« O Captain! My Captain!
አስፈሪው ጉዟችን ተጠናቋል
መርከቧ ማዕበሉን ሁሉ አልፋለች »
ግን ...ግን...ግን
የሚያስቀን ሰው እንዴት ያዝናል? የሚለው የዓለም የየዋህነት ጥያቄ ነው ። ማልቀስ ቢፈልጉ እንኳ “አንተ እኮ የሁልጊዜ ሳቃችን ነህ” የሚለው የተመልካች ፍርድ ዕንባ እንዳይወጣ ይገታዋል ።
በጣም የሚገርመውና የሚያሳዝነው ተቃርኖ ፤ የሚያጽናኑን ፥ መከፋታችንን በሳቃቸው ያለዘቡልን ፤ እሲ አንድ እንሞክር ያስባሉን ። ማንም በማይሰማው የውስጥ ጩኸት እና በማያየው ድብርት መከበባቸው ነው ። እኛ በነሱ ፈገግታ ተደንቀን "ምንኛ የታደሉ ናቸው!?" ስንል ፥ እነሱ ግን በሚሊዮኖች ፍቅር መሃል ሆነው በብቸኝነት ይገረፋሉ ።
ለቆሰሉ ልቦች የሚሆን የቃላት ቅባት አያጡም፤ ተስፋ ለቆረጡት የሚሆን የምክር ድልድይ ይዘረጋሉ ፤ ነገር ግን የገዛ ቤታቸው ጣራ በሐዘን ዝናብ ሲደመሰስ የሚጠለሉበት ስፍራ የላቸውም። የራሳቸውን ስብርባሪ እየረገጡ ፥ ለሌላው አበባ የሚዘሩ ...
ዓለም “ሁልጊዜ ደስተኛ ነበር” ብላ ስታደንቀው የነበረው ሰው ፥ በብቸኝነትና በጭልምልም ስሜት ውስጥ ሲጠፋ ይገርማታል ። በስተመጨረሻ ያ የሳቅ ጭምብል ሲሰነጠቅና ጨለማው ሲያሸንፍ ዓለም ትደነግጣለች ።
- የብቻ ጦርነታቸውን መች አይታ ?
ራስን ማጥፋት ለጊዜያዊ ችግር ዘላለማዊ መፍትሄ መፈለግ እንደሆነ የሰበከን ፥ ራሱን ሲገድልስ ?
ሚሊዮኖችን ከጭንቀት ባህር የዋጀ "ካፒቴን" እሱ በገዛ አእምሮው ማዕበል ተመትቶ ሲሰምጥስ ??
"አስፈሪው ጉዟችን ተጠናቋል
መርከቧ ማዕበሉን ሁሉ አልፋለች"
ካፒቴናችን ግን ወደቀ ።
Robin Williams
አስፈሪው ጉዟችን ተጠናቋል
መርከቧ ማዕበሉን ሁሉ አልፋለች »
ግን ...ግን...ግን
የሚያስቀን ሰው እንዴት ያዝናል? የሚለው የዓለም የየዋህነት ጥያቄ ነው ። ማልቀስ ቢፈልጉ እንኳ “አንተ እኮ የሁልጊዜ ሳቃችን ነህ” የሚለው የተመልካች ፍርድ ዕንባ እንዳይወጣ ይገታዋል ።
በጣም የሚገርመውና የሚያሳዝነው ተቃርኖ ፤ የሚያጽናኑን ፥ መከፋታችንን በሳቃቸው ያለዘቡልን ፤ እሲ አንድ እንሞክር ያስባሉን ። ማንም በማይሰማው የውስጥ ጩኸት እና በማያየው ድብርት መከበባቸው ነው ። እኛ በነሱ ፈገግታ ተደንቀን "ምንኛ የታደሉ ናቸው!?" ስንል ፥ እነሱ ግን በሚሊዮኖች ፍቅር መሃል ሆነው በብቸኝነት ይገረፋሉ ።
ለቆሰሉ ልቦች የሚሆን የቃላት ቅባት አያጡም፤ ተስፋ ለቆረጡት የሚሆን የምክር ድልድይ ይዘረጋሉ ፤ ነገር ግን የገዛ ቤታቸው ጣራ በሐዘን ዝናብ ሲደመሰስ የሚጠለሉበት ስፍራ የላቸውም። የራሳቸውን ስብርባሪ እየረገጡ ፥ ለሌላው አበባ የሚዘሩ ...
ዓለም “ሁልጊዜ ደስተኛ ነበር” ብላ ስታደንቀው የነበረው ሰው ፥ በብቸኝነትና በጭልምልም ስሜት ውስጥ ሲጠፋ ይገርማታል ። በስተመጨረሻ ያ የሳቅ ጭምብል ሲሰነጠቅና ጨለማው ሲያሸንፍ ዓለም ትደነግጣለች ።
- የብቻ ጦርነታቸውን መች አይታ ?
ራስን ማጥፋት ለጊዜያዊ ችግር ዘላለማዊ መፍትሄ መፈለግ እንደሆነ የሰበከን ፥ ራሱን ሲገድልስ ?
ሚሊዮኖችን ከጭንቀት ባህር የዋጀ "ካፒቴን" እሱ በገዛ አእምሮው ማዕበል ተመትቶ ሲሰምጥስ ??
"አስፈሪው ጉዟችን ተጠናቋል
መርከቧ ማዕበሉን ሁሉ አልፋለች"
ካፒቴናችን ግን ወደቀ ።
Robin Williams