•هَلاوِس•

أنا كل يوم بدخن وبحرق أعقاب كتير بس جوايا، بحرق أكتر كل ما حد قريب مني يغيب، كل ما العزيز يتغير ، بحرق لما اللي إدتيه كل حاجه وضيعت من عمري سنين علشانه ويهجر بيا، كل ما كنت بصدق الكذب، كل ما أبقي عالهامش لما أبقي آخر حاجه في ليستة حياتهم وإني أبقى علي دكة الاحتياط ، كل ما الحيطه اللي مسنوده عليها ترجع بيا لورا وميكفيهاش رجوعي لأ بتنزلني لـ سابع أرض ، كل ما ألمس حلم ويضيع مني، أنا بحرق بس بحرق نيكوتين روحي وزهرة عمري، أنا بحرق كتير لحد مبقاش في حاجه أحرقها، السِيجارة دي شبهي، شبهي من جوا ومن برا، التبغ ده أنا من جوا حاجه هاويه وضعيفه والورقه دي مظهري، أنا من جوايا ضعيفه وعاجزه إني أختار مظهر قوي أتظاهر بيه، بَس حلو شكلي وأنا بتحرق.