ውዳሴ ቤቴል - Widase Betel

⭕️ ጥበብ ከማር ትጣፍጣለች ከስኳርም ትመረጣለች ፤ ከሷ የቀመሰ ጨምሩልኝ ጨምሩልኝ ይላል እንጂ በቃኝ ጠገብኩ አይልም ፡፡

☦ እድሜውን ሙሉ ሲመገባት ቢኖር እንኳን አይሰለቻትም ።


✝ #ጥበብ ማለት እግዚአብሄርን መፍራት ነው ። ✝

----
🔔 ውዳሴ ቤቴል

☦ @widase_betel
🔘 @widase_betel
☦ @widase_betel

ዛሬ "ሆያ ሆዬ" ጭፈራ ላይ ያሉ ስንኞች ትርጓሜን ቀንጨብ አድርገን ብንመልከትስ፦

"ሆያ ሆዬ ሆ"፦ ማለት ጌታዬ ሆዬ ፥ እሜቴ ሆዬ ማለት ነው፡፡

"እዚያ ማዶ ጢስ ይጤሳል"፦ የተባለበት ምክንያት እስራኤላውያን በበረሃ ለአርባ ዓመታት ሲጓዙ ደመና እየጋረደ (እየጤሰ) ስለመራቸው ነው፡፡

"አጋፋሪ ይደግሳል"፦ የተባለው በሚከተሉት ምክንያቶች ነው፤

፩. ቅዱስ ሚካኤል እስራኤላውያንን "በዕደ መልአኩ ይዕቀበነ፥ ሰላመ ዚአሁ የኀበነ" እንዲል፤ በአምላክ ትዕዛዝ ቅዱስ ሚካኤል መናን ከደመና፥ ውኃን ከጭንጫ ዓለት እያፈለቀ (እየደገሰ) መርቷቸዋልና ነው፡፡

፪. የአብነት (የቆሎ) ተማሪዎች በክረምት ሲለምኑ የቆዩትን አጠራቅመው፤ የደብረ ታቦር ዕለት ብርሃነ መለኮቱን የገለጠ ጌታ ለእኛም እንዲገልጥልን በማለት ደግሰው ለሕዝብ ስለሚያበሉና ስለሚያጠጡ ነው፡፡

"ያችን ድግስ ውጬ ውጬ"፦ የተባለውና በድግስ የተመሰለው መና ሲሆን፤ በደጋሹ ቅዱስ ሚካኤል አማካኝነት እስራኤላውያን ለአርባ ዓመታት መመገባቸውን (መና መዋጣቸውን) ለማስታወስ ነው፡፡

"ከድንክ አልጋ ተገልብጬ"፦ ድንክ አልጋ የምትመች እንደሆነች ሁሉ፥ በድንክ የምትመሰለውንና የምትመቻቸውን የተስፋይቱ ምድር ኢየሩሳሌምን መውረሳቸውን ለመናገር ነው፡፡

"ያቺ ድንክ አልጋ አመለኛ፥
ያለአንድ ሰው አታስተኛ"፦ መባሉ እስራኤላውያን ከግብፅ ምድር ሲወጡ 600,000 ቢሆኑም አብዛኞቹ በምድረ በዳ አልቀው ኢየሩሳሌምን የወረሷት ሴትና ሕፃናት ሳይቆጠሩ፤ አንድ ኢያሱና ካሌብ በመሆናቸው ነው።

በኦርቶዶክስ ተዋሕዶ እምነት ይህን መሰል ትርጓሜ የሚሰጠው የ"ሆያ ሆዬ" ጭፈራ በተለይ ከእኛ ትውልድ ጀምሮ ዓለማዊ መልክ እየያዘ ከመምጣቱ በተጨማሪ ግጥሞቹ እየተሰረዙና እየተደለዙ በሌላ ስንኝ ተቀይረዋል፤ ከቅርብ ዓመታት ወዲህ ግጥሙ ተበርዞ ስሰማ ይከፋኝ ጀመር። ዝርዝሩን ለመመልከት በጣም ሰፊ ጥራዝ ስለሚያስፈልገኝ ለዛሬ በዚሁ ይብቃኝ።

.........................................

🔔 ውዳሴ ቤቴል

☦ @widase_betel
🔘 @widase_betel
☦ @widase_betel

🤔 ​ #ሲኦል ምን ትመስላለች ?

