كربت ساعة وعيدك يا علي الأكبر
لا ترد دعوة حبيبك واقتلع خيبر
إرفع الراية . حقق الغاية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
للبشر بانت حياتي و بانت السيرة
بيدي قرآن الإمامة و بيدي تفسيره
آنا بن سيد شباب الجنة مو غيره
روحي تهواه بجنون و تهوى تعبيره

لو يخيروه بحياتي يرتفع صوتي
لو ألف مرة أموتن يا هلا بموتي
كالت الآية . حقق الغاية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عن ذكر باب الشجاعة و منهو يحويها
هالرواية الهاشمية لازم أرويها
ضربة الكرار حيدر ما يثنيها
و آنا عدواني بضربتي تشتبه بيها

بالحرب يسعر لهيبي و القلق بادي
ضربتي يا بويه تشبه ضربة أجدادي
وبمحيايه . حقق الغاية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
إقرأ بصوت السيوف و رتل الآتي
جدي كرار الحروب و ساكن بذاتي
وآنا من هذا المجاهد وارث آياتي
واليعادي حسين ابويه تلوحه صولاتي

آنا بن محيي الشريعة وآنا بن حيدر
واليعاديني بيميني موته يتقدر
تحجي يمنايه . حقق الغاية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بالحرب كلمن يموت و ينتهي بيومه
والعظيم اليعله صيته داخل الحومه
هيبة الهادي الرسول بوجهي مرسومه
وانتوا جدكم بالملاحم مزك هدومه

صورتي صورة محمد و منه اخلاقي
باجر التاريخ يشهد وآنا اضل باقي
سيفي بعدايه . حقق الغاية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
قارعة يوم الطفوف بسيفي أبديها
إبهالأرض يوم القيامة اليوم أسويها
أنتظر يا بويه فتوة و إنت تفتيها
وداعتك هاي الجموعة إبساعة أفنيها

من تصدرلي الأوامر أبدع بسيفي
أنا جندي من الجنود و هذا تكليفي
غايتي هايه . حقق الغاية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عن درب نصرة حبيبي لا تمنعوني
وبوسط هاي الجموع بوحدي خلوني
آنا كرار بمغيري و همه يدروني
آنا للكافل عضيد و خل يسمعوني

غيرة العباس بيه و بيه نوماسه
واليلاكيني إبمغيري ينكطع راسه
عمي ويايه . حقق الغاية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
#ساعة_وعيدك
#علي_حسن_الكناني