رغم أنه انطوائي وحذر بس ما بحب يشتغل بشكل منفرد، طيب كيف يعني ما فهمنا هي؟!
تمام يعني بكفي يكون معه ناس بالغرفة إلي عم يشتغل فيها حتى لو ما حكى مع حدا كلمة وحدة، أو مثلاً لما بيقعد مع عيلته بكون وقته معن عبارة على أنن يقعدوا سوا يشوفوا تلفزيون بدون مبادلة الكتير من الأحاديث..
تعقدت من هالشخصية الغريبة ما؟ وما عم تعرف كيف رح تتعامل معها بكل بساطة هنن بيتفقوا مع الأشخاص إلي بيوثقوا فين يعني فوت على دائرتن الصغيرة بتعرف طباعن وأفكارن..
سهل التعامل والتكيف مع هالنمط لا تخاف، بس بعّد عن الغموض معن لا تجادل لا تتحمّس قد ما جبتلن مقترح مميّز ومضمونة فائدته مارح يبينوا أي اهتمام، برضو الصبر والصبر لأن إذا بدك رأين بأي موضوع لا تنطر مارح يعطوك ياه مباشرة وهون بيجي عليك الدور تكتر أسئلة، تسأل عن مقترحاتن وتخيرن بين مقترحين حسب رأين وهيك ممكن تحصل عليه..