Рэакцыя Кавалевіча на перамогу ў Кубку

«Нёман» на класе абыграў «Іслач» і заваяваў першы за 31 год трафей. Для Кавалевіча Кубак стаў трэцім у трэнерскай кар’еры. Паміж першым і апошнім прайшло ажно 15 гадоў.

Кавалевіч абяцаў моцную прэс-канфярэнцыю пасля фіналу і ён яе выдаў.

Па-першае, ён лічыць, што на эмацыйным узроўні Кубак быў у гродзенцаў яшчэ раней.

Мы гэты фінал выйгралі, калі перамаглі [у паўфінале] мінскае «Дынама». Вось калі мы гэта зрабілі, я ні на секунду не сумняваўся, што «Нёман» у выніку возьме трафей.

Па-другое, падобна, Кавалевічу спадабалася кіраваць камандай на трыбунах, таму ён дазваляе сабе нават такія фразы.

Мы былі мацней па класе, па духу, па чым заўгодна. Мы не мелі права прайграць пасля таго, што з намі рабіла федэрацыя да Кубка. Кубак ім няхай падорыць [генсак АБФФ] Жардзецкі, у краме купіць.

«Нёман» прайшоў гэты турнір з 6 сухімі перамогамі з 7 матчаў і насамрэч заслугоўвае Кубак.

Пасля перамогі гарадзенцы пачнуць кваліфікацыю Лігі Канфярэнцый з 2 раўнда.

📹: Беларусь 5