#جێ_پەنجەیی_ئەشق
لەو ڕۆژەوە پێت ناوەتە نێو هەست و خەیاڵم
هەر بۆنی غەزەل دەتکێ لە چوار گۆشەیی ماڵم
پەرداخی پڕی شەهدی گوڵت داوەتە دەستم
مەستانە لە ئاسمانی ئەوین بازە دوو باڵم
جێ پەنجەیی ئەشق دیارە لە ناو لاپەڕی ژینم
کوا کورتە؟ تەمەندارەترین ئاشقی ساڵم
بۆنی گوڵە دەتکێ لە نەفەسگاهی هەناسەم
لەو کاتەوە بەندی نەفەسی خۆشی شەماڵم
لێو ڕێژە لە بۆنی نەفەست هەردەمە ڕێگا
چاوی لە بەری پێتە قەسەم، چاوی کەماڵم
جێژوانە شێعر،یار و شەراب و شەوی یەڵدا
تێکرایی دەکەن نۆژ و دوعا تۆ بی حەلاڵم
شاخ ئاشقی بەژنی گوڵە دەتزانی کە ڕۆژێ
چۆپی دەگرن دێنە سەما گشت کوڕ و کاڵم
دەسنۆێژێ دەشۆم من لە تکەی شەونەمی چاوێ
بەڕماڵی شێعر ڕاخە لە سەر هەستی جەماڵم
من بۆنی مەمی خۆم لە دەمی سروەوە ناسی
ئەو کاتە گوڵێ زین نەفەسی کەوتەوە چاڵم
(سونبول) لە گوڵان دوور مەکەوە جوانی ببینە
کێوی کەرەم و ڕووحی وەفا و هەستی زووڵاڵم
#خاتوو_سونبول
@kaziveh2525