إزاي نحسب جرعة الحديد في حالة الأنيميا:
احتفظ بالمعادلة دي وهتكون هي اللي هتشتغل عليها:
.
2.4 * wt * Hb deficit (Normal Hb - Actual Hb) + 500
.
كلمة ال Normal Hb
يعني حضرتك عايز توصل المريضة لهيموجلوبين كام ؟ هنقول مثلا عايزينها توصل لهيموجلوبين 14 !
وكلمة ال actual Hb
معناها هيموجلوبين المريضة ذاتها ! يعني مثلا 8 !
.
وده مثال:
لو عند حضرتك حالة هيموجلوبين 8
والوزن بتاعها 70 كيلو جرام
...
هتكون الحسبة كالتالي:
زي ما قلنا مع بعض إن حضرتك عايز تعالج المريضة بحيث إن الهيموجلوبين يوصل مثلا 14
(ودي فكرة كلمة Hb deficit )....
هتطرح الأول الهيموجلوبين بتاع المريضة اللي هو 8 من الهيموجلوبين اللي حضرتك عايزة المريضة توصل له وهو 14 مثلا
... الناتج هيكون 6 ...
.
بعد كدة تضرب ال 6 في الوزن في 2.4 الموجودة في المعادلة ...
.
هيظهر لحضرتك الناتج: 1008 ...
.
الناتج ده هتضيف عليه 500 زي ما موجود في المعادلة ...
.
ال 500 دي هي كمية مخزون الحديد اللي حضرتك بتضيفه للمريضة علشان تملأ به النخاع بتاع العضم لها
.. يعني store لها ...
.
ولما تعمل المعادلة دي هتكون النتيجة = 1008 + 500 = 1508 ...
.
يعني بالتقريب 1500
.
يعني دي كمية الحديد اللي محتاجاها المريضة ...
.
طيب تحسب عدد الأمبولات إزاي ؟
.
أمبول الحديد عبارة عن 100 مجم حديد زي ما موجود في الصورة تحت ...
.
وبالتالي لو حضرتك قسمت رقم 1500 (وهو ناتج المعادلة اللي فاتت)
على 100 (وهو تركيز الحديد في الأمبولة الواحدة )
هيظهر لحضرتك عدد الأمبولات اللي هتاخدها المريضة ..
.
يبقى 1500 على 100 = 15 يعني 15 أمبولة
.
والصورة اللي تحت فيها تفاصيل بخصوص نوع وجرعة الحديد
.
عمليا: ممكن تحل مثلا أمبولين فيروساك على 100 مل محلول ملح وتمشيهم في نصف ساعة
في ال BNF قالك هنا بلاش تزود عن أمبولين في اليوم
وبراحتك هنا تقول للمريضة تاخدهم كل يوم أو يوم ويوم حسب ظروف الدنيا معاها
.
فيه ناس شوفتها كانت بتحل 5 أمبولات فيروساك على 500 محلول ملح وتدي معاهم أمبول سولوكورتيف على المحلول وتمشيهم على ساعة أو ساعتين ...
لكن مقرأتش حاجة عن النقطة دي كتير
.
بلاش تدي الحقن دي في البيت لمريضة علشان لو حصل تحسس منها هتلبس في الحيطة إنت ومريضتك ! ومش هتعرف تتصرف !
.
وبلاش حقن عضل لو متاح علشان اللون الأسمر مكان الحقن بتاعها مش هيروح وخاصة مع النساء مش هتبقى ظريفة لها وتدخلها في حوارات ليزر وغيرها
فبلاش أحسن
#منقول