⁺ አንድ ተማሪ ወጣት እድሜ ጠገብ ወደ ሆኑ አረጋዊ ቀርቦ "አባቴ ሆይ ሲኦል ምን ትመስላለች?" ሲል ጠየቃቸው፣

አረጋዊውም ሲመልሱ :- ልጄ ስለዚህ ነገር የሰማሁትን አንድ ታሪክ ላጫውትህ :-

በአንድ ወቅት እግዚአብሔርን ገነት እና ሲኦል ምን እንደሚመስሉ ያሳየው ዘንድ አጥብቆ የሚለምነው አንድ የዋህ ሰው ነበር፡፡ ከእለታት በአንደኛውም ምሽት ይህ ሰው ‹ሲኦል ምን እንደምትመስል ና ላሳይህ› የሚል ድምፅን ይሰማል፡፡ ወዲያውም ምግብ የተሞላበት ማሰሮ በጠረጴዛው ላይ ካለበት እና ብዙ ሰዎች በገበታው ዙሪያ ተሰብስበው ከተቀመጡበት ክፍል ውስጥ ራሱን አገኘ፡፡ እያንዳንዳቸውም ሰዎች ዘንጋቸው የረዛዘሙ ማንኪያዎች ይዘዋል፡፡ ነገር ግን ምግቡን ምንም ከማሰሮው ውስጥ ማውጣት ቢችሉም ምግቡን የተሸከመውን የማንኪያውን ጫፍ ግን ወደ አፋቸው ማድረስ አልተቻላቸውም፡፡ በዚህም ምክንያት አንዳንዶቹ ያጉረመርሙ፣ አንዳንዶቹም ይጮሁ፣ ሌሎቹ ደግሞ ያለቅሱ ነበር፡፡

በመቀጠልም ያ የዋህ ሰው ‹ገነትም ምን እንደምትመስል አሳይህ ዘንድ አሁኑኑ ና› የሚል ተመሳሳይ ድምፅን ሰማ፡፡
አሁንም እንደ ቀድሞው ብዙ ሰዎች በጠረጴዛ ላይ ባለ ማዕድ ዙሪያ ከተሰበሰቡበት ሌላ ክፍል ራሱን በድንገት አገኘ፡፡ እነዚያም ሰዎች እንዲሁ ከቀድሞው ጋር ተመሳሳይ ርዝመት ያላቸውን ማንኪያዎች በእጃቸው ይዘዋል፡፡ ነገር ግን ሁሉም ሰዎች ጠግበው እና ደስተኛ ሆነው ይታዩ ነበር፡፡ ምክንያቱ ደግሞ አንዱ ሰው ማንኪያውን ወደ ማሰሮው በማጥለቅ ለእርሱ የቀረበውን ሰው በመመገብ እርስ በእርስ ይመጋገቡ ስለ ነበር ነው፡፡

-በዚህ ዓለም እያለህ እንዴት ራስህን በገነት የምትኖር ያህል እንዲሰማህ ማድረግ እንደምትችል አሁን ተረዳህን? መልካምን የሚያደርግ ማንም ቢኖር ደስታ ይኖረዋል፡፡ ምክንያቱም አምላካዊ መጽናኛን ይሸለማልና፡፡ መልካም ያልሆነውን የሚያደርግ ደግሞ ስቃይ ያገኘዋል። እንደ ገነት የነበረውንም ምድር ወደ ሲኦል ይቀይረዋል፡፡

ፍቅር፣ መልካምነት በውስጥህ አሉን? እንዲህ ከሆነ አንተ ምድራዊ መልአክ ነህ፡፡ በምትሄድባቸውና በምትቆምባቸው ቦታዎች ሁሉ ከአንተ ጋር ገነትን ተሸክመሃታል፡፡

ጥልቅ የሆነ የንዴትና የብስጭትስ ስሜት ይሰማሃልን? ሁል ጊዜ በሆነው ባልሆነው ትቆጣለህ? እንዲህ ከሆነስ በአንተ ውስጥ ክፉ ዲያብሎስ አለ፡፡ በምትሄድባቸውና በምትቆምባቸው ቦታዎች ሁሉ ከአንተ ጋር ሲኦልን ተሸክመሃታል፡፡

