"ارکیناز"
(مهدن تمدن- سانجاق صفحه لرینده)
یازار:ماحموددالغا
بؤلوم(2)
اورومچو دا سحر باشلانمیشدی. آما بیر قارانلیق هاواایدی. بولود لار گلیب، گؤی توتموشدولار.یاغماق هاواسینا بنزه میردی، بولودلو هاواایدی.هریان قوخویوردو، توستو قوخوسو گلیردی.نفس چوخ آغیر گلیب - گئدیردی.
"چاکار" بیر نئچه دقیقه اولاردی کوچه باشیندا دورموشدو. ساغ- سولونو چوخ احتیاط لی گؤزله ییردی. هر یان دووارلار، داش لار، آغاج لار اونون فیکرینده چوغولچو اولابیلردیلر. “چاکار” تئز- تئز الینی بیغ لارینا چکیردی. چوخ بیغی یوخدور دئمک اولار بارماق لار ساییندا اولا بیلردیلر. آما بو نئجه توک ده اونون قورخولوغونو آرادان آپارمیشدی. سینه سین هر دن بیر دیک لدیردی، بیر آغیر نفس چکیب یئنی دن اویان بویانا باخیردی. کوچه ده اولان آغاج لارین اوستو دولموشدو سئرچه ایله. بو سئرچه لرین اوردا اولماغی "چاکار" را گوونجیلیک وئریردی.
هاچاندان - هاچانا ارکیناز گلدی. یئرییه - یئرییه ال وئردیلر.
- بیواختا قالمیشیق. گئج گلدین آز یئیین گئدک. بونلاری "چاکار" چوخ یاواش سس له دئییردی.
- سن بیلمیرسن من بیر قادینام. قادین لارین ائودن چیخماسی بیر ایل چکر. سنین کیمی ساچ لاریمی دارامامیش،اؤزومو بزه مه میش اولمازدی کی، گلیم.
ایکیسی ده گولدولر. "چاکار" بیلیردی ایندی ارکیناز اؤزونو بزه مک اوچون هئش ذات تاپیلماز. اونلارین بوتون ائو – ائشیک لری اود دا یانیب آرادان گئتمیشدی.آما گینه ده بیر شاکا کیمی سؤز آرایا آتدی، ایسته دی ایکسی ده او قارا فیکردن ائشییه چیخسین لار.
- سنین تویون دور یا منیم؟
- بیزیم یوخ، باشقاچیلارین.!
- یوخ! اونلارین تویو هله باشلانمئییب دیر،واختیندا اونلارا اوزوم بیر توی توتاجاغام کی بیر باشی بوردا، بیر باشی دونگشان دا اولسون.
- منی ده آپارارسان؟.
"چاکار" باخدی ارکینازین اؤزونه.دئدیک لری دوغرو دئییلدی. ارکیناز چوخ بزه نیب -دوزنمه میشدی.الینی ساچ لارینادا چکمه میشدی. ائله بیله سن ایل لردی بو قیز توک لرینه داراق وورمویوبدو.بیر آز گؤزلری بیر- بیرینده قالدی. ائله بیله سن ایل لردی بیر - بیرینی گؤرمه میش دیلر. ایکسی نین ده گؤزو ایسلاندی." چاکار" باشینی آشاغی سالیب ، دئدی:
- هن، او توی دا سنده وارسان....
آردی وار..
#بیزیم_دیل
#سانجاق
#مهدتمدن
#آزربایجان
@bizimdil⚘⚘⚘⚘