taa: Innis ishee ofitti qabee, “seenaakoo anis baay’ee
sijaaladha. Erga si’argee jalqabee hirriba hinqabu. Garuu gumaa
abbaa keetii, haadha teetiifi abbaa kootiis walumaagalatti
gumaa jaalleewwan wareegamanii kan baasu numa seenaakoo
jedheen, imimmaan gadi roobsaa. Sirba kadiir Martuu
“Fedhiikoo hintaane, siganuun jedhu” naaf dhageefadhu yoo
yeroo qabaatte” jedheen.
Guyyaa muraasa booda; halkan keessa sa’aa saddeet yeroo
ta’u, doormii barattootaa sakatta’uuf poolisiin Federaalaa
dirree waraanaa fakkeesse. Falmataa, hiriyyaasaa Tokkummaa
dabalatee barattoota hedduu achi buutee isaanii
dhabamsiisan. Ganama barattootni hiriira bahanii; isaan
hidhaman haahiikkamanii jedhanis, isa gaafates gara mana
hidhaatti guuran.
Seenaan halkaniif guyyaa wallaalte. Hiriyyoota isaa kanisheen
itti bilbiltu hunda achi buutee isaanii dhabamsiisaniiru.
Dhiironni duraan jaalala isaanitti hinaafaa turan abdii
kutachiisuuf yaalaa turan. Barattootni Oromoo hedduun garuu
baay’ee gaddanii yaadaanishee cinaa dhaabbatan. Yeroo
nyaattu, yeroo mana kitaabaa deemtu, yeroo hundaa kophaa
yaadaan ciinca’aa deemuu jalqabde. Osoma deemtu gaafii
tokko ofuma gaafatte seenaan.
“Harmeen koo, gaafa abbaan koo deemee wereegame sana
maaliif inni hindeebi’u jettee, abdii kutattee hinheerumne ture
ykn nama biraa jaalachuu maaliif dhiiste? jettee ofgaafatte.
Anis kaayyoo Abbaafi haadhakoo, kan jaalalleekoo
walumaagalatti dirqama oromummaa bahuu qaba jettee
ofi’amansiiste. Itti dabaltee onneen koo Falmataan
wareegameera, kana booda eenyuunis tasuma hinwareegamu”
jette.
Falmataan poolisoota dhalootaan Oromoo ta’an keessaa
hiriyyoota hedduu qaba. Isaan keessaa isa tokkoon xalayaa
kana barattuu seenaa jedhamtutti naaf geessi jedheen!
Xalayichi akkas jedha: ....(...)
Kutaan 4reessoon itti fufa...


@lammiif