ዲያቆን አቤል ካሳሁን
--------------


🔔 ውዳሴ ቤቴል

☦ @widase_betel
🔘 @widase_betel
☦ @widase_betel

◈ መዝሙረ ዳዊት ◈

ለመዘምራን አለቃ፤ ወደ ቤርሳቤህ ከገባ በኋላ ነቢዩ ናታን ወደ እርሱ በመጣ ጊዜ፤ የዳዊት መዝሙር።


1 አቤቱ፥ እንደ ቸርነትህ መጠን ማረኝ፤ እንደ ምሕረትህም ብዛት መተላለፌን ደምስስ።

2 ከበደሌ ፈጽሞ እጠበኝ፥ ከኃጢአቴም አንጻኝ፤

3 እኔ መተላለፌን አውቃለሁና፥ ኃጢአቴም ሁልጊዜ በፊቴ ነውና።

4 አንተን ብቻ በደልሁ፥ በፊትህም ክፋትን አደረግሁ፥ በነገርህም ትጸድቅ ዘንድ በፍርድህም ንጹሕ ትሆን ዘንድ።

5 እነሆ፥ በዓመፃ ተፀነስሁ፥ እናቴም በኃጢአት ወለደችኝ።

6 እነሆ፥ እውነትን ወደድህ፤ የማይታይ ስውር ጥበብን አስታወቅኸኝ።

7 በሂሶጵ እርጨኝ፥ እነጻማለሁ፤ እጠበኝ፥ ከበረዶም ይልቅ ነጭ እሆናለሁ።

8 ሐሤትንና ደስታን አሰማኝ፥ የሰበርሃቸውም አጥንቶቼ ደስ ይላቸዋል።

9 ከኃጢአቴ ፊትህን መልስ፥ በደሌንም ሁሉ ደምስስልኝ።

10 አቤቱ፥ ንጹሕ ልብን ፍጠርልኝ፥ የቀናውንም መንፈስ በውስጤ አድስ።

11 ከፊትህ አትጣለኝ፥ ቅዱስ መንፈስህንም ከእኔ ላይ አትውሰድብኝ።

12 የማዳንህን ደስታ ስጠኝ፥ በእሽታ መንፈስም ደግፈኝ።

13 ለሕግ ተላላፎች መንገድህን አስተምራለሁ፥ ኃጢአተኞችም ወደ አንተ ይመለሳሉ።

14 የመድኃኒቴ አምላክ እግዚአብሔር ሆይ፥ ከደም አድነኝ፥ አንደበቴም በአንተ ጽድቅ ትደሰታለች።

15 አቤቱ፥ ከንፈሮቼን ክፈት፥ አፌም ምስጋናህን ያወራል።

16 መሥዋዕትን ብትወድድስ በሰጠሁህ ነበር፤ የሚቃጠለውም መሥዋዕት ደስ አያሰኝህም።

17 የእግዚአብሔር መሥዋዕት የተሰበረ መንፈስ ነው፥ የተሰበርውንና የተዋረደውን ልብ እግዚአብሔር አይንቅም።

18 አቤቱ፥ በውዴታህ ጽዮንን አሰማምራት፤ የኢየሩሳሌምንም ቅጽሮች ሥራ።

19 የጽድቁን መሥዋዕት መባውንም የሚቃጠለውንም መሥዋዕት በወደድህ ጊዜ፥ ያን ጊዜ በመሠዊያህ ላይ ፍሪዳዎችን ይሠዋሉ።


...............

📜 መዝሙር ፶ \ 51

🟩⬜️🟨⬜️🟥

☦ @widase_betel

🙏 #ሰላም የውዳሴ ቤቴል አባላት በሙሉ !

👉 ውዳሴ ቤቴል ቻናል ላይ አስተዳዳሪ ሆኖ ማገልገል ለሚፈልጉ የኦርቶዶክስ ተዋሕዶ ልጆች ክፍት ነው 🙏

👉 በዚህ ያሳውቁን @widase_bot

🕯🕯🕯

ሁለተኛው ሻማህ ካልጠፋ ሌሎቹ ይበራሉ

(አባት ልጃቸውን ሲመክሩ)
ጥንት ነው አሉ አንድ ሰው ከሰማይ ወደዚህ ና ! ተመልከትም የሚል እንደ ውሃ የሚፈስ ድምጽ ሰማ፡፡ ሄደ! አየም እነሆ በአንድ እጅግ ጠባብ በሆነ መንገድ ላይ ሶስት ሻማዎች ይበሩ ነበር፡፡ የሚገርመው የመጀመሪያው ሻማ እምነት ሁለተኛው ተስፋ ሶስተኛውም ፍቅር የሚባሉ ስሞች ነበሯቸው፡፡

