شَاسْتَاــShasta🌼

تعالِجُ الداءَ بالداء،
الكذبة
بكذبةٍ أكبرَ منها،
والزيف
بزيفٍ أجلّ منه!
تعشقُ عُصبة العينين تلك
لا تنكر...
فأنّي لأرى ابتسامتك داخل ضياعك
لا ألومك...
فإنّ بريق الوهمِ جذّابًا أكثر
ومن سيفضِّلُ شُحوب الحقيقة!

¹²'¹²
🕯️✨

|سُــلـاف|

القلم الذي اعتاد أن يكتب عن الحزن، الألم أو الخُذلان حينما يكتب الفرح أو الأمل تغزوه مشاعر الخيانة جيّوشاً اتّجاه صاحبه كما الفرشاة الّتي ترسم البسمة على وجه مهرجٍ باكي...

وحالي كما حال الساعة التي تعمل... وليس لها خيار التوقّف أو الراحة أو الهروب✨

|سُـلاف|

كان بدي نحكي ونناقش موضوع بس اجلته ما عجبني التفاعل خالص🙆🏻‍♀️
رح بنشر شعر ظبطوا التفاعل ها وبحبكن🥹💘

ما سدّ اللّه على مؤمن بابَ رزقٍ إلّا فتح له خيراً منه إن صَبر🤍

-الإمام علي كرّم الله وجهه.

هلق صراحة ما في شخص مثالي، والخوف جزء من فطرتنا كبشر، كشعور بيجي من أشيا كتيرة وغالبا بيكون بسبب أنو مافي بيئة داعمة (انتقاد أو رفض مرة حدا وجهه ألك فصرت تخاف يرجع يتكرر) أو حتى تجربة أو تجارب صارت بالماضي الفكرة هون كلنا عنا هاد الشعور بس أسبابه عند كل شخص مختلفة عن التاني أوقات بتلاقي شخص بخاف من الفشل التاني بخاف أنو يبطل يكون محبوب خصوصاً إذا كان مأظهر شخصية غير شخصيته الحقيقية أو متل ما قلنا خوف من تكرار تجربة سيئة أو حتى خوف من تجربة جديدة
لهيك حدد سبب خوفك لتقدر تتعامل معه..
أنت/أنتِ شخص كتير قوي لمجرد أنك اعترفت بوجود خوفك لأن كتير بخبوه وبينكروا وجوده.
لازم صديقي تعرف سبب خوفك وتحدده لأن الخوف متل ما أوقات شي منيح بيحمينا، بينبهنا كمان إذا ما تعالج بمرضنا عقلياً أو جسدياً أو بخلينا نكتئب، نقلق ، نأدمن أو حتى نتصرف بعدوانية..
لهيك تقبّله وخليه دليلك وهون السؤال انو كيف بدك تخليه دليلك وهو أصلا عم يعقدك وموقّف حياتك؟ ركّز معي الخوف قلنا مو دائما شي سيء أوقات بكون لمصلحتنا طيب كيف مثلاً حبيت تجرب شي جديد برا الروتين تبعك برأيك ليش خفت؟ لأن أنت راسم ليومك خطة روتينية كل يوم عم تكررها ووقت تقرر تدخل شي جديد عالقائمة تلقائيا عقلك رح يخاف يفشل ليش لأن هيك مبدأ جسدنا بيلفظ أي شي غريب وجديد عنه لبراته..
طيب مو هون مشكلتك خايف من المستقبل كمان عادي طبيعي تخاف من شي أنت مو فهمانه ماهو أصلاً مجهول وما بتعرف خطره فبهي الحالة رح يخطر على بالك سيناريوهات بشعة وسيئة
في مقولة أنا بحبها وإلي هي "إنه مجرد أحمق الذي يقول إنه لا يخاف من أي شيء، لأنه لا أحد يعرف كل شيء"✨✨
رح اعطيك حل بحسه منطقي وعملي أنك أول شي توثق بحالك بكفي يكون شخص واحد بيدعمك بطريقك وخلي هالشخص يكون أنت نفسك تاني شي صديقي شو أسوء احتمال يصير من إلي خايف منه أي فكر فيه يعني شو رح يصير إذا فشلت عادي صح فشلت بس صار معك دروس رح تقدر تنجح بمساعدتها بالمرة الجاي وعفكرة شعور النجاح بعد الفشل كتير حلو لأن أنت كيف رح تحس بحلاوة النجاح إذا ما دقت مرار الفشل؟؟
أي وشو صار إذا ما قبلوك بهاد الفرع أو الوظيفة رح يقبلوك بشي تاني ما فكرت فيه وتأكد رح يكون أحسن ألك، شو يعني إذا رفضك شخص بتحبه بسيطة ما وقفت الحياة عليه مانها نهاية حياتك العاطفية..
في مرة قرأت قصة بكتاب لكاتب أمريكي انذكر حوار بين الشخصيات تبع القصة كانت سبب بنجاح الشخصية الي كانت خايفة من الفشل باختصار فيك تطبق هالمبدأ هاد أنو "أنت عملت كل شي واستعديت لهاد الشي(إلي خايف منه) وإذا نجحت كلشي منيح وإذا ما نجحت فرفقاتك رح يضلوا رفقاتك واعدائك رح يضلوا أعدائك والعالم رح يضل متل ما هو"

