አሁን ለስምምነት አንድ እጃችሁን ስጡን።"ብሎ ሁለቱንም እጆቹን ዘረጋላቸው።ሜሪም ለመጨረሻ ጊዜ ልጇን ዘወር ብላ አየችው።ልጇ የጠቆረው አይኑ እና ቆጃው ወደድሮው እየተመለሰለት መሆኑን እና የከሳው ሰውነቱ መወፈር መጀመሩን አይታ የጠንቋዩን ግራ እጅ ግርማ ደግሞ የጠንቋዩን እጅ ያዙት።ወድያው ክፍሉ በብዙ ብርሀን እና በከባድ ንፋስ ተሞላ።ብርሀኑ እና ነፋሱ ልጁን እና የግርማን አባት ወደራሳቸው መለሳቸው እና መንቃት ጀመሩ።የጠንቋዩ ግማሽ ጎን ወደ ሜሪ ግማሹ ጎን ደግሞ ወደ ግርማ ገባ።ወድያው የነበረው ነፋስ እና ብርሀን ጠፋ።ክፍሉ ውስጥ የነበሩት ሜሪ ግርማ የግርማ አባት እና ልጁ ብቻ ነበሩ፤ጠንቋዩ አልነበረም።አራቱም እርስ በእርስ ተያዩ፤ሁሉም ደህና መሆናቸው ገርሟቸው ነበር።ትንሽ እንደቆየ ሜሪ የበላችውን ምግብ ማስታወክ ጀመረች።ሰውነቷ ውስጥ ያለው ምግብ ሲያልቅ ደም መትፋት ጀመረች።ሁሉም ደንግጠው ይመለከቷት ነበር።ያ የሚያምረው ዘንፋላ ጥቁር ፀጉር አጥሮ እና ልስላሴው ጠፍቶ ተንጨበረረ።የቆዳ ቀለሟ ወደ ነጭነት ተቀየረ።አይኗ ስር ያለው ቆዳዋ፣ከንፈሯ እና ጥፍሮቿ ወደ ጥቁር ቀለም ተቀየሩ።ቆዳዋ ተሸበሸበ እና ድምጿም ተቀየረ።ከተንበረከከችበት ተነሳች እና አፏን በእጇ እየጠራረገች ከቤት ለመውጣት መራመድ ጀመረች።ግርማም ተነስቶ ቆመ እና"ሜሪ?ወዴት ልትሄጂ ነው?"ብሎ ጠየቃት።መልስ ሳትሰጠው መራመዷን ቀጠለች።ልጁ ግን ወደትክክለኛ ሰውነት ስለተመለሰ እናቱን "እማዬ?"ብሎ ጠራት።ግርማም የልጁን ጥሪ ሲሰማ ሮጦ ሄደ እና የልጁን አፍ አፈነውና"ልጄ ምንም አትናገር ዝም በል!"አለው።ጠንቋዩ ልጃችሁ እማዬ ወይም አባዬ ብሎ እንዳይጠራችሁ ብሎ ያስጠነቀቀው ትዝ ብሎት።ሜሪ ግን የልጇን ድምፅ ስትሰማ መራመዷን አቁማ ወደልጇ ዘወር አለች።ወድያው አዞራት እና ወደመሬት በጉልበቷ ተንበረከከች፤በዛቹ ቅፁበት ፀጉሯ ወደድሮ እርዝመት እና ልስላሴ ተመለሰ።የጠቆረው አይኗ እና ጥፍሮቿ ወደድሮው ውበታቸው ተመለሱ፤የተሸበሸበው ቆዳዋም ወደድሮው ልስላሴያቸው ተመለሱ።ግርማም ልጁን ለቀቀው እና ሮጦ ሜሪን አቀፋት።ሁሉም ነገር ያለቀ መስሎት ነበር ግን አመድ የመሰለ ነገር ከሜሪ ሰውነት ሲቦል ተመለከተ።ወድያው ለቀቃት እና ሚስቱን ሲመለከታት ሜሪ እንደአመድ እየቦለለች እየጠፋች ነበር።ሁሉም ሰውነቷ አመድ ሆነ እና አስክሬኗ እስከማይገኝ ድረስ አመድ ሆና ጠፋች።ግርማም በሀዘን እና በንዴት ተንበርክኮ በጣም እየጮኸ ማልቀስ ጀመረ።በመሀል ድምፁ ተቀየረበት፤ድምፁ እንደተቀየረበት ሲያውቅ ማልቀሱን አቆመ።ሆዱ ሲገለባበጥ ይሰማው ጀመረ።ሜሪ እንደሆነችው ሊሆን እንደሆነ ገባው እና ወደ አባቱ ዘወር ብሎ 

"አባዬ!.....ልጁን ይዘኸው ከዚህ ሂድ ካልሆነ ያ ሰይጣን ልጄን ይገድለዋል።"አለው በተቀየረው ድምፅ።

"አንተስ?አብረን ከዚህ እንሂድ!.....ብቻህን ትቼህ አልሄድም።"አለው አባቱ።

ግርማም በቁጣ "አሁኑኑ ከዚህ ውጡ!ለልጁ የቀረኸው አንተ ብቻ ነህ ስለዚህ በደንብ አሳድገው፤ልጄ የኔን መለወጥ ሳያይ ከዚህ ሂድ!"ብሎ የበላውን ምግብ ልክ እንደሜሪ ማስመለስ ጀመረ።የግርማ አባት የልጁን ልጅ ይዞ በፍጥነት ከዚያ ቤት ወጣ፤ግርማም መልኩ ተቀያይሮ ያንን ጠንቋይ መሰለ፤እሱም ድጋሚ ላይመለስ ያንን ቤት ለቆ ሄደ።በነገው እለት ቄሶቹ ወደግርማ ቤት ሄዱ።የጊቢው በር ተከፍቶ ስለነበር ከፍተው ወደውስጥ ገቡ፤ጊቢው ውስጥ ማንም አልነበረም፤ወደ ቤቱ በር ሲመለከቱም በሩ ተበርግዶ ነበር።ወደውስጥ እየገቡ  ቤቱን ቃኙት።የቤቱ እቃዎች በሙሉ መሬት ላይ ተበታትኖ ወዳድቀው ነበር።መሬት ላይ ያስመለሱትን እና የሜሪን አመድ ተመለከቱ።

"በስመ አብ ወልድ ወመንፈስ ቅዱስ!ምንድነው የተፈጠረው?"ብሎ መጀመሪያ መጥቶ የነበረው ቄስ አማተበ።

አለ የተባለው ቄስም ቀጠል አድርጎ "አይታይህም እንዴ?ሁሉም ነገር አብቅቷል!.....አሁን ሁሉም የሉም።"አለው።
..................ሙሉውን ለማንበብ ይቀላቀሉን!🙏

ምርጥ ምርጥ ታሪክ ያላቸውን ድርሰቶች ይቀርባሉ።እናንተም ተቀላቀሉን እና አዳዲስ ታሪኮችን ያንብቡ፤ለወዳጅ ለዘመድ ለጓደኛዎ በማጋራት ትብብር አድርጉልን🙏🙏
https://t.me/vikinovels