O’tgan safar
Xolida opa bilan ko’rishsak, dekan kanalingga qo’shildimi, deb so’rab qoldi. Kanalimga kirib chiqqan odamlarga befarqligim uchun, hayratlanib, “yoʻoʻq, bilmadim” dedim va darrov obunachilarimni ko’zdan kechira ketdim. Qarasam, rostan o’sha tanish kontakt - “Dekanjon”.
Xolida opa “hammaning kanaliga qo’shildilar, hammamizni kuzatyaptilar, mendan so’radi, tashlab berdim” deydi. Bu qanday katta ma’suliyat, hech zamonda aqlga sig’adimi, kichik, “jinni-ketti” kanalchangni dekaning kuzatishi? Ha! Agar gap bizning ustoz haqida ketayotgan bo’lsa bu oddiy holat!
Ustoz tirik qalbli odam! Har bir talabasiga e’tiborli, hamma savollarning javobi - ustoz! Suhbatining, kinoyalari-yu, hazillarining, ohangining o’zi bir san’at!
Sening faqat ijod uchun tug’ilganingni his qildiradigan odam - ustoz!
Sen chegaralarsiz suhbatlashishing, hazillar qila olishing, xohlaganday suratga tushishing, kulishishing, har qanday mavzuda savollar bera olishing, ruhiy holating bilan bog’liq chigalliklarga yechimlar topishing, mashinasining oldiga o’tirishing, shunchaki, yo’l-yo’lakay ham suhbatidan topilmalarni qoralamangga yozib olishing mumkin bo’lgan odam - ustoz!
Men har doim ooxirgi daqiqalarda ulgurishga ustaman! Bugun shu insonning tug’ilgan kuni.
Men shu sohada, ijodda, jurnalistikada kimni tanisam, hammasining ustozisiz! Va shu baxtning ichida mening ham borligim chinakam omad!
Tabriklayman. Uzoq umr ko’ring ustoz! Biz ham doim boshingizni qotirib yurishda davom etaveraylik)
@Ovozi_dil
