وجاااات العشر 😍 والي هتبدا إن شاء الله يوم 22/7
أول عشر أيام من ذي الحجة ! 🙈
مالها الأيام دي ؟ 😉
ورقة و قلم بسرعة وأكتبوا معايا 😃✋
قال تعالى :- { وَالْفَجْرِ * وَلَيَالٍ عَشْرٍ } 💙
- ايه دا هى مهمه اوى كدا عند ربنا لدرجة أنه سبحانه وبحمده أقسم بيها ! 😳
أخرج البخاري من حديث ابن عباس رضي الله عنهما انه قال رسول الله صلى الله عليه وسلم: " ما من أيام العمل الصالح فيها أحبّ إلى الله من هذه الأيام - يعني أيام العشر - قالوا: يا رسول الله ولا الجهاد في سبيل الله ؟ قال: ولا الجهاد في سبيل الله، إلا رجل خرج بنفسه وماله فلم يرجع من ذلك بشيء "
= يعنى ايييييية ؟؟
يعنى اللى زعل انه ضيع #رمضان منه ومقدرش يعمل اللى كان مخططله 😔
ربنا رحيم أووووى ❤❤ ربنا ادانا فرصة بس متضيعهاش هى كمان 👌 ربنا ادانا فرصة أكبر من فرصة رمضان !
رسولنا الحبيب قال :- " أفضل أيام الدنيا ايام العشر "
يعنى أفضل من رمضان .. اللى من صامه أو قامه إيماناً واحتساباً غفر له ما تقدم من ذنبه !!! أجرها أكبر تخيييل ❤
ثواب العشر الأوائل .. ثواب واحد أنفق كل ماله وحياته وروحه فى الجهاد فى سبيل الله ☺
أما بالنسبة للصيام بقى !! 😉
صيام يوم هيكفر ذنوب سنتين !! وهو يوم عرفه 💗
نجتهد فى الصيام على قد ما نقدر احنا عايزين نكفر عن ذنوبنا والله . 😢
الصيام أجره إنه بيبعد عن وجهك النار 70 خريفا 🌸
الأجر ده بيتضاعف أضعاف مضاعفة فى ذى الحجة 🌼
رسولنا الحبيب قال :-
" يوم عرفة يكفر السنه الماضية والسنة القابلة " 💙
جرب تعمل كمان حاجة مختلفة .. حاجة جميلة كدا تفتخر قدام ربنا انك قدرت تعملها 😊😎 علشان ربنا يفرح بيك ويحبك وتكون من عبادة الصالحين ويدخلك الفردوس الأعلى 😌
اللي حاسس انه قصر في رمضان دي فُرصته ..
اللي حاسس ان فى قلبه شىء من الفتور أو أنتكاسة دي فرصته علشان يرجع بقلب سليم ✊
هم 10 ايام بس مش كتير والله لكن عند الله أعظم وأفضل أيام فى السنة كلها . 💝
🌞 طيب هعمل اية علشان أنال الثواب العظيم دة ؟ ❗
1 - صيام هذة الأيام و ان لم تستطع فلا تحرم نفسك من صيام يوم عرفة ولا تحرم نفسك من ثوابها 😇
2 - قراءة وِرد يومي ثابت و لو حتى صفحه واحدة .. بس انت تقدر تختم القرآن فيهم زى ما كنت بتختم فى رمضان بالظبط .. لو قرآت كل يوم 3 أجزاء هتختمة .. قسمهم على الصلوات الخمس وقبل وبعد كل صلاة إقرأ وانت مش هتحس بتعب فى قراءتهم + أذكار الصباح بعد الفجر .. وأذكار المساء قبل المغرب ولو اتأخرت عن كده مفيش مشكله المهم متنساش تقولها 🎀
3 - الصلاة على أوقاتها الأذان يأذن على طول أتوضى وأنزل على المسجد وصلي .. وانتِ صلى ع الوقت ف أوضتك 👍
4 - الدعاء بين الأذان و الاقامه " سنه مهجورة " حافظ عليها
5 - صلاة الضحى من ركعتان لـ 8 ركعات ( براحتك يعني ) و دي معادها من بعد الشروق بربع ساعة لـ قبل الظهر بربع ساعه 💟
6 - كل يوم تفرح قلب مسلم .. " والدتك _ اختك _اخوك _ والدك _ او حتى حد متعرفوش بأبتسامة أو بدعوة بظهر الغيب " وصل أرحامك ولو بمكالمة فون 😊
7 - جدد نيتك في اي عمل انه لله فقط + حافظ على أذكار ما بعد الصلاة .. { سبحان الله _ الحمد لله _ الله اكبر .. كل ذكر 33 مرة } على ايدك الجميله دى مش هتاخد وقت وأختم بالمئة { لا إله الا الله وحده لا شريك له له الملك وله الحمد يحيى ويميت وهو على كل شئ قرير } + قراءة آيه الكرسى بعد كل صلاة 🌝
8 - القيام القيام القيام و لو بركعتان لو صليت بـ 10 ايات لم تكتب من الغافلين و لو صليت بـ 100 آيه تكتب من القانتين " صدقني مش كتير الـ 100 آيه " سورة الواقعه فى ركعة و سورة الأخلاص فى ركعة هيبقوا 100 آيه 💚
9 - مهما بتعمل ذنوب و مهما غلطت فى حق الله إياك تسيب ركعة الوتر ، حافظ كل يوم على الوتر و هي ركعه واحدة او ثلاث ركعات من غير تشهد أوسط بتختم بيها صلاتك بالليل
10 - السنن الي بعد الفروض دى ! 😀
بص هم 2 قبل الفجر و 2 و2 قبل الظهر و 2 بعده و 2 بعد المغرب و 2 بعد العشاء "
كدا 12 و دى أجرها بيت فى الجنة 💕
11 - الدعوة بظهر الغيب لـ اي شخص ييجي فى بالك و لك مثلها واعلم أن للصائم دعوة لا ترد 😍
12 - الصدقة حاول تطلع صدقة فى الأيام دى والله والله أيام ممكن متتعوضش تانى وهنندم عليها .. طلع باللى تقدر علية 💜
كفاية دول 😃
علو الهمه ، اللى ملحقش رمضان و ندم ، رمضان كانت الشياطين مصفدة دلوقتى العمل هيبقى ضعف اجرة و معاه كمان جهاد النفس والشيطان ، الايام دى الى هتثبتلك حالك بجد و التزامك بينك و بين نفسك بجد ، جهاد نفسك هيكون قوي بس مش ببلاش ! 👍
#أستقبلوهم_بتوبة_صادقة
#أجتهدوا_فى_هذة_الأيام_العشر
#أفضل_أيام_الدنيا
#بقلمي _شخابيط _منتقبه
#منقول بحب♥️♥️🌻
