Nadomat

Yonganlarim, kuyganim ketdi,
Topganlarim, tutganim ketdi
Ko’zim oqib, ko’r-u kar bo’lib
Kutmaganim, kutganim ketdi…
Pirim deya, murshidim deya
etagini tutganim ketdi.
Qonim ichgan “yor”lar qon kechar,
laxta qonlar yutganim ketdi.
Gunohkorlar, yomonlar keldi
gunohidan o’tganim ketdi…
Eshak qilib minganlar qolib,
Tepkilagan, turtganim ketdi.
Yuzim yulgan g’arlar qoldilar,
yuzlarimni burganim ketdi…
Men o’lmadim, bular ham tirik
meni deya o’lganim ketdi…

Asqar Mahkam.
@Ezzidan