على كثر التعب في صدري المرتاب
ماعاد أحس .. بإن الكون يعنيني

وانا وأصحابي الغالين والأحباب!
وشعوري بين أحبّ.. وما يحبوني

أبيهم في العمر أقرب من الاهداب
تعبت أشيل خيباتي..على متوني

كتبت الحزن ليت الحزن ماينساب
ويصحّي ذكريات التيه.. بعيوني

جروحي كل مابانت وضنّي خاب
لعنت الهم خوفي لا .. يذلّوني

وأنا، ياعيني الذُبّل حنين أصحاب
أخاف ان شفتهم صدفة،،يتعدّوني

تعبت أعيش عمري وبـ أمل كذاب
وأعشّم عمري ... فـ بكرة يمروّني

يمرّ العمر ماأحسب لأي حساب
ولا اعاتب ...غياب اللي يخلوّني

شعور أقرب لموتي ..بشوفة الغيّاب
أمثّل ضحكتي ..والشوق فـ عيوني

وأغيب بزحمة الدنيا وبدون أسباب
واذا ما يذكروني ... عمرْ ينسوني
-صافية