"لم أفشل عشرة آلاف مرّة، لقد نجحت في العثور على عشرة آلاف طريقة لا يمكن المصباح العمل بها"
"إديسون"

وتساقطت ورق الحياة كأنّما
فصل الخريف أتى بُفقدٍ داخلي


¹²‘¹²

# شَـاسْـتَـا✨

إذا بدكن منكفي بسلسلة تانية بيوم تاني عنوانها كيف تقدر تتلاعب أو يعني كيف فيك تأثر على الأنماط السلوكية التانية

بعرف لعيت كتير اليوم بس شوية توضيح مصطلح التلاعب عفكرة منستخدمه كتير نحنا بحياتنا متل لما نقنع شخص بفكرة ما كان بآمن بنجاحها أو أنو نقنع شخص بأنه هالوظيفة مناسبة إله أو حتى يغير وظيفته أو فرضا يستثمر امواله وعلى سبيل الحياة اليومية متل لما بتخلي اخوك يعطيك مصاري أو تخلي اختك تجلي عنك الجليات أو تخلي الشيف ماما تعملك الاكلات الي بتحبا🤣 ✨

بدي شوف التفاعلات من أصدقائي الداعمين 🫶🏻🩵

وأخيراً شكراً لقرأتكم وتفاعلكم وتصبحون على ما تتمنون✨🫶🏻
من شاستا وسلاف كل الحب ألكم🫶🏻🩵✨🥰

وعادي أوقات نلاقي شخص أحمر متواضع، شخص أخضر بيقدر يتعامل مع الضغوطات، شخص أصفر بيسمع للي عم يحدثه باهتمام وشخص أزرق بيعرف أيمت بوقّف أسئلة وكل هاد إلي انذكر بيتعلّق بالوعي الذاتي للفرد مع التنويه أنه بتظهر مشاكل التواصل مع الأفراد لما بيفتقر الشخص للوعي الذاتي..

وهيك خلصنا الأنماط بتمنى تكونوا حبيتوا الفكرة واستمتعتوا فيها🫶🏻
وهلق خبروني شو طلع نمط شخصيتكم أنا الأصفر مع بقع من الأزرق🤣🥹👀🩵
رابط الصراحة ناطر حكياتكن اللطيفين وناطر أنماطكن ورأيكن🩵🫶🏻
http://t.me/SY8Bot?start=R10GRhRwei

بيتعمق بالحلول والحقائق وبيسأل كتير حتى ما تفوته أي معلومة فيبوصل ل لبّ المشكلة بسهولة.
وعلى عكس الأحمر ما بشوف الصورة الكبيرة بس بيركّز على التفاصيل منظّم مستحيل ينتقل لعمل قبل ما يخلّص إلي بأيده..
ها وإذا بدك رأيه بموضوع أسأله مباشرة روح قلبه النقد رح يقلك رأيه مباشرة وفوقا كومة تعليقات باقتراحات لتصير أحسن ورح يدجّك ياها دجّ لأنه لا بحب يفكر بكلامه ولا بحب يجامل أصلاً✨🙂
خفت بعد كل هاد الي قريته من التعامل معن ما هيك؟
بس أنا رح قلك خليك بالموضوع إلي عم تحكوا فيه وما تطلع براته خالص متل الأحمر تماماً.
ولا تتوقّع أي ردة فعل بتتضمّن أي حماس مهما كان موضوعك مفيد ومثالي ومافيه عيوب متل النمط الأخضر بس الفرق أنه هو ما بيحتاج ليشاركه حدا بوجهة نظره ورأيه.
لا تحضر نقاش معه إذا ما كان معك الدلائل إلي باني عليها وجهات نظرك لأن رح يسألك عن مصدرها وكيف توصلت لهالاستنتاجات وإذا ما كنت جاهز رح يصدر حكم مسبّق عليك بأنك ما بتعرف شي من شي..
لا تهمله للشخص الازرق أبداً، ترا ممكن تشوف حالك مسيطر على كلشي بس بنفس الوقت هو بشوفك عادي ومانك مبّهر بالنسبة إله، رح يطلع اخطائك الإملائية والنحوية واختلاف أنماط الفقرات ويهمّش على المميّزات وعفكرة مارح يقلك على أغلاطك رح يسجلها على جنب بس..
منجي للنقطة الأهم إذا بدك ياه يهتم لحديثك فوت بالتفاصيل والحقائق وكيف رح تخطط وتنظّم وهيك أمورك بالسليم..
-وأخيراً صعب كتير تخدع هاد النوع رح يكشفك فوراً..