ድንገት ግን ታላቅ ነፋስ ከምዕራብ ነፍሶ እምነትና ፍቅር የተባሉትን ሻማዎች አጠፋቸው፡፡ ሁለተኛው ተስፋ የተባለው ሻማ ግን በብዙ ትግል ከመጥፋት ሲተርፍ ተመለከተ በዚህን ጊዜም በታላቅ ድምጽ ጮኸ ፡፡ እምነትና ፍቅር የተባሉት ሻማዎች ጠፍተዋል ወድቆ አለቀሰ፡፡ ወዲያውም ከምስራቅ በነጭ ደመና የተቀመጠ በዘመናት የሸመገለ ሰው መጥቶ ልጄ ሆይ አይዞህ አትዘን የእምነትና ፍቅር ሻማዎች ቢጠፉም የተስፋ ሻማ ስላለ እንደገና ሁለቱን ሻማዎች ማብራት ይቻላል አለው፡፡ ተስፋ የተባለውም ሻማ አንስቶ እምነትና ፍቅር የተባሉትን ሻማዎች ለኮሰና አበራቸው፡፡ ፍጹም ብርሃንም ሆነ ልቡም ተጽናንቷልና እንባውም ታብሷልና ደስ አለው አመሰገነም፡፡
ልጄ ሆይ ሁል ጊዜም እግዚአብሔርን ተስፋ አድርገው እምነትህ ቢደክም ፍቅር ሲቀዘቅዝ ብታይስንኳ ተስፋ ቆርጠህ ወደ ኋላ አትመለስ፡፡ ነገ መለመጥን ተስፋ አድርግ እንጂ ክርስትና ከሥጋና ደም ጋር የምትታገልበት ሕይወት ሳይሆን ትግሉ ከጨለማ ገዥዎች ከክፋት መንፈሳውያን ሠራዊት ጋር መሆኑን አትዘንጋ፡፡ በሕይወትህ ውስጥ ጠላት ለማጥፋት የሚፈልገው ታላቅ የልብ ሻማ ተስፋ ነው፡፡ የልብህን ተስፋ አጥብቀህ ጠብቅ ተስፋ ካለ ሁሉን መልሰህ ማግኘት ትችላለህ፡፡ ተስፋ ከሌለህ ግን ልታምንም ልታፈቅርም ይከብዳል፡፡ ተስፋ የማታደርግ ከሆነ እንዴት ታምናለህ? ታፈቅራለህስ?
ስለዚህ ልጄ ሆይ ዛሬን ብትወድቅ ተስፋ አትቁረጥ ተነስ እንጂ ዛሬ እንደ ቃሉ በፍቅር መኖር ቢያቅትህ መፍትሔው ተስፋ መቁረጥ አይደለም፡፡ በእግዚአብሔር ተስፋ ማድረግ እንጂ ዛሬ በአገልግሎትህ ብትደክም ተስፋ ቆርጠህ ከቤቱ ከቶ አትውጣ፡፡ ከሐዋርያት ጋር ሆነህ ጌታ ሆይ ወደ ማን እሄዳለሁ? አንተ የዘላለም ሕይወት ቃል አለህ በለው፡፡ ዮሐ 6፡68 ከዳዊት ጋርም ሆነህ አሁንስ ተስፋዬ ማነው አንተ እግዚአብሔር አይደለህምን በለው መዝ 38፡7 ፍሬ ለማፍራትም በእርሱ ተስፋ አድርግ፡፡ በተስፋ ለምትጠባበቀው ለምትሻውም ነፍስ ጌታ ቸር የሚራራም ነውና፡፡ ልጄ ሆይ አዳም ከገነት ቢሰደድ ይዞ የወጣው ሌላ አይደለም ተስፋን ነው፡፡ በጌታ ቀኝ የተሰቀለው ወንበዴ እድሜ ልኩን በክፉ ስራ ቢኖርም ተስፋን ግን አልጣለም በመጨረሻ ትንፋሽ ላይ ሳለ ወደ ሕይወት ያደረሰችው ይህች ተስፋ አለመቁረጥ ናት፡፡ በግራ ያለውማ ተስፋ በመቁረጡ የእምነትና የፍቅር ሻማዎቹ ሊበሩለት አልቻሉም፡፡ እንግዲህ ልጄ ሆይ በጊዜውም ያለጊዜውም እርሱን ተስፋ አድርገህ ኑር፡፡ በፍጹም ተስፋ አትቁረጥ ቸር ያሰንብትህ፡፡
‹‹እግዚአብሔርን ተስፋ የሚያደርጉ ግን እነርሱ ምድርን ይወርሳሉ›› መዝ 36፡9
ለወደደን ከኃጢአታችንም በደሙ ላጠበን ለእርሱ ክብርና ኃይል ይሁን፡፡
አሜን 🙏


---------------

🔔 ውዳሴ ቤቴል

☦ @widase_betel
🔘 @widase_betel
☦ @widase_betel