman.
Shunday tanish kanallar bor kunda, kunora nimalardir kelib turadi: kundalik sayr yoki taomlanishdan fotosuratlar, kimlargadir "tegishtirib"yozilgan "purma'no hikmat"lar yoki instagramdan "chopilgan" reelslar va hk.
Bulardan ma'no ko'rmayman. O'zgalar vaqtini, trafikni sarflashga arzirli narsalar deb hisoblamayman.
Blog nima uchun o'zi? Kimgadir yuzma-yuz ayta olmayotganlaringizni yozib yetkazish uchunmi? Yoki qandaydir siyqasi chiqib ketgan "trend" videolar, olinayotgan fotosuratlaringiz reklamasimi?
Shaxsan men uchun blog
mana bu.
Yana bir narsa, agar boshqa kanaldagi post yoqsa, muallifi bilan birga "ko'chiraman". Chunki bilaman ikki qator gap yozish uchun insondan nimalar talab qilinishini va buni qay bir darajada muallifga hurmat deb hisoblayman.
Bugun tarmoqda ma'lumot ham,postlar ham, faktlarmiyey yangiliklar ham yetarlicha ko'p. Istaganingizdan istaganingizcha olishingiz mumkin:) Lekin bu boshqa insonning mehnatini ko'r-ko'rona o'zlashtirishingiz mumkin degani emas.
Iltimos, o'zgalar mehnatini va o'zingizni ozgina hurmat qiling.
