کین ماسټردیزانونه نشریږی

#د_تهجد_لمونځ_طریقه_او_فضیلت!

#د_تهجد_معنا_(#خوب_ماتول_او_پاڅېدل).
له فرضي لمونځ څخه وروسته تر ټولو غوره لمونځ، د شپې د تهجد لمونځ دی.

د تهجد د لمانځه وخت د ماسختن له لمانځه څخه وروسته تر ریښتيني سبا پورې کيږي؛ خو غوره وخت يې د شپې آخره برخه ده.
د تهجد د لمونځ تر ټولو كم مقدار دوه (۲) متوسط يې څلور (۴) او زيات يې اته (۸) يا دولس (۱۲) ركعتونه دي.

د تهجد لمونځ فضیلت:
تهجد لمونځ د فرضي لمونځونو څخه وروسته تر ټولو افضل لمونځ دی، لکه څنګه چې رسول الله ﷺ فرمايلي دي:
«وأفضل الصلاة بعد الفريضة صلاة الليل»
(رواه مسلم).

يعنې:
د فرضي لمانځه وروسته غوره او افضل لمونځ د تهجد لمونځ دی.

همدارنګه سلمان فارسي روايت کوي چې، رسول الله ﷺ فرمايلي دي:
د شپې په لمانځه باندې هميشوالی کوئ، بېشکه چې د شپې لمونځ له تاسې څخه مخکې صالحو خلکو عادت ؤ، او تاسې خپل رب ته نږدې کوي او د ګناهونو کفاره ده او د ګناهونو مانع ګرځي او د بدن څخه درد او مرض باسي.
(الترمذي والإمام أحمد وصحيح الجامع)

يعنې دا لمونځ څو صفتونه لري:
۱-د صالحو خلکو عادت دی.
۲- د ګناهونو کفاره ده.
۳- د ګناهونو د کولو څخه مخنيوی کوي او د بدن د سلامتيا سبب ګرځي.

همدارنګه په یوه بل حدیث شریف کې راغلي دي، چې جبريل عليه السلام د جناب رسول الله ﷺ حضور ته تشريف راوړ او هغه ته يې داسې وفرمايل:
«واعلم أن شرف المؤمن قيام الليل وعزه استغناؤه عنالناس»
(رواه الحاكم والبيهقي وحسنه المنذري والألباني)

ژباړه:
پوه شه! چې د مؤمن شرف د شپې په لمانځه (تهجد) کې دی او عزت يې د خلکو څخه په بې نيازه کيدو کې دی.

په یوه بل حدیث کي راغلي دي، ابو هریره رضي الله عنه څخه روایت دی، چې رسول الله ﷺ فرمایلي دي: زموږ رب د شپې په آخري دریمه برخه کې لاندې او نږدې آسمان ته راښکته کېږي، او وايي: یو څوک دعاء کونکی شته؟ چې دعاء یې قبوله کړم؟ یو څوک غوښتونکی شته؟ چې ور یې کړم؟ یو څوک بخښنه غوښتونکۍ شته؟ چې بخښنه ورته وکړم؟
(بخاري و مسلم)

سبحان الله!

الله تعالی مونږ ته آواز کوي، چې څوک دعا غوښتونکی شته، چې دعا یې قبوله کړم! خو بدبختانه چې مونږ په هغه وخت کې په درانه خوب ویده یو، راځئ ګرانو ورونو او خویندو! چې له دې بهترین فرصت څخه ګټه پورته کړو، هیڅ معلومه نده چې مونږ به تر بل کال روژې پورې ژوندي پاتې کېږو او کنه؟
راځئ دا روژه ځان لپاره غنیمت وګڼو، تلاوتونه، نفلي لمونځونه او عبادتونه زیات کړو، د کورنۍ نور غړي، مو هم د تهجد لمانځه ته حتماً وهڅوئ او پر خپله یې هم اداء کړئ.

پېشنمی د تهجد لمونځ لپاره بهترین فرصت!

دا څرګنده خبره ده چې، مونږ ټول مسلمانان پېشنمي لپاره راپورته کېږو؛ نو له دې بهترین فرصت څخه نورې ګټې هم ترلاسه کړئ!
کله چې پیشنمي لپاره راویښ شوۍ؛ نو لمړی اودس وکړئ، بیا د تهجد لمونځ اداء کړئ، چې پدې سره به تاسې څو ګټې ترلاسه کړئ.

-لمړی خو دا یو ستر فضیلت دی، چې الله تعالی چاته د ته تهجد لمونځ اداء کولو توفیق ورکوي.
-دوهم دا چې، پدې سره به ستاسې ګنګسیت او خوب لرې شي، چې د پیشنمي خواړه به هم په استراحت سره وخورئ.
-دریم دا چې د سهار لمانځه لپاره به هم تیار په اوداسه کې یاست.

C
د ثواب په نیت یی تر تولو مسلمانانو ورسوی
دعاګانو کي مونږ هم یاد وساتی

لوګو دفسبوک لپاره

کلیپ قدیمی کدش 👇🏻♥️