T.N.T.X. 牆內分享平台


Channel's geo and language: not specified, not specified
Category: not specified


T.N.T.X. 是一個平台給在囚手足分享所思所想,透過發佈文章、畫作或其他類型的創作,讓牆外了解在囚手足的生活、想法和需要。
創作可讓手足自食其力,亦成為他們在牆內一樣寄託。


Channel's geo and language
not specified, not specified
Category
not specified
Statistics
Posts filter


我哋係一班因反送中同後續嘅抗爭而被捕還押咗一段時間嘅手足,知道牆外有唔少仍然未遺忘我哋嘅人,透過唔同嘅方式去關注牆內嘅手足,例如化身寫信師,旁聽師,送車師,或者捐錢、捐物資去唔同組織,呢份心意我哋係絕對感受得到,亦都心存無限感謝! 但係畢竟大部分在囚手足都唔係備受注目嘅政治明星或者民主女神,如非走上呢條路,背負上呢個罪名,成為某些筆友信中所稱呼嘅「義士」之前,我哋都只係熱愛香港嘅平凡人,大眾媒體固然唔會花篇幅去報導藉藉無名,冇新聞價值嘅人,而牆外人想了解我哋嘅狀況,都只可以通過一啲不時扮演「在囚手足代言人」嘅政客喺報章上嘅三言兩語。因此我哋有一個想法,牆內手足與其被代言,由其他人一知半解地講我哋嘅故事,倒不如創立一個由我地自己做主導嘅平台,讓任何一位身在囚穿嘅手足以第一身去發言,呢個就係開啟Patreon 嘅原因。 我哋希望呢個Patreon Page成為一個供各在囚手足分享所思所想嘅平台,可以透過發佈文章、日記或者唔同類型嘅創作,去讓牆外了解我哋生活、想法同需要,令到在囚手足唔只係一個名字或者一個編號,而係以一個「人」嘅型態,有血有肉有温度咁呈現喺大家面前。 因應香港人現時生活喺國安法天下,處處是無形嘅紅線、陷阱,任何眾籌、集資隨時都會引來政權嘅無理打壓,為免替訂閱者同呢個Patreon Page 嘅管理人員招來不必要嘅麻煩,我哋特此聲明呢個平台並非用作眾籌之用,而所有訂閱和作品分享帶來嘅一切收入,都會留待參與嘅在囚手足之後共同決定用途。




隨著国安法模糊的紅線,我城人心惶惶。然而,在迷失和徬徨的氛圍下,仍有很多有心人一直關心我們一班身陷牢獄嘅手足,這份心意我們無以為報。

寂寂無名的手足缺乏關注度,甚至有被代言的情況。有見及此,我們想開設一個平台比任何身穿囚衣的手足發表所思所想,以令外界更緊貼不同手足的生活。希望外界更注重手足的想法,而不是單單了解他們被強加的罪名。

開設牆內分享平台,目的為分享手足在牆內的日常,信在,人在,心在。平台讓手足能夠自食其力,亦為他們帶來動力。希望大家欣賞手足的創意,而非帶着同情、贖罪的心態去支持,他們的創作價值由你們來定義。

盼望我們心中信念不滅,猶如火屑亦能照亮黑暗。

「避唔到,就一齊捱。」

~~~~~~~~~~~~~~
❤️‍🔥 Patreon: patreon.com/tntx ❤️‍🔥
各Tier分享內容相同,讀者請按心目中的價值加入吧

FB: TNTX牆內分享平台

3 last posts shown.

5

subscribers
Channel statistics