"في الوقت الصح"

كتير بنحس إننا محتاجين حد يشاركنا الحياة، خصوصًا في رحلة صعبة زي دراسة الطب، بس مهمة قوي نفهم إن العلاقات الصح بتيجي في الوقت الصح، ولما تكون مستعد ليها بشكل ناضج وبناء.

لو حاسس إنك مستعجل أو إنك مضغوط عشان تلاقي شريك، خد لحظة وراجع نفسك: هل فعلًا مستعد؟ ولا هي مجرد رغبة وقتية عشان تهرب من التوتر؟ العلاقات الناجحة محتاجة شخص مرتاح مع نفسه ومستعد يشارك بطريقة صح، مش حد مستني اللي قدامه يشيل عنه ضغوطه الموضوع دا بيتطلب نضج عاطفي.

1. اتعلم تحب نفسك
مش بس كلام؛ اعرف نقاط قوتك واشتغل على تحسين نقاط ضعفك، خليك فاهم إن علاقتك بنفسك هي الأساس لأي علاقة ناجحة بعد كده.


2. وسع دايرتك الاجتماعية
ببساطة ركز في صداقاتك، مش لازم تكون العلاقات دايمًا رومانسية. الصداقة اللي بتدعمك وبتضيف لحياتك ممكن تريحك من الشعور بالوحدة.


3. استثمر وقتك في الحاجات اللي بتطورك
اشتغل على مشاريع شخصية، هويات جديدة، أو حتى ممارسة رياضة بتحبها. لما تحس إنك بتنمو وتطور في جوانب تانية، احتياجاتك العاطفية بتبقى متوازنة أكتر.


4. اتعلم من التجارب حواليك
شوف قصص الناس اللي بتتعرف عليهم، واتعلم من تجاربهم في العلاقات ومن اللي عدوا بيه، هيفيدك كتير في فهم احتياجاتك وتوقعاتك.


5. سيب الأمور تيجي في وقتها
مفيش مانع إنك تتمنى وتخطط لعلاقة ناجحة في المستقبل، بس ركّز دلوقتي على اللي بين إيديك. كل مرحلة ليها متطلباتها، ومرحلتك دلوقتي محتاجة منك تدي تركيزك الأول لدراستك وتطوير نفسك.



افتكر إنك مش لوحدك في الإحساس ده، وإن في ناس كتير بيمروا بنفس الأفكار والتساؤلات.
ممكن تكون العلاقات الحقيقية أبعد شوية، بس لما تيجي في وقتها الصح، هتحس إنها تستاهل كل الانتظار والتجهيز اللي انت عملته.

"وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ وَكَانَ رَبُّكَ بَصِيرًا"

(سورة الفرقان: 20)



#نضج_عاطفي