النمط الأزرق والأخير:
الشخصية المتلزمة
وهيي المتحكمة أو المهووسة بالتحليل انطوائية حذرة لاستثنائية...
منلاقي هود الأشخاص محايدين حتى بتعابير وجهن يعني ماراح يقابلوك بابتسامة عريضة بس لأنك ابتسمتلن فيها مارح يبتسم إلا إذا كان في شي بيستحق هالإبتسامة، طبعاً والموضوع هون مو بس بيتعلق بمشاعر الفرح لا وكمان عندك مشاعر الحزن والغضب مارح تلاقيها وبحاولوا يضلوا على نفس الوتيرة الهادية وببعدوا عن الانزعاج عطول وكمان عن الضجة والغلبة بيفضلوا يكونوا بسيطين ونادراً ما يشاركوا إنجازاتن مع الناس التانيين عالعكس بيحتفظوا فيهم لألهم بس مو لأنو ما بيرتاحوا بالمدح متل الأخضر، لا لأنهم ما بحبوا الإطراء..
حتى أنهن ما بصافحوا أو بقوموا بأي إشارة إلا إذا اتطلب الموضوع بما يعني لغة جسدن متزّنة..
شخصية محايّدة متل اللون الازرق تماماً اسم على مسمّى..
صاحب هي الشخصية هادئ وبيهتم بالتفاصيل لأبعد درجة، بجيّد الحديث والكلام بس بصيّاغة معيّنة طيب ما فهمت أصلاً كيف هيك؟!
يعني هو بضل هادي بالحديث بنفس طبقة الصوت لأن بالنسبة إله محتوى الحديث أهم من طريقة أو أسلوب عرضه..

عطول منلاقي في خلافات كبيرة بين الأحمر والأخضر طيب لي؟ لأن الأحمر بيركز على المهام والسرعة عكس الاخضر إلي بيتوتر إذا انطلب منه إجابات فورية وقرارات سريعة.. لهيك منشوف الأحمر عم يتدخل بالأخضر وبهزئه على بطئه لأن الأحمر عدا عن أنه سريع كمان بيبذل مجهود خرافي ليحقق هدفه بينما الأخضر مريَّح وعم يشرب قهوته ببرود..

في عندي فرق مهم بين الأحمر والأصفر والأخضر وإلي هو المدة بين التفكير والفعل، متل ما قلنا قبل الأحمر شي بيحكي بينفذ فوراً، الأصفر كمان مع أول فكرة بيجنّد أتباع لحتى يقوموا بالفكرة، أما الأخضر على العكس تماماً إذا حس ما في ترحيب لفكرته ما بيقدم ولا خطوة بطريق تنفيدها.

رغم أنه انطوائي وحذر بس ما بحب يشتغل بشكل منفرد، طيب كيف يعني ما فهمنا هي؟!
تمام يعني بكفي يكون معه ناس بالغرفة إلي عم يشتغل فيها حتى لو ما حكى مع حدا كلمة وحدة، أو مثلاً لما بيقعد مع عيلته بكون وقته معن عبارة على أنن يقعدوا سوا يشوفوا تلفزيون بدون مبادلة الكتير من الأحاديث..
تعقدت من هالشخصية الغريبة ما؟ وما عم تعرف كيف رح تتعامل معها بكل بساطة هنن بيتفقوا مع الأشخاص إلي بيوثقوا فين يعني فوت على دائرتن الصغيرة بتعرف طباعن وأفكارن..
سهل التعامل والتكيف مع هالنمط لا تخاف، بس بعّد عن الغموض معن لا تجادل لا تتحمّس قد ما جبتلن مقترح مميّز ومضمونة فائدته مارح يبينوا أي اهتمام، برضو الصبر والصبر لأن إذا بدك رأين بأي موضوع لا تنطر مارح يعطوك ياه مباشرة وهون بيجي عليك الدور تكتر أسئلة، تسأل عن مقترحاتن وتخيرن بين مقترحين حسب رأين وهيك ممكن تحصل عليه..

