Aytaymi, vaqt bir yilgina ortga qaytganida nima qilgan bo'lardim? Onam:"Buving seni sog'inibdi, oldilariga bir o'tib kelgin,"deganida "Keyinroq, hozir darslarim ko'p, vaqtim yo'q"demasdim. Buvijonimni oxirgi bor ko'rib turganimni bilganimda, "Keyin kelaman, hozir darsga ketishim kerak" demasdim. Yonlarida imkonim boricha ko'proq qolardim...

Keyin vaqt topdim, ammo ularni topa olmadim. O'qishga ham kirdim, lekin buni ko'rish ularga nasib qilmadi. "Keyin"larim uchun afsus qilishim menga hech qanday yordam berayotgani yo'q)

Xulosa:Vaqti keladi, demang.Vaqt hech qachon kelmaydi, faqat ketadi. Kutmang,ertani,indinni. Bugun boring, ota-onangizga yaxshi ko'rishingizni bugun ayting, bobo-buvilaringiz bo'lsa bugun duolarini oling.

Yaqinlaringizga yetarlicha vaqt ajratmas ekansiz, vaqt asta-sekin sizni yaqinlaringizdan ajratishni boshlaydi.