𝗦𝗲𝗲𝗻𝗮𝗮 𝗠𝗮𝗻𝗰𝗵𝗲𝘀𝘁𝗲𝗿 𝗨𝗻𝗶𝘁𝗲𝗱

SEENAA KAASAMIROO KUTAA 2FFAA

Kaasamiroon garee Saayo Paawuloo keessatti dandeettii isaa erga mirkaneessee booda, ija daawwattoota Awurooppaa keessa galuuf yeroo itti hin fudhanne. Bara 2013 keessa abjuun isaa inni guddaan dhufe; kunis kiliaba addunyaa irratti beekamaa ta'e Ree'aal Maadrid irraa carraan waamichaa isa ga'e

Jalqaba irratti, Ree'aal Maadrid taphataa kana bifa liqaatiin kiliaba Saayo Paawuloo irraa fidee gara garee lammaffaa kiliabichaa, Ree'aal Maadrid Kaastiyaatti isa erge

Kaasamiroon namoota baay'ee biratti akka taphataa biyya Biraaziil irraa dhufe tokkootti qofa dubbatamaa ture malee, namni abdii guddaa irratti gate baay'ee hin turre

Haa ta'u malee, inni kallattii kuffaatii osoo hin taane kallattii carraa argatetti fayyadamuu filate Garee lammaffaa keessatti tapha gaarii agarsiisuu isaatiin, kallattiin gara garee guddaa Ree'aal Maadriditti ol guddatee kontiraata dhaabbataa mallatteesse

Boqonnaan kun Kaasamiroof akka abjuu ture; garuu dirreen Maadrid salphaa hin turre. Sarara gidduu kiliabichaa keessatti taphattoota dandeettii guddaa qaban waliin dorgomuun dirqama isaatti dhufe. Kanaaf dandeettii dabalataa akka argatuuf kiliabichi bara 2014 keessa gara kiliaba Poortoortuugaal, FD Poortootti bifa liqaatiin isa erge

Poortoo keessattis ga'umsa dinqii argisiisuudhaan taphoota gurguddoo irratti ga'umsa ajaa'ibaa mul'isuudhaan addunyaa raajeffachiise Kunis kallattiin gara Ree'aal Maadriditti akka deebiuuf sababa guddaa ta'e. Kaasamiroon gara Ree'aal Maadriditti yeroo deebiu, leenjisaan kiliabichaa Ziinediin Zidaan dandeettii isaa irratti amantaa guddaa qabaachuun itti fayyadamuu jalqabe
Haaluma kanaan Kaasamiroon Luukaa Moodiriich fi Toonii Kiroos waliin ta'uun sarara gidduu addunyaa irratti sodaataman uumuu danda'an. Zidaan yeroo hunda Kaasamiroo akka utubaa ittisaatti fayyadamaa ture

Gareen kun walitti aansuun waancaa Chaampiyoons Liigii sadii yeroo injifatu, Kaasamiroon utubaa sarara gidduu kilabichaa ture Inni taphataa dandeettii ittisaa qofa qabu osoo hin taane yeroo murteessaa keessattis goolii murteessaa galchuun kiliaba isaa baraaruun beekama ture
📅 𝐊𝐮𝐭𝐚𝐚 3𝐟𝐟𝐚𝐚 𝐢𝐭𝐭𝐢 𝐟𝐮𝐟𝐚…

SEENAA KAASAMIROO KUTAA 1FFAA

Kaasamiroon har'a addunyaa irratti utubaa gidduu galeessaa jedhamee yoo beekamu jireenyi isaa garuu akkas salphaatti hin jalqabne. Seenaan isaa kan eegalu rakkina hammaataa keessaa gara gubbeetti ol ba'uudhani. Kaasamiroon Guraandhala 23 bara 1992 Biraaziil magaalaa São José dos Campos keessatti dhalate. Maqaan isaa guutuun Carlos Henrique Casimiro jedhama



Kaasamiroon yeroo umrii waggaa sadii qofa ture abbaan isaa maatii isaa gatee ba'e. Haati isaa Magda de Faria Casemiro qofaa ishee ijoollee sadii rakkina hamaa keessatti guddisuuf dirqamte. Manni isaan keessa jiraatan baay'ee dhiphoo fi hir'ina waan hundaa kan qabu ture. Kaasamiroon yeroo dubbatu manni isaanii baay'ee dhiphoo akka turee fi al tokko tokko hiyyummaa irraan kan ka'e fira isaanii bira deemanii buluuf dirqamaa akka turan ni yaadata Guyyaa tokko tokko immoo nyaata gahaa dhabuun halkan beelaan hirriba dhabuun jireenya isaa guyyaa guyyaa ture



Rakkina jireenyaa sana hunda keessatti kallaattiin inni ittiin of garsiisuu danda'u tokko qofa ture kunis kubbaa miilaati. Umrii waggaa 11tti dandeettii isaa kan arguun akadaamii kilaba beekamaa São Paulo FC keessatti qoramuu jalqabe. Akadaamii sana keessatti ijoollee 400 ol ta'an keessaa Kaasamiroon dandeettii fi hoggansa isaatiin battalumatti adda ba'ee mul'ate



Kaasamiroon umrii waggaa 11 irraa jalqabee akadaamii keessatti kaappiteena garee ta'uun filatamaa ture. Kunis dandeettii taphaa qofa osoo hin taane amala hoggansaa fi kutannoo inni qabu agarsiisa. Kaasamiroon ijoollummaa isaatti taphattoota kaan irra humnaan jabaa baay'ee jabaa ture

Haa ta'u malee jireenyi isaa qormaata fayyaas ni qaba ture. Kaasamiroon yeroo dargaggummaa isaa dhibee tiruutiin qabamee yeroo muraasaaf kubbaa miilaa irraa fagaatee ture. Garuu kallaattii abdii kutachuu osoo hin taane kallaattii jabaatee deebi'uu filate. Inni rakkina kanaan hin jilbeenfanne caalaatti jabaatee deebi'uun garee São Paulo isa guddaatti waggaa 18tti ol guddate. Seenaan Kaasamiroo hiyyummaan gufuu abjuu akka hin taanee fi abbaa malee gudachuun milkaa'ina akka hin dhorkine nu barsiisa. Inni mana dhiphoo keessatti nyaata dhabuun guddatus abjuu isaa garuu dhiphisee hin laalle

Abbaan isaa isaan gatus inni garuu haala sana akka sababaatti osoo hin fayyadamin haadha isaa gargaaruuf jabaatee hojjate
Itti fufaa......