النمط التالت
النمط الأخضر:
الشخصية الخاضعة
ملك الراحة، بيعطيك دفّة القيادة لتاخد القرارات عنه بيموت بعبارة "مافيني كتير من هيك يعني" بحب يتكّل عالناس وبنفس الوقت الناس تتكّل عليه، ما بفوت بجدال أو نقاشات ما بعذب حاله بالمرة وغالباً ما بيتفق مع إلي بينقال بس ما بعبّر عن رأيه أو بعبّر عنه على انفراد مع حدا مقرب إله وأكبر خطأ أنك تفكره بلا رأي..
أصحاب الشخصية الخضراء أوفياء بحبوا يكونوا إلي حوالين أشخاص مبسوطين حتى لو على حسابن، صادقين وودودين ما بيقدروا حتى يفكروا بأذى حدا، صبورين محبوبين وكمان باردين لدرجة ما بينصابوا بالتوتر يعني ثبات انفعالي حلو..
أكتر ميّزة حلوة عندن هيي الهدوء بفضله بيقدروا يسألوا الناس التانيين عن رأيهم وهيك بصير عندن آراء جديدة ومختلفة مع أفكار مميّزة.
تفكير صاحب هالشخصية منحصر بأنه يحقق الاستقرار ومع هيك فهو بيتجنب وبخاف من أي تغيير بس بينكّر هالشي وبيقول أنه بحب التغيير ليش عشان يتهرب من شرح رأيه بكل بساطة أما بالحقيقة هو بفضّل تضل الأمور على حالها.

طيب بما أنه سعيد وبحب الحياة وفيه يخلق جو فرح وسعيد دون مساعدة حدا هل يا ترا رح يكون سعيد بدون الناس؟
وهون الإجابة الصادمة "لا" لأنه هو كائن اجتماعي جوّه أنه يكون بين الناس وإذا تركته وحيد رح تدبل وتموت شخصيته..
الشي إلي بمميّز هي الشخصية أنها مبدعة بكل معنى الكلمة بتقدر توصل لأفكار بتخليك تصفن مع حالك أنو كيف قدر يوصل إلها.. بس هون أنت كمستمع بدك تدوّنها فوراً لأن غالباً ما رح يهتم الشخص الأصفر بكتابتها وحتى بعدين يمكن ما يتذكرها..
أهم سمّة للتعامل مع الأصفر هي الإبتسامة فأنت هيك عم توحّي إله بالإيجابية والتفاؤل
أما السمّة التانية انتقده بالوقت المناسب وبينك وبينه لأنّه شخص حساس جداً والانتقاد السلبي العلني رح يجرح غروره خصوصاً إذا كان بين الكل..

وأخيراً هي الشخصية سهل ينلعب عليها لأنها حساسة وبتنجرح بالكلام والنقد السلبي..

النمط التاني
النمط الأصفر:
الشخصية المؤثّرة
شخصية لبّقة إيجابية مبتسمة للكل، بمنظور الشخص الأصفر الحياة رائعة وبتلاقي جهات اتصاله قائمة طويلة عريضة ويا دوب بتحكي معه لفترة قصيرة بيطلب حسابك على فيس، انستغرام لأنك أنت هلق صديقه..
بطبيعة الشخص هاد أنه منفتح على الناس يعني بيقدر يحكي بشكل مريح وسريع عن أي شيء يعني عنده تلقائية عفوية ملفتة..
بتميّزه بتحمسه الكبير يعني إذا أجيت لتصافحه رح يصافحك بقوة ورحابة ولكن مانها أقوى من اللازم لأنه ما بيحتاج يفرض هيمنته بالعكس بمد أيده ليعبر عن سعادته بلقائك، عنده قدرة رهيبة بالإقناع بتخليك توافق رأيه وتحس بأنه هاد الشي إلي دورت عليه من زمان..
السمّة التانية أنه بيحكي كتير وبيسأل أكتر وكتير أوقات ما بتلاقيه عم يسمع لإجابتك بس حتى لو ما بيسمعلك، عاطيك مجال تحكي وتعبّر عن رأيك. علماً أنه هو بس بيحكي كتير ليخلق أجواء دافية لأنه شخصيته عشوائية بامتياز ما بتهتم للترتيب والتنظيم، بتبرع بالبدايات بس بتفتقر القدرة أنه تواصل للنهاية ومع هيك ما يعني أنها بتستسلم بالعكس تماماً..
متل مثلا الكاتب
بتخطرله فكرة مميزة وفريدة جداً من نوعها أوك أجا كتبها وماعد أجاه الشغف يكملها فراحت لمقبرة النصوص المو مكتملة بس بالنهاية صح ما كفى هي الفكرة بس هو مستمر بالكتابة ما وقّف رغم انعدام الشغف🤷🏻‍♀️✨