"Bu hayotda mutlaq yaxshi yoki mutlaq yomon odamlar bo'lmaydi. Aksincha, tabiati kulrang odamlar ko'p. Ba'zilarini yaxshi amallari yomon amallaridan ko'proq bo'lgani uchun biz ularni yaxshi, yomon amallari yaxshi amallaridan ko'proq bo'lgani uchun biz ularni yomon insonlar deymiz. Butunlay qalbi toza yoki butulmay yomon odamlar faqat ertaklarda bo'ladi. Payg'ambarlar va yosh go'daklar bundan mustasno, albatta.

Biz odamlarni o'zlariga emas, qilayotgan amallariga qarab baho beramiz. Bir kishi yaxshi bir ishni qilsa, bizni nazarimizda yaxshi, aynan o'sha kishi yomon ishni qilsa, nazarimizda yomonga aylanadi. Yomon ko'rishda ham xuddi shunday. Kishini o'zini emas yomon amalini yomon ko'ramiz. Agar u o'sha ishini to'xtatib yaxshi ishlar qilishga o'tsa, bizning nazarimizda u yaxshi insonga aylanadi. Mana shu — haqiqiy mezon".