❝ဘုန်းကြီးကျောင်းမှာ ဝေယျာဝစ္စလုပ်ကိုင်နေသူ အမျိုးသားတစ်ဦးကို အကြမ်းဖက်ရေးဘီလူးအဖွဲ့က သေနတ်ဖြင့်ပစ်သတ်သွား❞

𝙈𝙃𝙏𝙉𝙀𝙒𝙎《𝘿𝙀𝘾～𝟐𝟎》

မွန်ပြည်နယ်၊ ရေးမြို့နယ်၌ ဘုန်းကြီးကျောင်းမှာ ဝေယျာဝစ္စလုပ်ဆောင်နေသည့် အမျိုးသားတစ်ဦးကို အကြမ်းဖက် ရေးဘီလူးအဖွဲ့က ယနေ့ ဒီဇင်ဘာ ၂၀ ရက်၊ နံနက် ၇ နာရီအချိန်ခန့်တွင် သေနတ်ဖြင့်ပစ်ခတ်သတ်ဖြတ်သွားခဲ့သည်ဟု ဒေသခံများထံမှ သိရသည်။

သတ်ဖြတ်ခံရသူမှာ ရေးမြို့နယ်၊ ဒူးယားကျေးရွာတွင်နေထိုင်သည့် အသက် ၅၃ နှစ်အရွယ် ဦးညို ဆိုသူဖြစ်သည်ဟု သိရပြီး ၎င်းကျေးရွာရှိ ဂူကတောဘုန်းကြီးကျောင်း၌ ကျောင်းဝေယျာဝစ္စလုပ်ဆောင်နေစဉ် ရေးဘီလူးအကြမ်းဖက်အဖွဲ့က ‌သေနတ်ဖြင့် ပစ်ခတ်ခဲ့ခြင်းဖြစ်သည်ဟုဆိုသည်။

ထိုသို့ ပစ်ခတ်ခံရမှုကြောင့် ဦးညိုတွင် ဝဲဘက်လက်ဖျံကျည်ဖောက်ဝင်ဒဏ်ရာ တစ်ချက်၊ ယာဘက်လက်ဖျံ ကျည်ဖောက်ဝင်/ထွက်ဒဏ်ရာ လေးချက်၊ ယာဘက်လက်ကောက်ဝတ် ကျည်ဖောက်ဝင် ဒဏ်ရာ တစ်ချက်၊ ဝဲဘက်ရင်အုံကျည်ဖောက်ဝင်ဒဏ်ရာ နှစ်ချက်၊ ဝဲဘက်ပုခုံးကျည်ဖောက်ဝင်ဒဏ်ရာ တစ်ချက်၊ ဝဲဘက်ပေါင်ကျည်ဖောက်ဝင်ဒဏ်ရာ တစ်ချက်၊ ကျောကုန်းကျည်ဖောက်ဝင်/ထွက်ဒဏ်ရာ တစ်ချက်တို့ရရှိကာ သေဆုံးခဲ့ခြင်းဖြစ်ကြောင်း သိရသည်။
#𝙈𝙃𝙏𝙉𝙀𝙒𝙎